خوش خبری

کیفیت
مزید جوابات کے لیے دستیاب نہیں
تہذیب

تہذیب

محفلین
اوباما، من موہن اور زرداری کو ایک فرشتے نے شام کے کھانے کی دعوت پر بلایا۔ اور کھانے کی میز پر فرشتے نے کہا کہ اس دعوت کا مقصد یہ تھا کہ دنیا کےتین بااثر ترین افراد کو بتایا جائے کہ وہ دنیا میں جاکے لوگوں کو بتائیں کہ کل دنیا کا اختتام ہورہا ہے۔ کل قیامت آئے گی ۔
دوسرے دن صبح صبح من موہن نے راجیہ سبھا اور لوک سبھا کا اجلاس طلب کیا اور ساری قوم کو بتایا کہ میرے پاس آپ کیلیے دو بری خبریں ہیں ۔ ایک یہ کہ وہ جو مسلمان کہا کرتے تھے کہ اللہ کو مانو۔ وہی خدائے واحد ہے۔قیامت کا دن آئے گی اس دن کی تیاری کرو۔ وغیرہ وغیرہ ۔ وہ بات واقعی درست تھی۔ اور دوسری بات یہ کہ آج دنیا کا آخری دن ہے ۔ وہ قیامت آج ہی آئے گی ۔
اوباما نے کیبنٹ، کانگریس اور سینیٹ کا اجلاس بلایا اور ساری قوم کو ٹی وی پر خطاب کرکے بتایا کہ میرے پاس آپ کیلیئے دو خبریں ہیں۔ ایک اچھی اور ایک بری ۔۔ اچھی خبر یہ کہ وہ جو ہم کہتے تھے کہ " ان گاڈ وی ٹرسٹ"۔ خدا کا وجود واقعی ہے ۔ ثابت ہوگیا ہے۔ اور بری خبر یہ کہ آج کا دن دنیا کا آخری دن ہے۔ دنیا کے ساتھ ساتھ عظیم امریکی قوم بھی ہمیشہ کیلیئے مٹ جائے گی۔
زرداری نے ٹی وی پر براہ راست اعلان کیا کہ اس کے پاس دو اچھی خبریں ہیں ۔ ایک یہ کہ وہ دنیا کے تین بااثر افراد میں سے ایک ہے اور دوسری اچھی خوش خبری یہ کہ وہ تاحیات پاکستان کا صدر رہے گا۔
 
محمد وارث

محمد وارث

لائبریرین
توحیدی نے کہا:
استغفراللہ
اس کو فورا ڈیلیٹ کیا جائے اس میں فرشتوں کا مذاق اُڑایا گیا ہے۔
مزید نمائش کے لیے کلک کریں۔۔۔

لطیفے کو لطیفہ ہی سمجھیں محترم۔ اور آپ کی نذر جوش ملیح آبادی کی ایک رباعی

اِس وقت سَبُک بات نہیں ہو سکتی
توہینِ خرابات نہیں ہو سکتی
جبریلِ امیں آئے ہیں مُجرے کے لیے
کہہ دو کہ ملاقات نہیں ہو سکتی
 
نازنین ناز

نازنین ناز

محفلین
کیا اس قسم کی رباعی تحریر کرکے کسی کی دل آزاری کرنا اچھی بات ہے؟ یا یہاں منتظم اعلی کا ٹائٹل لگنے کے بعد کچھ بھی تحریر کرنے کی اجازت ہوتی ہے؟
ہوسکتا ہے کہ جوش ملیح آبادی کا آپ کی نظر میں بہت بلند مقام ہو لیکن یہ ضروری تو نہیں کہ ہر رکن میں دل میں بھی ان کا وہی مقام ہو، یا ان کی اس طرح کی رباعیات کو بھی محض اس لئے خوش دلی سے برداشت کیا جائے کہ کہ وہ بہت بڑے شاعر تھے؟
کیا یہی تحریر کرنا کافی نہیں تھا کہ:
’’لطیفے کو لطیفہ ہی سمجھیں محترم۔‘‘
اللہ رب العزت ہم سب کو صراط مستقیم پر چلائے۔ آمین
 
عسکری

عسکری

معطل
زرداری سے کوئی اچھی امید ہی رکھی جا سکتی ہے بھئی ویسے وہ تب بھی سوئس اکاؤنٹ کے بارے میں سوچے گا :grin:
 
ابن سعید

ابن سعید

خادم
نازنین ناز نے کہا:
کیا اس قسم کی رباعی تحریر کرکے کسی کی دل آزاری کرنا اچھی بات ہے؟ یا یہاں منتظم اعلی کا ٹائٹل لگنے کے بعد کچھ بھی تحریر کرنے کی اجازت ہوتی ہے؟
مزید نمائش کے لیے کلک کریں۔۔۔

