1. اردو محفل سالگرہ پانزدہم

    اردو محفل کی یوم تاسیس کی پندرہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

’’ جانِ من، سائباں تم ہی ہو ‘‘

فاخر نے 'اِصلاحِ سخن' کی ذیل میں اس موضوع کا آغاز کیا، ‏جولائی 4, 2019

  1. فاخر

    فاخر محفلین

    مراسلے:
    883
    جھنڈا:
    India
    موڈ:
    Brooding
    غزل
    ’’جانِ من، سائباں تم ہی ہو‘‘
    حضرت الف عین اور دیگر اساتذہ سخن کی خدمت میں

    میرا دل میری جاں ! تم ہی ہو
    جان و دل میں نہاں تم ہی ہو

    روشنی ہوگئی ہر طرف
    چہرہء ضو فشاں تم ہی ہو

    زندگی کی کڑی دھوپ میں !
    جانِ من، سائباں تم ہی ہو

    عشق کی گمرہی میں صنم !
    بے مکاں کے مکاں ، تم ہی ہو

    تم سے ہے ،عزتِ بت کدہ
    افتخارِ بتاں تم ہی ہو !

    غم زدہ بے نوا کے لیے
    تحفہ و ارمغاں تم ہی ہو

    گردش و رنج میں اے صنم !
    اب مآلِ جہاں ، تم ہی ہو
     
    • پسندیدہ پسندیدہ × 3
  2. الف عین

    الف عین لائبریرین

    مراسلے:
    34,615
    جھنڈا:
    India
    موڈ:
    Psychedelic
    'ہی ہو' ردیف ہی پسند نہیں آئی، ہا ہا ہی ہی جیسا لگ رہا ہے، تنافر کے علاوہ
    تم ہی تم ہو ردیف کیسی رہے گی؟ آدھے رکن کے اضافے کے ساتھ
    آخری چاروں شعر سمجھ نہیں سکا
     
    • معلوماتی معلوماتی × 1
  3. فاخر

    فاخر محفلین

    مراسلے:
    883
    جھنڈا:
    India
    موڈ:
    Brooding
    ايك بار پھر حضرت الف عین صاحب کو زحمت !
    اس میں دو شعر بدل دیا ہوں ۔

    غزل
    میرا دل میری جاں ! تم ہی ہو
    جان و دل میں نہاں تم ہی ہو

    روشنی ہوگئی ہر طرف
    چہرہء ضو فشاں تم ہی ہو

    زندگی کی کڑی دھوپ میں !
    جانِ من، سائباں تم ہی ہو

    تیری تصویر ہے دیر میں
    افتخارِ بتاں تم ہی ہو !

    ہند کے برہمن کے لیے
    ’برہما ‘كے نشاں تم ہی ہو

    غم زدہ بے نوا کے لیے
    تحفہ و ارمغاں تم ہی ہو!
     
    مدیر کی آخری تدوین: ‏جولائی 7, 2019
  4. الف عین

    الف عین لائبریرین

    مراسلے:
    34,615
    جھنڈا:
    India
    موڈ:
    Psychedelic
    ब्रह्मा کو बरहमा بنا دیا! نشاں مذکر ہے، اس شعر کا مضمون بھی مجھے بیکار لگا۔ اس سے پہلے کے چاروں اشعار قبول کیے جا سکتے ہیں اگر ردیف یہی رکھنا ہو تو
    آخری شعر بھی خاص نہیں لگا
     
    • معلوماتی معلوماتی × 1
  5. فاخر

    فاخر محفلین

    مراسلے:
    883
    جھنڈا:
    India
    موڈ:
    Brooding
    چھوٹی بحر میں میں نے ایک کوشش کرکے دیکھی تھی ۔ جی برہما وہی جو آپ نے بتایا ہے ۔ تاہم ہم اردو والے ब्रह्मा کو बरहमा ہی پڑھتے ہیں ؛ اس کی مناسبت سے فاعلن کے وزن پر बरहमा لایا ہوں۔آپ نے سچ کہا ردیف میں اتنی جان ہے نہیں ،اس میں خشکی ہے ۔ دوسری غزل میں کوشش کرتا ہوں اس طرح کی خرابیاں نہ آئیں ۔
     
    • پسندیدہ پسندیدہ × 2

اس صفحے کی تشہیر