“ماں “

نوید ملک

محفلین
دوستو ! ماں کی عظمت اور رتبہ بیان کرنے کیلٰئے یہ سلسلہ شروع کیا ہے ۔ امید ہے کہ سب دوست اس میں حصہ لیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
“ماں کی دعا“
حضرت موسیٰ علیہ سلام نے ایک دفعہ اللہ تعالیٰ سے پوچھا میرے ساتھ جنت میں کون ہو گا ۔ ارشاد ہوا "فلاں قصاب تمہارے ساتھ ہو گا"
حضرت موسیٰ علیہ سلام کچھ حیران ہوئے اور اس قصاب کی تلاش میں چل پڑے وہاں دیکھا تو ایک قصاب اپنی دوکان میں گوشت بیچنے میں مصروف تھا ، اپنا کاروبار ختم کر کے اس نے ایک گوشت کا ٹکڑا ایک کپڑے میں لپیٹا اور گھر کی طرف روانہ ہو گیا ،حضرت موسیٰ علیہ سلام نے اس قصاب کے بارے میں مزید جاننے کیلئے بطور مہمان گھر چلنے کی اجازت چاہی۔
گھر پہنچ کر قصاب نے گوشت پکایا پھر روٹی پکا کر اسکے ٹکڑے شوربے میں نرم کیے اور دوسرے کمرے میں چلا گیا ،جہاں ایک انتہائی کمزور بڑھیا پلنگ پر لیٹی ہوئی تھی ، قصاب نے بمشکل تمام اسے سہارا دیکر اٹھایا ، ایک ایک لقمہ اسکے منہ میں دیتا رہا ، جب اس نے کھانا تمام کیا تو اس نے بڑھیا کا منہ صاف کر دیا کھانا کھا کر بڈھیا نے قصاب کے کان میں کچھ کہا ، جسے سن کر قصاب مسکرا دیا ، اور بڑھیا کو واپس لٹا کر باہر آ گیا۔
حضرت موسیٰ علیہ سلام جو یہ سب دیکھ رہے تھے ، آپ نے قصاب سے پوچھا یہ عورت کون ہے اور اس نے تیرے کان میں کیا کہا جس پر تو مسکرا دیا ؟
قصاب بولا اے اجنبی ! یہ عورت میری ماں ہے ، گھر پر آنے کے بعدمیں سب سے پہلے اسکے کام کرتا ہوں تو خوش ہو کر روز مجھے یہ دعا دیتی ہے کہ اللہ تعالیٰ تجھے جنت میں حضرت موسیٰ علیہ سلام کے ساتھ رکھے اور میں مسکرا دیتا ہوں کہ میں کہاں اور موسیٰ کلیم اللہ کہاں ؟
 

نوید ملک

محفلین
جب ماں کو اللہ تعالٰی نے بنایا تو فرشتوں کو حکم دیا کہ!

چاند کی ٹھنڈک شبنم کے آنسو بلبل کے نغمے
گلاب کے رنگ چکوری کی تڑپ پھول کی چمک
کوئل کی کُوک سمندر کی گہرائی دریاؤں کی روانی
موجوں کا جوش کہکشاں کی رنگینی زمین کی چمک
صبح کا نور اور آفتاب کی تمازت

کو جمع کیا جائے تاکہ ماں کی تخلیق کی جائے

جب ماں کو اللہ تعالٰی نے بنا لیا تو فرشتوں نے پوچھا!
اے مالکِ دوجہان آپ نے اس میں اپنی طرف سے کیا شامل کیا
اللہ ربُ العزت نے فرمایا “ محبت “

پتر ہووے بھاویں زمانے دا ولی
نیئں ماں دے پیرا دی خاک ورگا​
 

جاویداقبال

محفلین
السلام علیکم ورحمۃ اللہ وبرکاتہ،

بہت خوب نویدبھائی، اللہ جزا دے (آمین ثم آمین) بہت اچھا سلسلہ شروع کیاہے آپ نےکوشش کروں گاکہ اس میں ہم بھی آپ کا ہاتھ بٹائیں (انشاء اللہ)


والسلام
جاویداقبال
 
Top