بٹیا رانی، آپ کے اعتراض اور اپنے جذبات کے اظہار میں کوئی قباحت نہیں۔ لیکن یوں بات بے بات منتظم ہونے کا واسطہ دینا تو اچھی بات نہیں ہے ناں؟ کیا وارث بھائی نے کوئی منتظمانہ لہجہ اختیار کیا ہے؟ یا پھر منتظمین سے عام اراکین کے بر عکس اپنی رائے کے اظہار کا اختیار چھین لیا جاتا ہے؟ یہاں تو منتظمین ایک دوسرے کے پیغامات بغیر اطلاع کے حذف بھی کر دیتے ہیں۔ آزادئی اظہار رائے کو لے کر منتظمین کو دیگر محفلین پر کوئی ترجیح حاصل نہیں ہے لیکن احباب سے درخواست ہے کہ وہ منتظمین کی آزادی کا دائرہ عام محفلین کی بنسبت تنگ بھی نہ کریں۔ یقین کریں کہ ان کا یہ پیغام ایسے زمرے میں نہ ہوتا تو شاید ہم نے اب تک اسے حذف کر دیا ہوتا۔ انتظامی امور کے علاوہ اگر کسی منتظم کی کسی بات سے دل آزاری ہو تو اس کو اسی طرح رپورٹ کیا جانا چاہیئے جیسے عام اراکین کی پوسٹ کو کیا جاتا ہے۔ امید ہے کہ محفلین اس بات کو تحمل کے ساتھ سمجھنے کی کوشش کریں گے۔
 
محمد وارث

محمد وارث

لائبریرین
نازنین ناز نے کہا:
کیا اس قسم کی رباعی تحریر کرکے کسی کی دل آزاری کرنا اچھی بات ہے؟ یا یہاں منتظم اعلی کا ٹائٹل لگنے کے بعد کچھ بھی تحریر کرنے کی اجازت ہوتی ہے؟
ہوسکتا ہے کہ جوش ملیح آبادی کا آپ کی نظر میں بہت بلند مقام ہو لیکن یہ ضروری تو نہیں کہ ہر رکن میں دل میں بھی ان کا وہی مقام ہو، یا ان کی اس طرح کی رباعیات کو بھی محض اس لئے خوش دلی سے برداشت کیا جائے کہ کہ وہ بہت بڑے شاعر تھے؟
کیا یہی تحریر کرنا کافی نہیں تھا کہ:
’’لطیفے کو لطیفہ ہی سمجھیں محترم۔‘‘
اللہ رب العزت ہم سب کو صراط مستقیم پر چلائے۔ آمین
مزید نمائش کے لیے کلک کریں۔۔۔

منتظم اعلیٰ والی بات کا سعود صاحب جواب دے چکے، صرف اتنا عرض کرونگا کہ بقولِ فیض مرحوم

وہ بات سارے فسانے میں جس کا ذکر نہ تھا
وہ بات ان کو بہت ناگوار گزری ہے

باقی رہی جوش کی رباعی اور اس خاکسار کا اسکا ذکر کرنا تو یہاں واعظ کرنے سے بہتر ہے کہ ہم دونوں پر کسی شرعی عدالت میں جا کر کفر کا مقدمہ دائر کریں یا کسی مولوی مفتی سے کفر شفر کا فتویٰ حاصل کریں۔ رہی اللہ کی عدالت تو اسکے ناز آپ مت اٹھائیں، جوش اور یہ خاکسار خود ہی وہاں جواب دیں لے گے، آپ تردد نہ کریں

رندِ خراب حال کو زاہد نہ چھیڑ تُو
تجھ کو پرائی کیا پڑی، اپنی نبیڑ تُو
 
م

ملک ارسلان

محفلین
محمد وارث نے کہا:
لطیفے کو لطیفہ ہی سمجھیں محترم۔ اور آپ کی نذر جوش ملیح آبادی کی ایک رباعی

اِس وقت سَبُک بات نہیں ہو سکتی
توہینِ خرابات نہیں ہو سکتی
جبریلِ امیں آئے ہیں مُجرے کے لیے
کہہ دو کہ ملاقات نہیں ہو سکتی
مزید نمائش کے لیے کلک کریں۔۔۔

میرے نزدیک ملیح آبادی ہو یا کوئی اور شاعر۔جس کی بات یا شعر قرآن و حدیث سے ٹکرا گیا میرا اس سے اظہار برآت ہے۔دیکھا جائے تو اس رباعی میں کتنی بری طرح سیدنا جبرائیل علیہ السلام کے بارے میں گھٹیا کام منسوب کیا گیا ہے۔اللہ کا خوف کھائیں مجھے اس بات کی نہیں پرواہ کہ آپ مجھ پر رباعی فٹ کرتے رہیں ایک بار کیا ہزار بار بھی ایسی رباعیاں کہہ لیں تو مجھے کوئی فرق نہیں پڑتا لیکن بحیثیت ایک مسلمان سوچیں کہ کیا اس طرح فرشتوں کا مذاق اُڑانا صرف اپنی دلی تسکین کے لیے کیا درست ہے؟ کیا مذاق کرنے کے لیے صرف فرشتے ہی ملے ہیں آپ کو؟
اللہ تعالیٰ ہدایت عطا فرمائے آمین۔
 
