"یاد" کے موضوع پر اشعار!

[سیما علی]

دل سوختہ ملے گا تجھے جب کوئی کہیں
شدت سے ایک شخص تجھے یاد آے گا

اعتبار ساجد

 

[سیما علی]

کیف پردیس میں مت یاد کرو اپنا مکاں
اب کے بارش نے اسے توڑ گرایا ہو گا
کیف بھوپالی
۔۔۔

 

[سیما علی]

یاد کرنے پہ بھی دوست آئے نہ یاد
دوستوں کے کرم یاد آتے رہے

خمار بارہ بنکوی

 

[سیما علی]

تیری یاد میں محو ہو جاؤں میں
کسی شے کو ڈھونڈوں تجھے پاؤں میں

اسمٰعیل میرٹھی

 

[سیما علی]

ورق ورق پہ تیری عبارت ، تیرا فسانہ ، تیری حکایت
کتابِ ہستی جہاں سے کھولی ، تیری محبت کا باب نکلا

 

[سیما علی]

یاد کرنا ہر گھڑی تجھ یار کا
ہے وظیفہ مجھ دلِ بیمار کا

ولی دکنی

 

[سیما علی]

وں وہ خود رفتہ کہ کب جانے کہاں دل کھویا
یاد آتا ہے تو اتنا کہ نہیں یاد مجھے

عبد المجید سالک
۔۔۔۔

 

[سیما علی]

بھولا اگر، تو بھول گیا سب غمِ حیات
یاد آئی تو ہر ایک جفا یاد آ گئی

رام ریاض

 

[سیما علی]

کیف پردیس میں مت یاد کرو اپنا مکاں
اب کے بارش نے اسے توڑ گرایا ہو گا
کیف بھوپالی
۔۔۔

 

[سیما علی]

چھپ کے ملتے ہیں تیری یادوں سے
شب کی تنہائی، چاندنی اور میں

حسن اختر جلیل

 

[سیما علی]

تیری یاد میں محو ہو جاؤں میں
کسی شے کو ڈھونڈوں تجھے پاؤں میں

اسمٰعیل میرٹھی
۔۔۔

 

[سیما علی]

آفتِ جاں ہوئی اس روئے کتابی کی یاد
راس آیا نہ مجھے حافظِ قرآں ہونا

حیدر علی آتش

 

[سیما علی]

پھر ساون رُت کی پون چلی تم یاد آئے
پھر پتوں کی پازیب بجی، تم یاد آئے

ناصر کاظمی

 

[سیما علی]

لے اُڑی سبزہء خود رو کی مہک
پھر تری یاد کا پہلو نکلا!!!!!!!!

 

[گُلِ یاسمیں]

کر رہا تھا غم جہاں کا حساب
آج تم یاد بے حساب آئے

 

[جاسمن]

یہ کس کا چہرہ دمکتا ہے میری آنکھوں میں
یہ کس کی یاد مجھے کہکشاں سے آتی ہے
عبید صدیقی

 

[سیما علی]

یاد وابستہ ہے جسے بھول گیا خلوت میں
تم تو ہر وقت مرے ساتھ رہا کرتے ہو
ابرار مجیب

 

[سیما علی]

یاد رکھنا ہی محبت میں نہیں ہے سب کچھ
بھول جانا بھی بڑی بات ہوا کرتی ہے
جمال احسانی

 

[زوجہ اظہر]

وہ ہیں پاس اور یاد آنے لگے ہیں
محبت کے ہوش اب ٹھکانے لگے ہیں
خمار

 

[لاريب اخلاص]

بیٹھ کر سایہ ُگل میں ناصر
ہم بہت روئے وہ جب یاد آیا