فارسی شاعری خوبصورت فارسی اشعار مع اردو ترجمہ
- صاحب لڑی محمد وارث
- تاریخ ابتداء
حسان خان
لائبریرین
جنابِ محترم! مجھے خوشی ہوئی کہ آپ میری محبوب زبان فارسی کو سیکھنے میں دلچسپی رکھتے ہیں۔ فارسی زبان کا شمار دنیا کی آسان تر زبانوں میں ہوتا ہے، اور اردو کا خوب علم رکھنے والے شخص کے لیے تو یہ زبان بے حد آسان ہے۔ میری نظر میں آپ کے لیے بہترین طریقہ یہ ہو گا کہ آپ نیٹ پر موجود فارسی سکھانے والی کتب کا مطالعہ شروع کر دیجیے۔ جہاں کوئی مسئلہ پیش آئے وہاں فارسی جاننے والے دوستوں سے پوچھ لیجیے۔ میں نے بھی اِسی طرح فارسی زبان سیکھی تھی۔
پس نوشت: مجھ سے جب بھی فارسی زبان سے متعلق کوئی سوال پوچھا جائے گا، میں ضرور جواب دوں گا۔
آخری تدوین:
حسان خان
لائبریرین
سعد و نحسِ دهر بیدل کَی دهد تشویشِ ما
همچو طفلان کارِ ما با شنبه و آدینه نیست
(بیدل دهلوی)
اے بیدل! زمانے کی مبارک و منحوس [ساعتیں] ہمیں کب تشویش دیتی ہیں؟ ہمیں بچّوں کی طرح شنبہ اور جمعہ سے کام (یا سروکار) نہیں ہے۔
تشریح: 'شنبہ' ہفتے کے روز کو جبکہ 'آدینہ' جمعے کو کہتے ہیں۔ اسلامی ممالک میں جمعہ تعطیل کا روز ہوتا تھا، جبکہ روزِ شنبہ سے دوبارہ مکتبوں میں تدریسی سرگرمیوں کا آغاز ہو جاتا تھا۔ لہٰذا بچّوں کی نظر میں 'جمعہ' ایک مبارک روز، جبکہ 'شنبہ' پُرنحوست روز ہوتا تھا، اور وہ تمام ہفتے شنبہ و جمعہ کی فکر ہی میں رہتے تھے۔ بیدل کہہ رہے ہیں کہ ہمیں زمانے کی سعد و نحس ساعتوں اور ایّام سے کوئی پریشانی و تشویش نہیں ہوتی، کیونکہ ہم طفلِ مکتب نہیں ہیں کہ ہمیں روزِ شنبہ یا روزِ جمعہ سے سروکار ہو۔
همچو طفلان کارِ ما با شنبه و آدینه نیست
(بیدل دهلوی)
اے بیدل! زمانے کی مبارک و منحوس [ساعتیں] ہمیں کب تشویش دیتی ہیں؟ ہمیں بچّوں کی طرح شنبہ اور جمعہ سے کام (یا سروکار) نہیں ہے۔
تشریح: 'شنبہ' ہفتے کے روز کو جبکہ 'آدینہ' جمعے کو کہتے ہیں۔ اسلامی ممالک میں جمعہ تعطیل کا روز ہوتا تھا، جبکہ روزِ شنبہ سے دوبارہ مکتبوں میں تدریسی سرگرمیوں کا آغاز ہو جاتا تھا۔ لہٰذا بچّوں کی نظر میں 'جمعہ' ایک مبارک روز، جبکہ 'شنبہ' پُرنحوست روز ہوتا تھا، اور وہ تمام ہفتے شنبہ و جمعہ کی فکر ہی میں رہتے تھے۔ بیدل کہہ رہے ہیں کہ ہمیں زمانے کی سعد و نحس ساعتوں اور ایّام سے کوئی پریشانی و تشویش نہیں ہوتی، کیونکہ ہم طفلِ مکتب نہیں ہیں کہ ہمیں روزِ شنبہ یا روزِ جمعہ سے سروکار ہو۔
آخری تدوین:
حسان خان
لائبریرین
از لبِ من کَی فغان دلخواه میآید برون
نالهام از ناتوانی آه میآید برون
(شوکت بخاری)
میرے لب سے فغاں کب دل کی خواہش کے مطابق بیرون آتی ہے؟ ناتوانی کے باعث میرا نالہ آہ کی شکل میں بیرون آتا ہے۔
'خزانهٔ عامره' میں میر غلام علی آزاد بلگرامی اِس بیت کو درج کرنے کے بعد لکھتے ہیں:
"مؤلف گوید ازین بیت مستفاد میشود که آه از ناله کم است."
