ہجر میں یوں ہی جان کھوتے ہیں - محشر لکھنوی

[کاشفی]

غزل​

(محشر لکھنوی)​

​

ہجر میں یوں ہی جان کھوتے ہیں​

روتے ہیں اور خوب روتے ہیں​

​

میں سمجھتا ہوں غم کی داد ملی​

جب وہ رونے پہ شاد ہوتے ہیں​

​

بزم میں آئے تھے نہ بیٹھیں گے​

کیوں خفا اتنا آپ ہوتے ہیں​

​

ناصح اپنی آنکھیں دل اپنا​

کچھ تو ہم سمجھتے ہیں جو روتے ہیں​

​

یاد جاناں میں بیخودی سی ہے​

ہم نہ ہشیار ہیں نہ سوتے ہیں​

​

شبِ فرقت کے جاگنے والے​

مرنے پر نیند بھر کے سوتے ہیں​

​

جتنا محشر کبھی ہنستے تھے ہم​

آج اُس سے زیادہ روتے ہیں​

 

[شمشاد]

ہجر میں یونہیں جان کھوتے ہیں​

​

یہ "یوں ہی" ہے یا "یونہی" ہو گا۔​

 

[کاشفی]

شکریہ بیحد۔ موضوع بھی تبدیل کردیں۔ شکریہ!​

 

[محمد وارث]

شکریہ جناب شیئر کرنے کیلیے۔

 

[کاشفی]

شکریہ محمد وارث صاحب!