گلزار کی ایک غیر مطبوعہ نظم

[Rashid Ashraf]

یہ نہ تو موقع ہے شاعری کی بات کا اور نہ محل لیکن روزے کی حالت میں گوشہ شاعری کی تلاش کی سکت نہ تھی۔ ذکر ہے گلزار صاحب کی نظم "گلی قاسم" کا۔۔۔۔۔

مختصرا عرض کروں کہ یہ قصہ اس وقت شروع ہوا جب ڈاکٹر تقی عابدی نے ایک ہندوستانی جریدے میں اس نظم کا مطالعہ پیش کیا لیکن یہ غضب بھی ساتھ ہی کرڈالا کہ نظم درج نہیں کی۔۔۔۔پرچہ ہمارے پاس پہنچا، کھوج لگائی تو معلوم ہوا کہ یہ نظم تو کہیں دستیاب ہی نہیں ہے۔

پھر مجبورا گلزار صاحب ہی کو زحمت دینی پڑی، درخواست کی، کہا کہ دست بدستہ ہوں لیکن فون پر آپ یہ کیفیت دیکھ نہیں سکتے۔

خیر صاحب! انہوں نے کمال مہربانی سے یہ نظم پی ڈی ایف میں ارسال کی۔ خیال آیا کہ پہلے اسے کسی معیاری ادبی پرچے میں شائع کرادوں۔ سب سے پہلے رئیس فاطمہ صاحبہ کا فون آیا تھا، پڑھتے ہی اسیر ہوگئیں۔۔۔۔۔۔ کون ہے جو متاثر ہوئے بنا رہ سکے گا، آپ خود ہی پڑھ کر فیصلہ کرلیجیے۔ لنکس پیش خدمت ہیں۔ فیس بک اور اردو فورم پر شامل کررہا ہوں، یقین ہے کہ جلد ہی یہ جنگل کی آگ کی طرح پھیل جائے گی:

http://www.flickr.com/photos/41786707@N05/7667055196/in/photostream

اور

http://www.flickr.com/photos/41786707@N05/7667055060/in/photostream

 

[Rashid Ashraf]

flickr
پر پڑھنے میں دقت ہو تو یہاں بہ آسانی پڑھی اور ڈاؤن لوڈ کی جاسکتی ہے:
http://www.wadi-e-urdu.com/wp-content/uploads/2011/04/gali-qasim-01.jpg

اور

http://www.wadi-e-urdu.com/wp-content/uploads/2011/04/gali-qasim-02.jpg

 

[محمد بلال اعظم]

زبردست راشد بھائی۔

 

[زبیر مرزا]

جناب آپ کی گلزارصاحب سے بات ہو تو اُن کی فلم لباس کی بابت تو دریافت کجیئے گا کہ آیا وہ ریلیز ہوگی بھی یا نہیں
شبانہ آعظمی اورراج ببر اس کی کاسٹ میں شامل تھے موسیقی تو مدت ہوئی ریلیز ہوچکی
دوئم- اُن کا وشال بھردواج کی کسی فلم کی ہدایتکاری کا پڑھا تھا اس کا کیا بنا؟
نظم یقینی طورپر اچھی ہی ہوگی ابھی اوپن کرکے پڑھ لیتے ہیں

 

[محمد بلال اعظم]

جناب آپ کی گلزارصاحب سے بات ہو تو اُن کی فلم لباس کی بابت تو دریافت کجیئے گا کہ آیا وہ ریلیز ہوگی بھی یا نہیں
شبانہ آعظمی اورراج ببر اس کی کاسٹ میں شامل تھے موسیقی تو مدت ہوئی ریلیز ہوچکی
دوئم- اُن کا وشال بھردواج کی کسی فلم کی ہدایتکاری کا پڑھا تھا اس کا کیا بنا؟
نظم یقینی طورپر اچھی ہی ہوگی ابھی اوپن کرکے پڑھ لیتے ہیں

واہ جناب واہ

 

[محمد بلال اعظم]

راشد بھائی آپ بہت خوش قسمت ہیں جو اتنے بڑے بڑے ناموں سے ملتے ہیں۔

 

[Rashid Ashraf]

گلی قاسم میں آکر
تمہاری ڈیوڑھی پر رک گیا ہوں مرزا نوشہ
تمہیں آواز دوں پہلے۔۔۔۔۔۔۔
چلی جائیں ذرا پردے میں امراؤ
تو پھر اندر قدم رکھوں

 

[زبیر مرزا]

گلی قاسم میں آکر
تمھاری ڈیوڑھی پرآکررُک گیا ہوں مرزانوشہ

لاجواب جناب کیا بات ہے - اگر یہ نظم گلزارصاحب کی زبان سے سن لی ہوتی تو گھڑیاں رُک جاتیں کہ ان کی تحریر کا جادوالگ
اوران کی آوازکا سحر کیا کہنے ہیں

 

[Rashid Ashraf]

