گرہ لگایئے

[بے الف اذان]

سرگوشی

مجھے اپنے مصرع کے معیار پر شک تھا لیکن سراہنے کا شکریہ

پچھلے کئی ماہ سے یہ مصرعہ میرے ذہن میں کھلبلی مچا رہا تھا ! اب ذہن کو آرام ہے ۔

 

[بے الف اذان]

لیکن ایک بات سمجھ نہیں آئی ! "معرضِ وجود" میں آنے والا شعر کس کی جھولی میں جائے گا؟ "وہ" جس نے مصرعہ دے کر شعر کی بنیاد رکھی ، یا "وہ" جس نے شعر کی تکمیل کی ۔ ۔ ۔

آپ احباب کی کیا رائے ہے ۔ ۔ ۔

 

[بے الف اذان]

میری طرف سے مصرع ہے۔۔۔۔

مجھے تم زہر لگتے ہو

مجھے تم زہر لگتے ہو
عذابِ دہر لگتے ہو ​

 

[ادب دوست]

لیکن ایک بات سمجھ نہیں آئی ! "معرضِ وجود" میں آنے والا شعر کس کی جھولی میں جائے گا؟ "وہ" جس نے مصرعہ دے کر شعر کی بنیاد رکھی ، یا "وہ" جس نے شعر کی تکمیل کی ۔ ۔ ۔

آپ احباب کی کیا رائے ہے ۔ ۔ ۔

یہ تو اس گرہ پر منحصر ہے
بقول جناب محمد یعقوب آسی صاحب ، اگر گرہ لگا کر مصرع چھین لیا تو، گرہ لگانے والے کا ۔۔

 

[بے الف اذان]

یہ تو اس گرہ پر منحصر ہے
بقول جناب محمد یعقوب آسی صاحب ، اگر گرہ لگا کر مصرع چھین لیا تو، گرہ لگانے والے کا ۔۔

" بات تو سچ ہے مگر بات ہے رسوائی کی" ۔ ۔ ۔

 

[محمد یعقوب آسی]

لیکن ایک بات سمجھ نہیں آئی ! "معرضِ وجود" میں آنے والا شعر کس کی جھولی میں جائے گا؟ "وہ" جس نے مصرعہ دے کر شعر کی بنیاد رکھی ، یا "وہ" جس نے شعر کی تکمیل کی ۔ ۔ ۔
آپ احباب کی کیا رائے ہے ۔ ۔ ۔

یہ تو اس گرہ پر منحصر ہے
بقول جناب محمد یعقوب آسی صاحب ، اگر گرہ لگا کر مصرع چھین لیا تو، گرہ لگانے والے کا ۔۔

یہ کوئی نئی بات نہیں جنابِ ادب دوست !
مثال کے طور پر میں نے آپ کے مصرعے پر گرہ لگائی تو وہ شعر جس سے میں نے مصرع لیا وہ آپ کا ہے اور جو میں نے کہا وہ میرا ہے؛ گرہ چاہے ڈھیلی لگی ہو چاہے کَس کے۔ گرہ لگانے میں حسن ہے یا قبح ہے اسے بھی تو میرے حساب میں جانا ہے نا! "بھئی واہ! گرہ کیا لگائی، مصرع چھین لیا" یا "کیا ریڑھ ماری ہے یار، اس سے تو بہتر تھا گرہ نہ لگاتے"۔

مصرع چھین لینے سے یہ قطعاً مراد نہیں کہ وہ مصرع آپ کا نہیں رہا۔ وہ آپ کا ہے! اسی لئے تو اس پر واوین لگاتے ہیں! اس کا درست مفہوم یہ ہے کہ: میں اپنے شعر میں مصرعے کو یوں کھپاؤں ( فٹ کروں) کہ ایسا لگے ہی نہیں کہ گرہ لگی ہے؛ ایسا لگے کہ یہ مصرع اس میرے کہے ہوئے شعر کا فطری حصہ ہے۔ اور ایسا بہت کم ہوتا ہے، ناممکن بہر حال نہیں ہے۔

 

[بے الف اذان]

یہ کوئی نئی بات نہیں جنابِ ادب دوست !
مثال کے طور پر میں نے آپ کے مصرعے پر گرہ لگائی تو وہ شعر جس سے میں نے مصرع لیا وہ آپ کا ہے اور جو میں نے کہا وہ میرا ہے؛ گرہ چاہے ڈھیلی لگی ہو چاہے کَس کے۔ گرہ لگانے میں حسن ہے یا قبح ہے اسے بھی تو میرے حساب میں جانا ہے نا! "بھئی واہ! گرہ کیا لگائی، مصرع چھین لیا" یا "کیا ریڑھ ماری ہے یار، اس سے تو بہتر تھا گرہ نہ لگاتے"۔

مصرع چھین لینے سے یہ قطعاً مراد نہیں کہ وہ مصرع آپ کا نہیں رہا۔ وہ آپ کا ہے! اسی لئے تو اس پر واوین لگاتے ہیں! اس کا درست مفہوم یہ ہے کہ: میں اپنے شعر میں مصرعے کو یوں کھپاؤں ( فٹ کروں) کہ ایسا لگے ہی نہیں کہ گرہ لگی ہے؛ ایسا لگے کہ یہ مصرع اس میرے کہے ہوئے شعر کا فطری حصہ ہے۔ اور ایسا بہت کم ہوتا ہے، ناممکن بہر حال نہیں ہے۔