م

ملک ارسلان

محفلین
ابن سعید نے کہا:
بٹیا رانی، آپ کے اعتراض اور اپنے جذبات کے اظہار میں کوئی قباحت نہیں۔ لیکن یوں بات بے بات منتظم ہونے کا واسطہ دینا تو اچھی بات نہیں ہے ناں؟ کیا وارث بھائی نے کوئی منتظمانہ لہجہ اختیار کیا ہے؟ یا پھر منتظمین سے عام اراکین کے بر عکس اپنی رائے کے اظہار کا اختیار چھین لیا جاتا ہے؟ یہاں تو منتظمین ایک دوسرے کے پیغامات بغیر اطلاع کے حذف بھی کر دیتے ہیں۔ آزادئی اظہار رائے کو لے کر منتظمین کو دیگر محفلین پر کوئی ترجیح حاصل نہیں ہے لیکن احباب سے درخواست ہے کہ وہ منتظمین کی آزادی کا دائرہ عام محفلین کی بنسبت تنگ بھی نہ کریں۔ یقین کریں کہ ان کا یہ پیغام ایسے زمرے میں نہ ہوتا تو شاید ہم نے اب تک اسے حذف کر دیا ہوتا۔ انتظامی امور کے علاوہ اگر کسی منتظم کی کسی بات سے دل آزاری ہو تو اس کو اسی طرح رپورٹ کیا جانا چاہیئے جیسے عام اراکین کی پوسٹ کو کیا جاتا ہے۔ امید ہے کہ محفلین اس بات کو تحمل کے ساتھ سمجھنے کی کوشش کریں گے۔
مزید نمائش کے لیے کلک کریں۔۔۔

بھائی مجھ پر ہزار بار ایسی رباعیاں فٹ کر لیں کوئی مسئلہ نہیں۔بات یہ نہیں چل رہی بات ہے کہ فرشتوں کا مذاق اُڑانا کون سا صحیح کام ہے۔کیا ذرا بھی اللہ کا خوف نہیں۔کیا ذرا بھر بھی یہ تاثر ہمارے اندر پیدا نہیں ہوتا کہ ہم نے مر کر اللہ کی طرف لوٹنا ہے جس کی مخلوق کا ہم مذاق اڑا رہے ہیں۔وارث صاحب کی عزت کا خیال ہے آپ کو معزز فرشتوں کی عزت کا کوئی خیال نہیں۔گویا آپ کے نزدیک جبرائیل علیہ السلام سے زیادہ وارث صاحب کا مقام ہے جو یہاں ایک لفظ بھی فرشتوں کی گستاخی کرنے پر نہیں بولا جا رہا۔بھائی آپ لوگ یہاں کا اثر و رسوخ رکھتے ہیں میری پوسٹوں کو حذف کر دینا آپ کے لیے کوئی مشکل بات نہیں لیکن سوچیے جو دائیں بائیں فرشتے بیٹھے یہ فرشتوں پر لگائے گئے گھٹیا الزام لکھ رہے ہیں اس کے بارے میں یوم القیامت جواب دہی کی گئی تو آپ کے پاس کیا جواب ہو گا۔
اللہ سمجھنے کی توفیق عطا فرمائے آمین۔
 
م

ملک ارسلان

محفلین
محمد وارث نے کہا:
منتظم اعلیٰ والی بات کا سعود صاحب جواب دے چکے، صرف اتنا عرض کرونگا کہ بقولِ فیض مرحوم

وہ بات سارے فسانے میں جس کا ذکر نہ تھا
وہ بات ان کو بہت ناگوار گزری ہے

باقی رہی جوش کی رباعی اور اس خاکسار کا اسکا ذکر کرنا تو یہاں واعظ کرنے سے بہتر ہے کہ ہم دونوں پر کسی شرعی عدالت میں جا کر کفر کا مقدمہ دائر کریں یا کسی مولوی مفتی سے کفر شفر کا فتویٰ حاصل کریں۔ رہی اللہ کی عدالت تو اسکے ناز آپ مت اٹھائیں، جوش اور یہ خاکسار خود ہی وہاں جواب دیں لے گے، آپ تردد نہ کریں

رندِ خراب حال کو زاہد نہ چھیڑ تُو
تجھ کو پرائی کیا پڑی، اپنی نبیڑ تُو
مزید نمائش کے لیے کلک کریں۔۔۔
بڑی ڈھٹائی ہے آپ کے اندر۔اللہ ہدایت عطا فرمائے آمین
 
ابن سعید

ابن سعید

خادم
توحیدی نے کہا:
بھائی مجھ پر ہزار بار ایسی رباعیاں فٹ کر لیں کوئی مسئلہ نہیں۔بات یہ نہیں چل رہی بات ہے کہ فرشتوں کا مذاق اُڑانا کون سا صحیح کام ہے۔کیا ذرا بھی اللہ کا خوف نہیں۔کیا ذرا بھر بھی یہ تاثر ہمارے اندر پیدا نہیں ہوتا کہ ہم نے مر کر اللہ کی طرف لوٹنا ہے جس کی مخلوق کا ہم مذاق اڑا رہے ہیں۔وارث صاحب کی عزت کا خیال ہے آپ کو معزز فرشتوں کی عزت کا کوئی خیال نہیں۔گویا آپ کے نزدیک جبرائیل علیہ السلام سے زیادہ وارث صاحب کا مقام ہے جو یہاں ایک لفظ بھی فرشتوں کی گستاخی کرنے پر نہیں بولا جا رہا۔بھائی آپ لوگ یہاں کا اثر و رسوخ رکھتے ہیں میری پوسٹوں کو حذف کر دینا آپ کے لیے کوئی مشکل بات نہیں لیکن سوچیے جو دائیں بائیں فرشتے بیٹھے یہ فرشتوں پر لگائے گئے گھٹیا الزام لکھ رہے ہیں اس کے بارے میں یوم القیامت جواب دہی کی گئی تو آپ کے پاس کیا جواب ہو گا۔
اللہ سمجھنے کی توفیق عطا فرمائے آمین۔
مزید نمائش کے لیے کلک کریں۔۔۔