جناب آپ کی گلزارصاحب سے بات ہو تو اُن کی فلم لباس کی بابت تو دریافت کجیئے گا کہ آیا وہ ریلیز ہوگی بھی یا نہیں
شبانہ آعظمی اورراج ببر اس کی کاسٹ میں شامل تھے موسیقی تو مدت ہوئی ریلیز ہوچکی
دوئم- اُن کا وشال بھردواج کی کسی فلم کی ہدایتکاری کا پڑھا تھا اس کا کیا بنا؟
نظم یقینی طورپر اچھی ہی ہوگی ابھی اوپن کرکے پڑھ لیتے ہیں

لباس کے بارے میں پہلے ہی دریافت کرچکا ہوں، وہ ریلیز ہی نہیں ہوئی تھی۔
اس نظم کو انہیں آج ہی بھیجا ہے۔ ان دنوں شاید وہ بہت زیادہ مٍصروف ہیں، جوابات میں خاصی تاخیر ہوجاتی ہے۔ آج ہی پرانی کتابوں کے اتوار بازار سے سمیتا پاٹل پر شمع دہلی کا فروری 1987 کا شمارہ ملا ہے۔

 

[Rashid Ashraf]

راشد بھائی آپ بہت خوش قسمت ہیں جو اتنے بڑے بڑے ناموں سے ملتے ہیں۔

بھیا! خدا جانے قسمت کی بات ہے یا ۔ ۔ ۔ ۔ ۔ ۔ ۔ ایک زمانہ طالب علمی تھا جب حکیم سعید صاحب جیسے انسان نے نونہال میں لکھنے پر 50 روپے کا چیک بھیجا تھا، اسی زمانے میں مولانا یوسف لدھیانوی نے خط کے ذریعے حوصلہ افزائی کی تھی، نویں جماعت میں جنوں کے امیر مولانا جمشید سے حیدرآباد میں نیاز مندی ہوئی تھی ۔۔۔۔۔۔ اور اب یہ فلمی لوگ ہیں اور میرے بھائی آپ ہیں جو کہتے ہیں کہ ہم خوش قسمت ہیں۔۔۔۔۔۔۔۔۔۔۔۔

ہوا یہ تھا ابن صفی پر اپنی کتاب کے سلسلے میں گلزار سے ابن صفی پر کچھ لکھوانا چاہتا تھا، رابطے کا ذریعہ لاہور کے ایک جید لیکن درویش صفت فلمی صحافی بنے تھے۔ لگن کی بات ہے۔ پھر یہ ہوا کہ کتاب کے لیے تو کچھ لکھوا نہ پایا البتہ ان سے رابطہ ہوگیا۔

امید ہے کہ میرے جواب پر برا نہ منایا ہوگا۔ آپ کا تبصرہ پڑھ کر ایک آہ نکلی جو فورا ہی "بے اثر" ہوئی۔۔۔۔!

 

[Rashid Ashraf]

چلمچی، لوٹا، سینی اٹھ گئے ہیں
برستا تھا جو دو گھنٹے کو مینہ، چھت چار گھنٹے تک
برستی تھی
اسی چھلنی سی کی اب مرمت ہورہی ہے
صدی سے کچھ زیادہ وقت آنے میں لگا
افسوس ہے مجھ کو
اصل میں گھر کے باہر کوئلوں کے ٹال کی سیاہی لگی تھی
وہ مٹانی تھی

اسی میں بس
کئی سرکاریں بدلی ہیں تہمارے گھر پہنچنے میں

 

[زبیر مرزا]

لباس کے بارے میں پہلے ہی دریافت کرچکا ہوں، وہ ریلیز ہی نہیں ہوئی تھی۔
اس نظم کو انہیں آج ہی بھیجا ہے۔ ان دنوں شاید وہ بہت زیادہ مٍصروف ہیں، جوابات میں خاصی تاخیر ہوجاتی ہے۔ آج ہی پرانی کتابوں کے اتوار بازار سے سمیتا پاٹل پر شمع دہلی کا فروری 1987 کا شمارہ ملا ہے۔

ارے صاحب تو سنبھال کے رکھیے گا اس شمارے کو ہم کراچی آکے آپ سے مستعار لیں گے پڑھنے کے واسطے
شمع کے کسی شمارے میں شبانہ اعظمی پر بھی لاجواب اور تفصیلی مضمون چھاپا تھا جو ہمارے ماموں کے ہاں تھا
ہمیں نہ مل سکا باوجود اصرار کے اب سوچتے ہیں چراہی لیتے تو کسی ردی والی کی نذر نہ ہوتا

 

[Rashid Ashraf]

ارے صاحب تو سنبھال کے رکھیے گا اس شمارے کو ہم کراچی آکے آپ سے مستعار لیں گے پڑھنے کے واسطے
شمع کے کسی شمارے میں شبانہ اعظمی پر بھی لاجواب اور تفصیلی مضمون چھاپا تھا جو ہمارے ماموں کے ہاں تھا
ہمیں نہ مل سکا باوجود اصرار کے اب سوچتے ہیں چراہی لیتے تو کسی ردی والی کی نذر نہ ہوتا

