ہے کِس قدر عظیم گھرانہ حسین کا (منقبت) غزل نمبر 168 شاعر امین شارؔق

امین شارق

محفلین
الف عین سر یاسر شاہ سر
مفعول فاعلات مفاعیل فاعِلن
ہے کِس قدر عظیم گھرانہ حسین کا
اللہ کا حبیب ہے نانا حسین کا

قلبِ حسین پر کِسی صدمے سے کم نہیں
نانا کا شہر چھوڑ کے جانا حسین کا

منزل ہے اِن کی کربلا کے بعد خُلد ہی
یہ کارواں ہُوا ہے روانہ حسین کا

اب کربلا میں جا کے بسائیں گے اِک جہاں
کعبہ شریف گھر ہے پُرانا حسین کا

بابِ وفا میں سب سے نِرالی ہے یہ مثال
گھر بار راہِ حق میں لُٹانا حسین کا

ایسا شہید جِس پہ شہادت کو ناز ہے
حُوریں بھی پڑھ رہی ہیں ترانہ حسین کا

تلوارِ ذُوالفقار ہے دستِ حسین میں
کیسے بھلا خطا ہو نِشانہ حسین کا

احساں کیا ہے اپنی شہادت سے دِین پر
مقرُوض ہو گیا ہے زمانہ حسین کا

ہو کر شہید دِین کو اُس نے بچا لیا
دینِ حنیف تو ہے خزانہ حسین کا

جس کی مِثال تھی، نہ کبھی ہوگی حشر تک
سجدہ وہ آخری ہے یگانہ حسین کا

یارب عطا ہو اُلفتِ شبیر اِس قدر
دُنیا پُکارے یہ ہے دِوانہ حسین کا

قِصہ ہے غار والوں کا
شارؔق بہت عجیب
لیکن عجیب تر ہے فسانہ حسین کا
 

الف عین

لائبریرین
الف عین سر یاسر شاہ سر
مفعول فاعلات مفاعیل فاعِلن
ہے کِس قدر عظیم گھرانہ حسین کا
اللہ کا حبیب ہے نانا حسین کا
درست

قلبِ حسین پر کِسی صدمے سے کم نہیں
نانا کا شہر چھوڑ کے جانا حسین کا
درست

منزل ہے اِن کی کربلا کے بعد خُلد ہی
یہ کارواں ہُوا ہے روانہ حسین کا
کربلا کے بعد میں کئی حروف کا اسقاط اچھا نہیں، الفاظ بدل کر کہو
منزل ان کی؟ جمع میں کیوں، یہ کارواں تو واحد ہے
اب کربلا میں جا کے بسائیں گے اِک جہاں
کعبہ شریف گھر ہے پُرانا حسین کا
روایت خلط ملط ہو گئی؟ مولود کعبہ تو حضرت علی تھے!

بابِ وفا میں سب سے نِرالی ہے یہ مثال
گھر بار راہِ حق میں لُٹانا حسین کا
درست

ایسا شہید جِس پہ شہادت کو ناز ہے
حُوریں بھی پڑھ رہی ہیں ترانہ حسین کا
درست

تلوارِ ذُوالفقار ہے دستِ حسین میں
کیسے بھلا خطا ہو نِشانہ حسین کا
تلوار کے بعد اضافت غلط ہے، تلوار ذو الفقار... بھی درست ہے

احساں کیا ہے اپنی شہادت سے دِین پر
مقرُوض ہو گیا ہے زمانہ حسین کا
درست

ہو کر شہید دِین کو اُس نے بچا لیا
دینِ حنیف تو ہے خزانہ حسین کا
یہ دو لخت لگتا ہے

جس کی مِثال تھی، نہ کبھی ہوگی حشر تک
سجدہ وہ آخری ہے یگانہ حسین کا
درست

یارب عطا ہو اُلفتِ شبیر اِس قدر
دُنیا پُکارے یہ ہے دِوانہ حسین کا
ٹھیک

قِصہ ہے غار والوں کا شارؔق بہت عجیب
لیکن عجیب تر ہے فسانہ حسین کا
ٹھیک
 
Top