"یاد" کے موضوع پر اشعار!

[نوید ملک]

تمہیں‌جو یاد رکھا ہے یہی اپنی عبادت ہے
عبادت جس طرح کی ہو عبادت کب بدلتی ہے

 

[عمر سیف]

یادوں کا تھا ہجوم، تنہا تھا میں کھڑا
مجھ پہ ہی میری سوچ کی دیوار گر پڑی

 

[نوید ملک]

تمہیں بھی یاد نہیں اور میں بھی بھول گیا
وہ لمحہ کتنا حسین تھا مگر فضول گیا

 

[عمر سیف]

اتنا ہی یاد رکھ مجھے
جیسے کسی کتاب میں
بیتے دنوں کے دوست کا
خط اک پڑا ہوا ملے

لفظ مٹے مٹے سے ہوں
رنگ اڑا اڑا سہی
لیکن وہ اجنبی نہ ہو
اٹھ کر تیرے گلے لگے
بھولے ہوئے تمام دکھ
گزرے ہوئے تمام سکھ
بیتے دنوں کی کتھا
تجھ سے کہے اور رو پڑے

اتنا ہی یاد رکھ مجھے
بیتے دنوں کے دوست کا
جیسے کوئی خط میں ہوں
رکھا ہوا کتاب میں

 

[نوید ملک]

کتنے نادان ہیں ترے بھولنے والے کہ تجھے
یاد کرنے کیلئے عمر پڑی ہو جیسے

 

[پاکستانی]

یادوں کی آگ میری آنکھیں سُلگ اُٹھیں
راتوں کو سوچنے کی عادت نہ تھی مجھے
شائد وہ میرے عشق کی انتہا ہی تھی
کہ تیرے ہمسفر سے رقابت مجھے نہ تھی

 

[عمر سیف]

موسم تھا دلفریب، ہوائیں تھیں منچلی
برسا تھا تیری یاد کا ساون گلی گلی

 

[نوید ملک]

کوئی جیے یا کوئی مرے
تم اپنی سی کر گزرے
دل میں تیری یادوں نے
کیسے کیسے رنگ بھرے

 

[عمر سیف]

یہ جفائے غم کا چارہ، وہ نجات دل کا عالم
ترا حسن دست ِ عیسی، تیری یاد روئے مریم

 

[نوید ملک]

اپنی تنہائی مرے نام پہ آباد کرے
کون ہوگاجومجھے اس کی طرح یاد کرے

 

[عمر سیف]

پلکوں پہ تیرے خواب سجائے پھرتے ہیں
لفظوں سے تیرا نام چھپائے پھرتے ہیں
شاید تیری یاد کا باغی لمحہ بھی ہو
کان پہ رکھی قلم اٹھائے پھرتے ہیں

 

[نوید ملک]

وہ زمانے کے عدیل ہم بھی تھے اسکی پہچان
وہ زمانے تو اسے یاد نہیں ہونے کے

 

[عمر سیف]

آتی رہیں گی یاد ہمیشہ وہ صحبتیں
ڈھونڈا کریں گے ہم تجھے فصلِ بہار میں

 

[نوید ملک]

اے صبا شہرِ نگاراں سے گزر ہو جب تیرا
بھولنے والے سے کہنا یاد کیوں آیا بہت

 

[عمر سیف]

ہر یاد کو یوں زخم بناتے نہیں دل کا
ہر تیر کو پیوستِ رگِ جاں نہیں کرتے

 

[نوید ملک]

لہر اۤتی ہے کنارے سے پلٹ جاتی ہے
یاد اۤتی ہے دل میں سمٹ جاتی ہے
دونوں میں فرق صرف اتنا ہے
لہر بے وقت اۤتی ہے،یاد ہر وقت اۤتی ہے

 

[عمر سیف]

اب کون سے موسم سے کوئی آس لگائے
برسات میں یاد نہ جب ان کو ہم آئے

 

[نوید ملک]

ہجر کی اک لمبی منزل کو جانےوالا ہوں
اپنی یادوں کے کچھ سائے میرے ساتھ کر دو

 

[عمر سیف]

میکدے میں اذان سن کے رویا بہت
اس شرابی کو دل سے خدا یاد ہے

 

[نوید ملک]

صرف دھندلائے ستاروں کی چمک دیکھی ہے
کب ہوا، کون ہوا کس سے خفا یاد نہیں