وارث شاہ ۔۔۔ ۔۔کلام وارث شاہ۔۔۔ ۔۔ہیر وارث شاہ۔۔۔ ۔۔۔

[طاہر]

COLOR="Red"]

کہی ہیر دی کرے تعریف شاعر ، متھے چمکدا حسن مہتاب دا جی
خونی چونڈیاں رات جیویں چن دوالے ،سُرخ رنگ جیویں رنگ شہاب دا جی

نین نرگسی مرگ ممولڑے دے، گلاں ٹہکیاں پُھل گُلاب دا جی
بھوں وانگ کمان لاہور دسن، کوءی حُسن نہ انت حساب دا جی
سُرمہ نیناں دی دھار وچ پھب رہیا،چڑھیا ہند تے کٹک پنجاب دا جی
کُھلی ترنجناں وچ لٹکدی ہے،ہاتھی مست جیویں پھرے نواب دا جی
چہرے سوہنے تے خال خطبندے ،خوش خط جیویں حرف کتاب دا جی
جیہڑے ویکھنے دے ریجھوان آہے، وڈا واعدہ تنہاں دے باب دا جی
چلو لیلۃ القدر دی کرو زیارت ،وارث شاہ اے کم ثواب دا جی​

مطالب۔۔۔۔۔۔
چنڈیاں۔۔۔۔کنوار پن دی نشانی لیء گنھیاں ہویاں لِٹاں
شہاب ۔۔۔بھڑکدی ہوءی اگ دا شعلہ اسمان توں ڈگدے تارے وانگ
نین نرگسی ۔نرگس دے پھل ورگیاں اکھاں
مرگ ۔۔۔ہرن۔ہرن دیاں اکھاں وانگ چمکدار
ممولا[/COLOR] ۔۔چھوٹا پرندہ جیدے پیٹ تے کالیاں دھاریاں ہوندیاں نے
ٹہکیاں ۔۔۔۔پُھل وانگ پورے جوبن تے کھڑیاں ہویاں
کٹک ۔۔لشکر ،حملہ اآور فوج
لٹکنا ۔۔جھومنا
ریجھوان ۔۔۔۔۔۔اآرزو مند ،تمناءی
واعدہ ۔۔۔بپتا۔مصیبت جانکنیدا عالم۔حُسن دی تاب نہ لیان پچھوں

بشکریہ ۔۔۔۔۔۔۔اپنا آرگ

 

[محمد وارث]

بڑی مہربانی جناب تہاڈی۔

 

[امیداورمحبت]

بہت خوب ۔ بہت اچھا کلام ہے

 

[محمد عثمان مضطر]

مانی متیئے روپ گمان بھریئے
بھیڑو کاریئے گرب گہیلیئے نی
ایڈے فن فریب کیوں کھیڈ نی ایں
کسے وڈے استاد دیئے چیلیئے نی
تیری بھابھی دی نہی پرواہ سانوں
وڈی ہیر دی انگ سہیلیئے نی
ملے سراں نوں نہ وچھوڑ دیجیے
ہتھوں وچھڑے سراں نوں میلیئے نی
کیہا ویر فقیر دے نال چائیو نی
پچھا چھڈ انو کھیئے لیلیئے نی
وارث جنس دے نال ہم جنس ہوندے
پور تاز نا گدھے نہ میلیئے نی