ضرور، کیوں نہیں۔ سب کچھ سنبھال کر رکھا رہتا ہے۔ آج نقوش کا ادبی معرکے نمبر اور طنز و مزاح نمبر بھی ملا۔
اس شمارے کی خاص بات یہ ہے کہ اس میں شبانہ اعظمی کا ایک مضمون بھی شامل ہے جس میں اس نے سمیتا پاٹل کے ساتھ اپنی چپقلش کا بھی ذکرکیا ہے۔ وہ تلخی جو فلم ارتھ کی وجہ سے ہوئی اور "کھنڈر" اور "جینسس" تک بات پہنچی۔ سمیتا کا الزام تھا کہ موخرالذکر فلموں کے کردار شبانہ نے ہتھالیے تھے۔

 

[Rashid Ashraf]

جہاں کلن کو لے کر بیٹھتے تھے، یاد ہے ؟
بالائی منزل پر ؟

لفافے جوڑتے تھے تم لیئی سے
خطوں کی کشتیوں میں اردو بہتی تھی
اچھوتے ساحل اردو نثر چھونے لگ گئی تھی
وہیں بیٹھے گا کمپیوٹر
وہاں سے لاکھوں خط بھیجا کرے گا
تہمارے دستخط جیسے، وہ خوشخط تو نہیں ہوں گے
مگر پھر بھی
پرستاروں کی گنتی بھی اسد، اب تو کروڑوں میں ہے

 

[زبیر مرزا]

ضرور، کیوں نہیں۔ سب کچھ سنبھال کر رکھا رہتا ہے۔ آج نقوش کا ادبی معرکے نمبر اور طنز و مزاح نمبر بھی ملا۔
اس شمارے کی خاص بات یہ ہے کہ اس میں شبانہ اعظمی کا ایک مضمون بھی شامل ہے جس میں اس نے سمیتا پاٹل کے ساتھ اپنی چپقلش کا بھی ذکرکیا ہے۔ وہ تلخی جو فلم ارتھ کی وجہ سے ہوئی اور "کھنڈر" اور "جینسس" تک بات پہنچی۔ سمیتا کا الزام تھا کہ موخرالذکر فلموں کے کردار شبانہ نے ہتھالیے تھے۔

جی شبانہ نے ایک ٹی- وی انٹرویو میں اس کا ذکرکیا تھا اور اُن خطوط کا بھی تذکرہ کیا جو یہ دونوں بلا باصلاحیت فنکارائیں ایک دوسرے کو
لکھتی رہیں اور ان کی لواینڈ ہیٹ ریلیشن شپ کا بھی بتایا

 

[Rashid Ashraf]

تہمارے ہاتھ کے لکھے ہوئے صفحات رکھے جارہے ہیں
تمہیں تو یاد ہوگا
مسودہ جب رام پور سے، لکھنو سے، آگرہ سے
گھوما کرتا تھا

شکایت تھی تمہیں، یارب نہ سمجھیں ہیں نہ سمجھیں گے وہ میری بات
انہیں دے اور دے یا مجھ کو زباں اور

(یارب وہ نہ سمجھے ہیں، نہ سمجھیں گے میری بات
دے اور دل ان کو، جو نہ دے مجھ کو زباں اور)

 

[Rashid Ashraf]

زمانہ ہر زباں میں پڑھ رہا ہے اب، تمہارے سب سخن غالب (نوشہ)
سمجھتے کتنا ہیں، یہ تو وہی سمجھیں، یا تم سمجھو

یہیں شیشوں میں لگوائے گئے ہیں
پیرہن اب کچھ تمہارے
ذرا سوچو تو قسمت چار گرہ کپڑے کی اب غالب
کہ تھی قسمت یہ اس کپڑے کی، غالب کا گریباں تھا

 

[Rashid Ashraf]

تمہاری ٹوپی رکھی ہے
جو اپنے دور سے اونچی پہنچے تھے
تہمارے جوتے رکھے ہیں
جنہیں تم ہاتھ میں لے کر نکلتے تھے
شکایت تھی کہ سارے گھر کو ہی مسجد بنا رکھا ہے بیگم نے

 

[Rashid Ashraf]

تمہارا بت بھی اب لگوا دیا ہے اونچا قد دے کر
جہاں سے دیکھتے ہو اب تو سب بازیچہ اطفال لگتا ہے

سبھی کچھ ہے مگر نوشہ (غالب)
اگرچہ جانتا ہوں ہاتھ میں جنبش نہیں بت کے
تہمارے سامنے اک ساغر و مینا تو رکھ دیتے
بس اک آواز ہے جو گونجتی رہی ہے اب گھر میں
نہ تھا کچھ تو خدا تھا، کچھ نہ ہوتا تو خدا ہوتا
ڈبویا مجھ کو ہونے نے، نہ ہوتا میں تو کیا ہوتا!!

۔۔۔۔۔۔۔۔۔xx۔۔۔۔۔۔۔۔۔۔

 

[محمد علم اللہ]

راشد اشرف بھیا اور زبیر مرزا چاچو کی باتیں مجھے تو نظم سے زیادہ اچھی لگی ۔ بالی وڈ فلموں سے دلچسپی اور معلومات ۔ واللہ فلم کا اسٹوڈنٹ ہوتے ہوئے مجھے اتنی باتیں نہیں معلوم ۔