ترجمہ: مؤلف کہتا ہے اِس بیت سے معلوم ہوتا ہے کہ آہ نالے سے کم ہے۔
نالهام از ناتوانی آه میآید برون
(شوکت بخاری)
میرے لب سے فغاں کب دل کی خواہش کے مطابق بیرون آتی ہے؟ ناتوانی کے باعث میرا نالہ آہ کی شکل میں بیرون آتا ہے۔
'خزانهٔ عامره' میں میر غلام علی آزاد بلگرامی اِس بیت کو درج کرنے کے بعد لکھتے ہیں:
"مؤلف گوید ازین بیت مستفاد میشود که آه از ناله کم است."
ترجمہ: مؤلف کہتا ہے اِس بیت سے معلوم ہوتا ہے کہ آہ نالے سے کم ہے۔
مرتضیٰ وارث
محفلین
خرد کمند هوس شکار است، ورنه در چشم شوق مجنون
بجز غبار خیال لیلی کجاست آهو درین بیابان
(بیدل دھلوی)
خرد کمندِ ہوس کی شکار ہے ورنہ چشمِ شوقِ مجنوں میں بجز غبارِ خیالِ لیلی اس بیابان میں کہاں نقص ہے۔
بجز غبار خیال لیلی کجاست آهو درین بیابان
(بیدل دھلوی)
خرد کمندِ ہوس کی شکار ہے ورنہ چشمِ شوقِ مجنوں میں بجز غبارِ خیالِ لیلی اس بیابان میں کہاں نقص ہے۔
حسان خان
لائبریرین
کمندِ ہوس شکار = ہوس (آرزو؛ خواہشِ نفس) کا شکار کرنے والی کمند
آهُو = ہرن، غزال
فارسی میں 'عیب و نَقص' کا معنی رکھنے والا 'آهُو' بھی موجود ہے، لیکن وہ اب متروک ہو چکا ہے۔ اور بیدل کی اِس بیت میں 'غزال' والا 'آهُو' استعمال ہوا ہے۔
خرد کمندی هوسشکار است، ورنه در چشمِ شوقِ مجنون
به جز غبارِ خیالِ لیلی کجاست آهُو درین بیابان
(بیدل دهلوی)
عقل، آرزو اور خواہشِ نفس کا شکار کرنے والی ایک کمند ہے۔ ورنہ اِس بیاباں میں مجنوں کی چشمِ شوق میں لیلیٰ کے خیال کے غبار کے بجز کوئی آہُو کہاں ہے؟
تشریح: لیلیٰ و مجنوں کی داستان میں ہے کہ آوارۂ بیاباں مجنون کو کسی شکاری کے دام میں ایک آہو نظر آیا تھا اور چشمِ آہو سے اُسے چشمِ لیلیٰ یاد آ گئی تھی، اور پس اُس نے شکاری سے آہو کو آزاد کرنے کی خواہش کی تھی۔ یہاں بیدل اُسی داستان کی جانب اشارہ کرتے ہوئے کہہ رہے ہیں کہ انسان کی عقل اُس کی اپنی آرزوؤں اور نفسانی خواہشوں ہی کا شکار کرتی ہے، یعنی اُس کی خود کی آرزوؤں ہی کو منعکس کرتی ہے۔ لہٰذا بیاباں میں مجنوں کو اپنی چشمِ شوق میں آہو نظر نہیں آیا تھا، بلکہ یہ لیلیٰ کے خیال کا غبار ہی تھا جو آہُو بن کر اُس کی نظروں میں ظاہر ہو گیا تھا۔
لاریب مرزا
محفلین
واہ!! بہت خوب!!
حسان خان
لائبریرین
قلبِ آذربائجان تبریز کا ذکر تو فارسی شاعری میں بارہا ہوا ہے، لیکن مجھے آج بارِ اوّل حالیہ جمہوریۂ آذربائجان کے دارالحکومت باکو کا ذکر کسی فارسی بیت میں نظر آیا ہے:
ای نسیمی چون خدا گفت اِنَّ ارضی واسِعه
خطهٔ باکو به جا بگذار کاین جایِ تو نیست
(سید عمادالدین نسیمی)
اے نسیمی! چونکہ خدا نے فرمایا ہے: "یقیناً میری زمین وسیع ہے"، [تو پس] خطّۂ باکو کو چھوڑ دو کہ یہ تمہاری جا نہیں ہے۔
× عربی اقتباس سورۂ عنکبوت کی آیت ۵۶ سے مقتبس ہے۔
ای نسیمی چون خدا گفت اِنَّ ارضی واسِعه
خطهٔ باکو به جا بگذار کاین جایِ تو نیست
(سید عمادالدین نسیمی)
اے نسیمی! چونکہ خدا نے فرمایا ہے: "یقیناً میری زمین وسیع ہے"، [تو پس] خطّۂ باکو کو چھوڑ دو کہ یہ تمہاری جا نہیں ہے۔
× عربی اقتباس سورۂ عنکبوت کی آیت ۵۶ سے مقتبس ہے۔
آخری تدوین:
لاریب مرزا
محفلین
بہت خوب!! کیا کہنے!!
لاریب مرزا
محفلین
خوب!!