ہم نیں سجن سنا ہے اس شوخ کے دہاں ہے ۔ آبرو شاہ مبارک

[فرخ منظور]

ہم نیں سجن سنا ہے اس شوخ کے دہاں ہے
لیکن کبھو نہ دیکھا کیتا ہے اور کہاں ہے

ڈھونڈا ہزار تو بھی تیرا نشاں نہ پایا
لشکر میں گل رخاں کے تیری مثل کہاں ہے

اب تشنگی کا روزہ شاید کھلے ہمارا
شام و شفق سجن کا مسی و رنگِ پاں ہے

دل میں کیا ہے دعوا انکھیاں ہوئی ہیں منکر
تیری کمر کا جھگڑا ان دو کے درمیاں ہے

رہتا ہوں اے پیارے قدموں تلے تمھارے
جس راہ آوتے ہو عاجز کا ویں مکاں ہے

تجھ خط پشتِ لب میں تس کا سخن ہوا سبز
اس کی زباں دہن میں مانندِ برگِ پاں ہے

پیری سیں قد کماں ہے ہر چند آبروؔ کا
اس نوجواں کی خاطر دل اب تلک کشاں ہے

(آبروؔ شاہ مبارک)​