طارق شاہ
محفلین
غزل
فِراق گورکھپُوری
تِرا جمال بھی ہے آج، اِک جہانِ فِراق
نِگاہِ لُطف و کرم خود ہے تر جمانِ فِراق
فضا جہانِ محبّت کی جِن سے تھی رنگِیں
تجھے بھی یاد کچھ آئے وہ، شادمانِ فِراق
نظر بچا کے جنھیں برقِ حُسن چھوڑ گئی
مِلے نہ زخمِ نہاں میں بھی وہ نشانِ فِراق
نِگاہِ ناز تِری تھی تمام قَول و قَسَم
کسی کو ہَو بھی نہ سکتا تھا کُچھ گُمانِ فِراق
رُلا گئی تِرے آسُودگانِ خاک کی یاد
وہ بے نیازِ محبّت، وہ رازدانِ فِراق
اُٹھے ہیں تَیغِ تغافُل کےکھول کر جوہر
نہ کیوں ہوں زِندۂ جاویدکُشتگانِ فِراق
بَتا تو، کیا نِگَۂ اوَّلِیں کے ساتھ ہُوا؟
مجھے بھی یاد ہے کم کم، وہ داستانِ فِراق
اُمید بَن کے نہ آئے دِلوں کی دُنیا میں
اُسے سمجھ نہیں سکتے، یہ بدگُمانِ فِراق
وہ بے قرارئِ دِل، وہ فِضائے تنہائی
وہ سرزمِینِ محبّت، وہ آسمانِ فِراق
گُداز دِل سےحَقِیقت سَرِشکِ غم کی نہ پُوچھ
ہر ایک قطرہ تھا، اِک بحرِ بیکرانِ فِراق
جِسے مِٹا نہ سکی برقِ کم نِگاہئِ حُسن!
وہی اُمید کی دُنیا، ہے پاسبانِ فِراق
خُود آشنا نہیں اُن سے حَرِیمِ تنہائی
یہ سَوز و ساز ہیں ناخوانَدِ مہمانِ فِراق
سُکُونِ قُرب سے کُچھ بیقرار تنگ آکر
بس آج چَین سےسوئے بَلا کشانِ فِراق
جو ایک برقِ نِگہ سامنے سے کوند گئی
وہی تھی رُوحِ محبّت، وہی ہے جانِ فِراقؔ
فِراق گورکھپُوری
(شری رگھوپتی سہائے)
فِراق گورکھپُوری
تِرا جمال بھی ہے آج، اِک جہانِ فِراق
نِگاہِ لُطف و کرم خود ہے تر جمانِ فِراق
فضا جہانِ محبّت کی جِن سے تھی رنگِیں
تجھے بھی یاد کچھ آئے وہ، شادمانِ فِراق
نظر بچا کے جنھیں برقِ حُسن چھوڑ گئی
مِلے نہ زخمِ نہاں میں بھی وہ نشانِ فِراق
نِگاہِ ناز تِری تھی تمام قَول و قَسَم
کسی کو ہَو بھی نہ سکتا تھا کُچھ گُمانِ فِراق
رُلا گئی تِرے آسُودگانِ خاک کی یاد
وہ بے نیازِ محبّت، وہ رازدانِ فِراق
اُٹھے ہیں تَیغِ تغافُل کےکھول کر جوہر
نہ کیوں ہوں زِندۂ جاویدکُشتگانِ فِراق
بَتا تو، کیا نِگَۂ اوَّلِیں کے ساتھ ہُوا؟
مجھے بھی یاد ہے کم کم، وہ داستانِ فِراق
اُمید بَن کے نہ آئے دِلوں کی دُنیا میں
اُسے سمجھ نہیں سکتے، یہ بدگُمانِ فِراق
وہ بے قرارئِ دِل، وہ فِضائے تنہائی
وہ سرزمِینِ محبّت، وہ آسمانِ فِراق
گُداز دِل سےحَقِیقت سَرِشکِ غم کی نہ پُوچھ
ہر ایک قطرہ تھا، اِک بحرِ بیکرانِ فِراق
جِسے مِٹا نہ سکی برقِ کم نِگاہئِ حُسن!
وہی اُمید کی دُنیا، ہے پاسبانِ فِراق
خُود آشنا نہیں اُن سے حَرِیمِ تنہائی
یہ سَوز و ساز ہیں ناخوانَدِ مہمانِ فِراق
سُکُونِ قُرب سے کُچھ بیقرار تنگ آکر
بس آج چَین سےسوئے بَلا کشانِ فِراق
جو ایک برقِ نِگہ سامنے سے کوند گئی
وہی تھی رُوحِ محبّت، وہی ہے جانِ فِراقؔ
فِراق گورکھپُوری
(شری رگھوپتی سہائے)
