لسٹ LIST
لسٹ (List) ایک ایسی ڈیٹا ساخت (Data Structure) ہے جس میں اشیا یا اراکین کے مجموعہ کو ترتیب سے رکھا جاتا ہے یعنی یہ ایک مرتب مجموعہ ہوتا ہے۔ یہ ایسے ہی جیسے آپ نے شاپنگ کی ایک لسٹ بنائی ہو اور اس میں ترتیب سے اشیا کے نام لکھے ہوں۔ پائتھون میں لسٹ کے اراکین (elements)کو کومہ کی مدد سے الگ کیا جاتا ہے اور چوکور بریکٹ( [] square bracket) میں لکھا جاتا ہے۔ جو اشیا یا مقداریں لسٹ بناتی ہیں انہیں لسٹ کے اراکین کہا جاتا ہے۔

لسٹ اور اسٹرنگ ملتے جلتے ہیں ، اسٹرنگ بھی حروف کا مرتب سیٹ ہوتا ہے جبکہ لسٹ میں حروف اور نمبر دونوں ہو سکتے ہیں۔

چار نمبروں پر مشتمل لسٹ کی مثال
PHP:
[10, 20, 30, 40]

چار اسٹرنگ پر مشتمل لسٹ کی مثال

PHP:
["spam", "bungee", "swallow"]

لسٹ میں مختلف ڈیٹا ٹائپ بھی موجود ہو سکتی ہیں بلکہ لسٹ کے اندر بھی ایک لسٹ ہو سکتی ہے
PHP:
["hello", 2.0, 5, [10, 20]]

اوپر والی مثال میں ایک اسٹرنگ "ہیلو" ، ایک float عدد 2.0 , ایک مکمل عدد 5 اور ایک چھوٹی لسٹ جو دو اعداد 10،20 پر مشتمل ہے شامل ہے۔
لسٹ خالی بھی ہو سکتی ہے اور اس کے لیے دو چوکور (square) بریکٹوں کا استعمال کیا جاتا ہے۔

PHP:
empty = []
>>>vocabulary = ["Sabir", "Ahmad", "Namra"]
>>>numbers = [17, 123]
>>> empty = []
>>>print(vocabulary)
['Sabir', 'Ahmad', 'Namra']
>>> print(numbers)
[17, 123]
>>>print(empty)
[]
 
List Indices لسٹ اعشاریہ
لسٹ کے اراکین تک رسائی کے لیے وہی طریقہ کار اختیار کیا جاتا ہے جو اسٹرنگ کے حروف تک پہنچنے کے لیے کیا جاتا ہے یعنی اشاریہ(index) کی مدد سے۔
نمبروں کی اس لسٹ میں پانچ نمبر ہیں اور اشاریہ(index ) ہمیشہ 0 سے شروع ہوتا ہے۔

اب ہم لسٹ کے نام کے ساتھ چوکور بریکٹ کے اندر اشاریہ دے کر لسٹ کے اراکین تک پہنچ سکتے ہیں۔
PHP:
nums = [12, 45 , 34, 50, 100]
>>> nums[0]
12
>>> nums[4]
100

اوپر ہم نے لسٹ nums کو پانچ اراکین کے ساتھ شروع کیا۔

اس کے بعد اشاریہ 0 کی مدد سے پہلے رکن تک رسائی حاصل کی اور اشاریہ 4 کے ساتھ پانچویں اور آخری رکن تک رسائی حاصل کی۔ اسٹرنگ کی طرح اشاریہ میں صرف مکمل عدد ہی استعمال ہو سکتا ہے ۔ اگر ہم ایسے رکن تک رسائی حاصل کرنا چاہیں جو لسٹ میں موجود نہ ہو تو ایک غلطی کا پیغام سکرین پر نظر آئے گا۔ اس لسٹ میں پانچ اراکین ہیں اگر ہم چھٹے رکن تک پہنچنا چاہیں جو کہ لسٹ میں نہیں ہے تو "لسٹ اشاریہ رسائی سے باہر " کا پیغام آئے گا۔

PHP:
>>> nums[5]
Traceback (most recent call last):
 File "<interactive input>", line 1, in <module>
IndexError: list index out of range
 
منفی اشاریہ
اگر ہم منفی اشاریہ دیں تو لسٹ کے آخر سے اراکین کی گنتی شروع ہو جاتی ہے۔
مثلا منفی ایک آخری رکن ہوگا لسٹ کا ، منفی دو آخری سے ایک پہلے والا ، منفی تین آخری سے دو پہلے والا رکن ۔
PHP:
nums = [12, 45 , 34, 50, 100]
>>> nums[-1]
100
>>> nums[-2]
50
>>> nums[-3]
34
 
Top