برادر محترم، آپ نے اتنی سی بات کے لئے ہمیں صاحب اثر و رسوخ اور سیاہ سفید کے مالک گردان کر مراسلے حذف کر دینے کی بلیک بیلنگ بھی شروع کر دی۔ (ویسے اس میں کوئی تعجب کا امر نہیں، اگر اس سیکشن کے موڈریٹر گپ شپ کے زمرے میں مذہبی گفتگو غیر مناسب سمجھیں گے تو متعلقہ مراسلے ضرور حذف کر دیں گے۔) سب سے پہلی بات تو یہ کہ محمد وارث صاحب ہمارے کوئی خون یا دودھ کے رشتے میں نہیں آتے۔ اگر دس بارہ پشت پہلے کے ہمارے اجداد ایک رہے ہوں تو بات اور ہے۔ اور نہ ہی ناظمین کو ایک دوسرے کی پشت پناہی کی تنخواہ ملتی ہے۔ ان سے ہمارا تعلق بس محفل کی حد تک ہی ہے۔ اور یہاں محفلین کے رشتے سے آپ بھی ہمیں اتنے ہی عزیز ہو سکتے ہیں جتنے وہ ہیں۔ ہم ان کی سخن شناسی کے قائل ہیں اور ان کا احترام کرتے ہیں، لیکن اس کا یہ مطلب نہیں کہ اس بات کو لیکر ہم ان کی حمایت پر اتر آئیں۔ ہمارا پچھلا مراسلہ ان کی پشت پناہی کی نیت سے نہیں تھا بلکہ ایک اصول کی بات بتانے کے لئے ہم نے کچھ لکھ دیا تھا۔ ورنہ ہم عموماً ایسے معاملات میں کچھ بولتے ہی نہیں ہیں۔ پہلے ہم بھی حد درجہ جذباتی ہوا کرتے تھے۔ ہمارے مسلک اور ہماری سوچ کے خلاف کوئی بات ہو جائے تو جانے کیا کچھ کر جانے کو جی کرتا تھا۔ لیکن اتنا عرصہ محفلین رہنے اور یہاں کی نظامت سنبھالنے کے بعد لوگوں کی گالیوں اور کوسنوں نے کافی کچھ سکھا دیا (ویسے محفل اس بات کی گواہ ہے کہ اس کی نظامت کا پرزہ بننے کے بعد ہم نے کسی کو طنزیہ یا جارحانہ لہجے میں مخاطب نہیں کیا، پھر خواہ وہ محفل کے پیغامات ہوں یا ذاتی پیغامات، خواہ ان باتوں میں شکایت ہو، غم و غصہ ہو، گالیاں اور مغلظات ہوں یا پھر پیار، ہمارا جواب ہمیشہ پر تحمل ہی رہا ہے)۔ انھیں میں سے چند باتیں انتہائی خلوص کے ساتھ آپ احباب کی نذر کر رہے ہیں۔ اگر کام کی لگیں تو دعائیں دیجئے گا۔

