سلیم احمد یہ زمیں یہ چاند یہ سورج یہ تارے دیکھنا - سلیم احمد

فرحان محمد خان نے 'پسندیدہ کلام' کی ذیل میں اس موضوع کا آغاز کیا، ‏مئی 12, 2018

  1. فرحان محمد خان

    فرحان محمد خان محفلین

    مراسلے:
    2,138
    جھنڈا:
    Pakistan
    موڈ:
    Cheeky
    یہ زمیں یہ چاند یہ سورج یہ تارے دیکھنا
    حُسنِ نادیدہ کے سارے استعارے دیکھنا

    اک خبر دینا کسی آتے ہوئے طوفان کی
    کشتیوں کو جب کبھی دریا کنارے دیکھنا

    جنوری کی سردیوں میں ایک آتش داں کے پاس
    گھنٹوں تنہا بیٹھنا بجھتے شرارے دیکھنا

    جب کبھی فرصت ملے تو گوشہِ تنہائی میں
    یاد ماضی کے پرانے گوشوارے دیکھنا

    میرے ماضی کے رسالوں کو نہ کھو دنیا سلیمؔ
    اب کہیں ملتے نہیں ہیں یہ شمارے دیکھنا​
    سلیم احمد
     

اس صفحے کی تشہیر