ہے وقتِ امتحان، بهلے دن بهی آئيں گے - ثروت حسین

[فرحان محمد خان]

ہے وقتِ امتحان، بهلے دن بهی آئيں گے
مہکے گا گلستان، بهلے دن بهی آئيں گے

سوئيں گے دل گرفتہ و دل ريش سکھ کی نيند
بدلے گا يہ جہان ، بهلے دن بهی آئيں گے

رنجيده کيوں ہے کوئی ستاره اگر نہيں
دل کو چراغ جان ، بهلے دن بهی آئيں گے

پهر جمع ہوں گے آگ کے چو گرد قصہ گو
چهيڑيں گے داستان، بهلے دن بهی آئيں گے

اطراف سے ديار کی مہماں سراؤں ميں
اتريں گے ميہمان ، بهلے دن بهی آئيں گے

ہاتهوں ميں شمع دان ليے باغ و راغ ميں
نکليں گے نوجوان ، بهلے دن بهی آئيں گے

پتوں کی تاليوں سے، پرندوں کے شور سے
گونجے گا ہر مکان ، بهلے دن بهی آئيں گے

فردا کی گونج سن کے اٹهيں گے جہازراں
کهوليں گے بادبان ، بهلے دن بهی آئيں گے

کيوں سو گيا ہے ہاتھ سرهانے دهرے ہوئے
ثروتؔ خدا کو مان ، بهلے دن بهی آئيں گے​

ثروتؔ حسین​