- محفل کا بنیادی مقصد "اردو" کی ترویج ہے۔
- اردو ایک زبان ہے جو کسی مذہب و مسلک یا قومیت کی جاگیر نہیں۔
- یہاں بشمول اسلام، کسی بھی مذہب یا مکتب فکر کے لوگوں کو اپنی سوچ اور فکر کے ساتھ شریک ہونے کی مکمل آزادی ہے۔
- ہر و شخص جس کا نام عبد اللہ یا عبد الرحمٰن ہو، ضروری نہیں کہ وہ مسلمان بھی ہو، یا یہ کہ سارے عبد اللہ اور عبد الرحمٰن ایک جیسی فکر رکھنے والے مسلمان ہوں۔
- اگر ہم کسی گستاخ اسلام کی زبان کو چاقو سے نہ کاٹ لیں یا اس کے منھ پر "خاموش" کا اسٹیکر نہ چسپاں کر دیں تو اس کا ہرگز یہ مطلب نہیں کہ ہم اس کے حامی ہیں یا وہ ہماری زبان بول رہا/رہی ہے۔
- اگر ہم دوسروں کی ہر بات میں مین میخ نکال کر ان کی اصلاح کے ٹھیکے دار بننے کے بجائے ہر کسی کی الٹی سیدھی، اچھی بری باتوں میں سے اپنے کام کی چیزیں نکالنے کی نیت سے تھوڑے سے تحمل کا مظاہرہ کریں تو کافی اچھے نتائج برامد ہو سکتے ہیں۔
- اگر اسلامیات کے زمرے میں اسلامی فکر، مسائل، حل، اصلاح، صحت مند مباحثہ، دعائیں، سیرت اسلاف، قرآن و حدیث کی باتیں کرنے کی آزادی ہے تو فیشن و ملبوسات کے زمرے میں نیم عریاں فیشن زدہ ملکہ حسن کی تصویریں شامل کرنے، موسیقی کے زمرے میں جاز میوزک، صوفی نغمے یا پھر غزلیں شامل کرنے، سنیما و ٹی وی کے زمرے میں فلموں پر تبصرے کرنے اور ادبی زمرے میں اردو ادب سے متعلقہ مواد شامل کرنے (پھر خواہ وہ اسلامی ادب ہو یا غیر اسلامی، کیوں کہ بعض احباب کا ماننا ہے کہ ادب اسلامی یا غیر اسلامی نہیں ہوتا بلکہ اس کا سرے سے کوئی مذہب ہی نہیں ہوتا) کی پوری اجازت ہے۔ جس طرح اسلامیات کے زمرے میں سیاسی گفتگو قابل مواخذہ ہو سکتی ہے ویسے ہے دیگر زمروں میں اسلامیات کی باتیں ممنوع یا بے محل ہو سکتی ہیں۔
- مدیران و ناظمین پر بہتان یا الزام لگانے اور مغلظات بکنے سے پہلے احباب کو سو دفعہ سوچنا چاہیئے کہ منتظمین محفلین کی جا بجا، محل بے محل، اچھی بری تحریروں، تبصروں اور بے سر و پا عنوانات، املا کی غلطیوں، پائریسی اور فحاشی پھیلانے والی تحریروں کی چھان بین کرنے، ان کو درست جگہ پر برتنے کی خدمت بغیر کسی معاوضے یا ذاتی منفعت کے انجام دیتے ہیں۔
- منتظمین کو بھی ایک عام رکن کی طرح اپنی رائے کسی بھی زمرے میں رکھنے کا پورا پورا اختیار ہونا چاہیئے۔ اور دیگر اراکین کی طرح غلطیاں کرنے کی بھی اجازت ہونی چاہیئے۔ جب تک وہ عمل یا مراسلہ انتظامی اقدامات کا حصہ نہ ہو تب تک اس بات کا طعنہ دینا کہ منتظمین تو ارباب اختیار ہیں، غیر مناسب ہے۔

احباب سے درخواست ہے کہ ان باتوں کو کسی فرد واحد کو ہدف بنا کر کہی ہوئی نہ گردانیں بلکہ یہ ایک عمومی مشورہ ہے جو ہر محفلین پر بشمول منتظمین، یکساں لاگو ہوتا ہے۔ :)
 
م

ملک ارسلان

محفلین
ابن سعید نے کہا:
برادر محترم، آپ نے اتنی سی بات کے لئے ہمیں صاحب اثر و رسوخ اور سیاہ سفید کے مالک گردان کر مراسلے حذف کر دینے کی بلیک بیلنگ بھی شروع کر دی۔ (ویسے اس میں کوئی تعجب کا امر نہیں، اگر اس سیکشن کے موڈریٹر گپ شپ کے زمرے میں مذہبی گفتگو غیر مناسب سمجھیں گے تو متعلقہ مراسلے ضرور حذف کر دیں گے۔) سب سے پہلی بات تو یہ کہ محمد وارث صاحب ہمارے کوئی خون یا دودھ کے رشتے میں نہیں آتے۔ اگر دس بارہ پشت پہلے کے ہمارے اجداد ایک رہے ہوں تو بات اور ہے۔ اور نہ ہی ناظمین کو ایک دوسرے کی پشت مناہی کی تنخواہ ملتی ہے۔ ان سے ہمارا تعلق بس محفل کی حد تک ہی ہے۔ اور یہاں محفلین کے رشتے سے آپ بھی ہمیں اتنے ہی عزیز ہو سکتے ہیں جتنے وہ ہیں۔ ہم ان کی سخن شناسی کے قائل ہیں اور ان کا احترام کرتے ہیں، لیکن اس کا یہ مطلب نہیں کہ اس بات کو لیکر ہم ان کی حمایت پر اتر آئیں۔ ہمارا پچھلا مراسلہ ان کی پشت پناہی کی نیت سے نہیں تھا بلکہ ایک اصول کی بات بتانے کے لئے ہم نے کچھ لکھ دیا تھا۔ ورنہ ہم عموماً ایسے معاملات میں کچھ بولتے ہی نہیں ہیں۔ پہلے ہم بھی حد درجہ جذباتی ہوا کرتے تھے۔ ہمارے مسلک اور ہماری سوچ کے خلاف کوئی بات ہو جائے تو جانے کیا کچھ کر جانے کو جی کرتا تھا۔ لیکن اتنا عرصہ محفلین رہنے اور یہاں کی نظامت سنبھالنے کے بعد لوگوں کی گالیوں اور کوسنوں نے کافی کچھ سکھا دیا (ویسے محفل اس بات کی گواہ ہے کہ اس کی نظامت کا پرزہ بننے کے بعد ہم نے کسی کو طنزیہ یا جارحانہ لہجے میں مخاطب نہیں کیا، پھر خواہ وہ محفل کے پیغامات ہوں یا ذاتی پیغامات، خواہ ان باتوں میں شکایت ہو، غم و غصہ ہو، گالیاں اور مغلظات ہوں یا پھر پیار، ہمارا جواب ہمیشہ پر تحمل ہی رہا ہے)۔ انھیں میں سے چند باتیں انتہائی خلوص کے ساتھ آپ احباب کی نذر کر رہے ہیں۔ اگر کام کی لگیں تو دعائیں دیجئے گا۔

- محفل کا بنیادی مقصد "اردو" کی ترویج ہے۔
- اردو ایک زبان ہے جو کسی مذہب و مسلک یا قومیت کی جاگیر نہیں۔
- یہاں بشمول اسلام، کسی بھی مذہب یا مکتب فکر کے لوگوں کو اپنی سوچ اور فکر کے ساتھ شریک ہونے کی مکمل آزادی ہے۔
- ہر و شخص جس کا نام عبد اللہ یا عبد الرحمٰن ہو، ضروری نہیں کہ وہ مسلمان بھی ہو، یا یہ کہ سارے عبد اللہ اور عبد الرحمٰن ایک جیسی فکر رکھنے والے مسلمان ہوں۔
- اگر ہم کسی گستاخ اسلام کی زبان کو چاقو سے نہ کاٹ لیں یا اس کے منھ پر "خاموش" کا اسٹیکر نہ چسپاں کر دیں تو اس کا ہرگز یہ مطلب نہیں کہ ہم اس کے حامی ہیں یا وہ ہماری زبان بول رہا/رہی ہے۔
- اگر ہم دوسروں کی ہر بات میں مین میخ نکال کر ان کی اصلاح کے ٹھیکے دار بننے کے بجائے ہر کسی کی الٹی سیدھی، اچھی بری باتوں میں سے اپنے کام کی چیزیں نکالنے کی نیت سے تھوڑے سے تحمل کا مظاہرہ کریں تو کافی اچھے نتائج برامد ہو سکتے ہیں۔
- اگر اسلامیات کے زمرے میں اسلامی فکر، مسائل، حل، اصلاح، صحت مند مباحثہ، دعائیں، سیرت اسلاف، قرآن و حدیث کی باتیں کرنے کی آزادی ہے تو فیشن و ملبوسات کے زمرے میں نیم عریاں فیشن زدہ ملکہ حسن کی تصویریں شامل کرنے، موسیقی کے زمرے میں جاز میوزک، صوفی نغمے یا پھر غزلیں شامل کرنے، سنیما و ٹی وی کے زمرے میں فلموں پر تبصرے کرنے اور ادبی زمرے میں اردو ادب سے متعلقہ مواد شامل کرنے (پھر خواہ وہ اسلامی ادب ہو یا غیر اسلامی، کیوں کہ بعض احباب کا ماننا ہے کہ ادب اسلامی یا غیر اسلامی نہیں ہوتا بلکہ اس کا سرے سے کوئی مذہب ہی نہیں ہوتا) کی پوری اجازت ہے۔ جس طرح اسلامیات کے زمرے میں سیاسی گفتگو قابل مواخذہ ہو سکتی ہے ویسے ہے دیگر زمروں میں اسلامیات کی باتیں ممنوع یا بے محل ہو سکتی ہیں۔
- مدیران و ناظمین پر بہتان یا الزام لگانے اور مغلظات بکنے سے پہلے احباب کو سو دفعہ سوچنا چاہیئے کہ منتظمین محفلین کی جا بجا، محل بے محل، اچھی بری تحریروں، تبصروں اور بے سر و پا عنوانات، املا کی غلطیوں، پائریسی اور فحاشی پھیلانے والی تحریروں کی چھان بین کرنے، ان کو درست جگہ پر برتنے کی خدمت بغیر کسی معاوضے یا ذاتی منفعت کے انجام دیتے ہیں۔
- منتظمین کو بھی ایک عام رکن کی طرح اپنی رائے کسی بھی زمرے میں رکھنے کا پورا پورا اختیار ہونا چاہیئے۔ اور دیگر اراکین کی طرح غلطیاں کرنے کی بھی اجازت ہونی چاہیئے۔ جب تک وہ عمل یا مراسلہ انتظامی اقدامات کا حصہ نہ ہو تب تک اس بات کا طعنہ دینا کہ منتظمین تو ارباب اختیار ہیں، غیر مناسب ہے۔

احباب سے درخواست ہے کہ ان باتوں کو کسی فرد واحد کو ہدف بنا کر کہی ہوئی نہ گردانیں بلکہ یہ ایک عمومی مشورہ ہے جو ہر محفلین پر بشمول منتظمین، یکساں لاگو ہوتا ہے۔ :)
مزید نمائش کے لیے کلک کریں۔۔۔



سعود صاحب نہ تو میں سیکولر زہنیت رکھتا ہوں اور نہ ہی منحرف افکار و نظریات کا حامی ہوں۔الحمدللہ،اللہ تعالیٰ ایسی جدید زہنیت سے بچائے جو کفر و اسلام کے فرق کو نہ سمجھ سکیں اور جس زہنیت میں یہ شعور ہی اجاگر نہ ہو کہ اچھا کیا ہے بُرا کیا ہے حلال کیا حرام کیا ہے اور بس آنکھوں پر کالی پٹی باندھ کر پڑے رہے ہوں تو اللہ تعالیٰ کی پناہ چاہتے ہیں ہم ایسی زہنیت سے۔
سعود صاحب لکھتے ہیں:
اگر ہم کسی گستاخ اسلام کی زبان کو چاقو سے نہ کاٹ لیں یا اس کے منھ پر "خاموش" کا اسٹیکر نہ چسپاں کر دیں تو اس کا ہرگز یہ مطلب نہیں کہ ہم اس کے حامی ہیں یا وہ ہماری زبان بول رہا/رہی ہے۔
مزید نمائش کے لیے کلک کریں۔۔۔

گویا مسئلہ اتنا واضح ہو جانے کے بعد بھی (کہ اس تھریڈ میں فرشتوں کا مذاق اُڑایا گیا ہے) راہ فرار اختیار کرنا کیا ظاہر کرتا ہے؟
اس سارے لمبے چوڑے مراسلے میں سعود صاحب نے ایک مرتبہ بھی فرشتوں پر مذاق اُڑانے کی مذمت نہیں کی۔

اگر ہم دوسروں کی ہر بات میں مین میخ نکال کر ان کی اصلاح کے ٹھیکے دار بننے کے بجائے ہر کسی کی الٹی سیدھی، اچھی بری باتوں میں سے اپنے کام کی چیزیں نکالنے کی نیت سے تھوڑے سے تحمل کا مظاہرہ کریں تو کافی اچھے نتائج برامد ہو سکتے ہیں۔
سعود صاحب،اللہ تعالیٰ آپ کو ہدایت عطا فرمائے آمین۔
مزید نمائش کے لیے کلک کریں۔۔۔

یعنی کوئی اللہ تعالیٰ کا ،فرشتوں کا،کتب سماویہ کا، پیغمبروں کا مذاق اُڑاتا رہے اور نشاندہی کرنے والا میخیں نکالنے والا ٹھہرے۔
اگر اسلامیات کے زمرے میں اسلامی فکر، مسائل، حل، اصلاح، صحت مند مباحثہ، دعائیں، سیرت اسلاف، قرآن و حدیث کی باتیں کرنے کی آزادی ہے تو فیشن و ملبوسات کے زمرے میں نیم عریاں فیشن زدہ ملکہ حسن کی تصویریں شامل کرنے، موسیقی کے زمرے میں جاز میوزک، صوفی نغمے یا پھر غزلیں شامل کرنے، سنیما و ٹی وی کے زمرے میں فلموں پر تبصرے کرنے اور ادبی زمرے میں اردو ادب سے متعلقہ مواد شامل کرنے (پھر خواہ وہ اسلامی ادب ہو یا غیر اسلامی، کیوں کہ بعض احباب کا ماننا ہے کہ ادب اسلامی یا غیر اسلامی نہیں ہوتا بلکہ اس کا سرے سے کوئی مذہب ہی نہیں ہوتا) کی پوری اجازت ہے۔ جس طرح اسلامیات کے زمرے میں سیاسی گفتگو قابل مواخذہ ہو سکتی ہے ویسے ہے دیگر زمروں میں اسلامیات کی باتیں ممنوع یا بے محل ہو سکتی ہیں۔
مزید نمائش کے لیے کلک کریں۔۔۔
یعنی اردو محفل کے مزاحیہ زمرے میں کوئی اللہ کی ،فرشتوں کی ،کتب سمایہ کی،پیغمبروں کی گستاخی کرتا پھرے تو یہ سب یہاں چلے گا؟کیونکہ مزاحیہ سیکشن جو ٹھہرا۔اللہ اکبر ،استغفراللہ۔
اور پھر اس کو مذہبی گفتگو کا نام دے کر حذف کرنے کی باتیں۔
مدیران و ناظمین پر بہتان یا الزام لگانے اور مغلظات بکنے سے پہلے احباب کو سو دفعہ سوچنا چاہیئے کہ منتظمین محفلین کی جا بجا، محل بے محل، اچھی بری تحریروں، تبصروں اور بے سر و پا عنوانات، املا کی غلطیوں، پائریسی اور فحاشی پھیلانے والی تحریروں کی چھان بین کرنے، ان کو درست جگہ پر برتنے کی خدمت بغیر کسی معاوضے یا ذاتی منفعت کے انجام دیتے ہیں۔
مزید نمائش کے لیے کلک کریں۔۔۔
یہاں سعود صاحب تین باتوں کا زکر کر رہے ہیں
بہتان
الزام
مغلظات بکنا
اور یہ تینوں ہی کام تھرید لکھنے والے نے فرشتوں کے بارے میں کہیں ہیں لیکن سعود صاحب وہاں نہیں بولے۔سعود صاحب کیا آپ کے نزدیک کوئی جبرائیل علیہ السلام کے بارے میں مجرے جیسے الفاظ استعمال کرے تو یہ قابل قبول ہے؟اور کوئی سمجھا دے تو وہ ناظمین پر بہتان بازی،الزام تراشی اور مغلظات بکنے والا ٹھرا۔(یہ سعود صاحب کے انصاف کا پیمانہ دیکھیں) اللہ کا خوف کریں سعود صاحب۔اللہ سے ڈر جائیں اور انصاف کا دامن ہاتھ سے نہ چھوڑیں۔
یہ باتیں آپ کو ضرور کڑوی لگیں گی۔کیونکہ سچ جو ہیں۔
دعا کر سکتے ہیں اللہ تعالیٰ آپ کو اور وارث صاحب کو سمجھ عطا فرمائے آمین۔اور اچھے برے اور حلال و حرام میں تمیز کرنے کی توفیق عطا فرمائے آمین۔



 
م

ملک ارسلان

محفلین
تہذیب نے کہا:
اوباما، من موہن اور زرداری کو ایک فرشتے نے شام کے کھانے کی دعوت پر بلایا۔ اور کھانے کی میز پر فرشتے نے کہا کہ اس دعوت کا مقصد یہ تھا کہ دنیا کےتین بااثر ترین افراد کو بتایا جائے کہ وہ دنیا میں جاکے لوگوں کو بتائیں کہ کل دنیا کا اختتام ہورہا ہے۔ کل قیامت آئے گی ۔
دوسرے دن صبح صبح من موہن نے راجیہ سبھا اور لوک سبھا کا اجلاس طلب کیا اور ساری قوم کو بتایا کہ میرے پاس آپ کیلیے دو بری خبریں ہیں ۔ ایک یہ کہ وہ جو مسلمان کہا کرتے تھے کہ اللہ کو مانو۔ وہی خدائے واحد ہے۔قیامت کا دن آئے گی اس دن کی تیاری کرو۔ وغیرہ وغیرہ ۔ وہ بات واقعی درست تھی۔ اور دوسری بات یہ کہ آج دنیا کا آخری دن ہے ۔ وہ قیامت آج ہی آئے گی ۔
اوباما نے کیبنٹ، کانگریس اور سینیٹ کا اجلاس بلایا اور ساری قوم کو ٹی وی پر خطاب کرکے بتایا کہ میرے پاس آپ کیلیئے دو خبریں ہیں۔ ایک اچھی اور ایک بری ۔۔ اچھی خبر یہ کہ وہ جو ہم کہتے تھے کہ " ان گاڈ وی ٹرسٹ"۔ خدا کا وجود واقعی ہے ۔ ثابت ہوگیا ہے۔ اور بری خبر یہ کہ آج کا دن دنیا کا آخری دن ہے۔ دنیا کے ساتھ ساتھ عظیم امریکی قوم بھی ہمیشہ کیلیئے مٹ جائے گی۔
زرداری نے ٹی وی پر براہ راست اعلان کیا کہ اس کے پاس دو اچھی خبریں ہیں ۔ ایک یہ کہ وہ دنیا کے تین بااثر افراد میں سے ایک ہے اور دوسری اچھی خوش خبری یہ کہ وہ تاحیات پاکستان کا صدر رہے گا۔
مزید نمائش کے لیے کلک کریں۔۔۔

اس پوری پوسٹ میں فرشتوں کا مذاق ہے۔
 
م

ملک ارسلان

محفلین
محمد وارث نے کہا:
لطیفے کو لطیفہ ہی سمجھیں محترم۔ اور آپ کی نذر جوش ملیح آبادی کی ایک رباعی

اِس وقت سَبُک بات نہیں ہو سکتی
توہینِ خرابات نہیں ہو سکتی
جبریلِ امیں آئے ہیں مُجرے کے لیے
کہہ دو کہ ملاقات نہیں ہو سکتی
مزید نمائش کے لیے کلک کریں۔۔۔

اور اس میں تو گستاخی کی حد ہی ہو گئی ہے۔

"یہ مسلماں ہیں جنہیں دیکھ کہ شرمائیں یہود"
 
ظ

ظفری

لائبریرین
توحیدی نے کہا:
اس پوری پوسٹ میں فرشتوں کا مذاق ہے۔
مزید نمائش کے لیے کلک کریں۔۔۔
قبلہ ۔۔۔۔ وضاحت مانگی ہے کہ کہاں فرشتوں کا مذاق اڑایا گیا ہے ۔ آپ نے اسی لطیفے کی بنیاد پر فتوؤں کی پٹاری کھول دی ہے ۔ اس سارے لطیفے میں اگر آپ اس بات کو ثابت کر سکیں کہ کہاں فرشتوں کا مذاق اڑایا گیا ہے تو ٹھیک ہے ۔ ورنہ کوشش کریں کہ اپنے تئیں کسی کے درمیان ایمان اور کفر کی لکیر کھینچنے سے گریز کریں ۔
 
عثمان

عثمان

محفلین
مسٹر توحیدی جب اپنے نام کے ساتھ نمودار ہوئے تھے تو اسی وقت سمجھ جانا چاہیے تھا کہ جناب کا مشن کیا ہے۔
تبلیغ ، واعظ اور فتووں کا آغاز تو گپ شپ اور لطائف کے زمرے سے ہی ہوگیا ہے۔ سو پیغامات کی حد کے بعد جب آپ جناب مذہبی زمرے میں قدم رنجا فرمائیں گے تو ان کی آنیاں جانیاں دیکھیں۔ :skull:
 
کیفیت
مزید جوابات کے لیے دستیاب نہیں
Top