بہت خوب ! کافی حد تک بات واضع ہو گئی۔ لیکن ایک سوال اب بھی ذہن میں کھٹک رہا ہے اور وہ یہ کہ : مثال کے طور پہ میں نے یہاں ایک مصرع پیش کیا ( جو میرے شعر کا حصہ نہیں تھا ، محض ایک مصرع تھا ) اور پھر کسی صاحب نے گرہ لگائی اور شعر مکمل بھی ہو گیا، تو اُس صورت میں شعر کس کے حصے میں آئے گا؟

 

[محمد امجد نذیر الہ آبادی]

غالب کے مصرعے پر گرہ لگائیے

ہم بھی کیا یاد کریں گے کہ خدا رکھتے تھے

 

[محمد یعقوب آسی]

بہت خوب ! کافی حد تک بات واضح ہو گئی۔ لیکن ایک سوال اب بھی ذہن میں کھٹک رہا ہے اور وہ یہ کہ : مثال کے طور پہ میں نے یہاں ایک مصرع پیش کیا ( جو میرے شعر کا حصہ نہیں تھا ، محض ایک مصرع تھا ) اور پھر کسی صاحب نے گرہ لگائی اور شعر مکمل بھی ہو گیا، تو اُس صورت میں شعر کس کے حصے میں آئے گا؟

شعر بہر حال اس کا ہوا جس نے مکمل کیا، مصرعہ آپ کا ہے آپ کا رہے گا۔ ہاں! اُس پر لازم ہے کہ مستعار مصرعے پر واوین لگائے۔ واوین لگانا دراصل شاعر کی طرف سے اعلان ہے کہ صاحبو! یہ مصرع مستعار ہے۔
چلئے یوں کرتے ہیں۔ بلکہ صلائے عام ہے۔ میرا ایک (اکیلا) مصرعہ ہے۔

ع: ’’پھر وہی تلخ نوائی جو مرا حصہ ہے‘‘​

اس پر حسبِ سہولت پہلا یا دوسرا مصرع لگا کر شعر مکمل کیجئے۔

 

[بے الف اذان]

شعر بہر حال اس کا ہوا جس نے مکمل کیا، مصرعہ آپ کا ہے آپ کا رہے گا۔ ہاں! اُس پر لازم ہے کہ مستعار مصرعے پر واوین لگائے۔ واوین لگانا دراصل شاعر کی طرف سے اعلان ہے کہ صاحبو! یہ مصرع مستعار ہے۔
چلئے یوں کرتے ہیں۔ بلکہ صلائے عام ہے۔ میرا ایک (اکیلا) مصرعہ ہے۔

ع: ’’پھر وہی تلخ نوائی جو مرا حصہ ہے‘‘​

اس پر حسبِ سہولت پہلا یا دوسرا مصرع لگا کر شعر مکمل کیجئے۔

واہ جناب ! کیا خوب سمجھایا ، اور آپکے مصرعے کے تو کیا ہی کہنے ۔ ۔ ۔

ایک کوشش ارادت مند کی طرف سے ۔ ۔ ۔

پھر وہی میں ہوں، وہی تُو ہے، وہی قصہ ہے

’’پھر وہی تلخ نوائی جو مرا حصہ ہے‘‘​

 

[عرفان سعید]

ع-

آگے کنواں پیچھے کھائی ​

ع-
آئے کس کی کام دُھائی

 

[آبی ٹوکول]

غالب کے مصرعے پر گرہ لگائیے

ہم بھی کیا یاد کریں گے کہ خدا رکھتے تھے

بس اسی سے تو امید سود و زیاں رکھتے تھے
ہم بھی کیا یاد کریں گے کہ خدا رکھتے تھے

 

[عرفان سعید]

تبدیلی کر دی گئی-

 

[عرفان سعید]

بہت مغرور ہوتے جارہے ہو
یہ اب مستور ہوتے جا رہے ہو

احباب کی اجازت کے بعد ایک مصرع میری طرف سے:

ع-بہت مغرور ہوتے جارہے ہو

 

[عرفان سعید]

ع-

آگے کنواں پیچھے کھائی ​

آگے کنواں پیچھے کھائی
شامِ فرقت مرگ لائی

 

[ابن رضا]

شعر بہر حال اس کا ہوا جس نے مکمل کیا، مصرعہ آپ کا ہے آپ کا رہے گا۔ ہاں! اُس پر لازم ہے کہ مستعار مصرعے پر واوین لگائے۔ واوین لگانا دراصل شاعر کی طرف سے اعلان ہے کہ صاحبو! یہ مصرع مستعار ہے۔
چلئے یوں کرتے ہیں۔ بلکہ صلائے عام ہے۔ میرا ایک (اکیلا) مصرعہ ہے۔

ع: ’’پھر وہی تلخ نوائی جو مرا حصہ ہے‘‘​

اس پر حسبِ سہولت پہلا یا دوسرا مصرع لگا کر شعر مکمل کیجئے۔

پھر وہی جُرمِ مکرّر ، وہی طرزِ لغزش
’’پھر وہی تلخ نوائی جو مرا حصہ ہے"

یا

پھر وہی لغزشِ مستانہ وہی طرزِ خطا
’’پھر وہی تلخ نوائی جو مرا حصہ ہے"

 

[محمد یعقوب آسی]

پھر وہی لغزشِ مستانہ وہی طرزِ خطا
’’پھر وہی تلخ نوائی جو مرا حصہ ہے"

شعریت اور معنویت میں یہ بہتر ہے۔

 

[ابن رضا]

شعریت اور معنویت میں یہ بہتر ہے۔

استادِ محترم گرہ پسند فرمانے کا شکریہ۔ سلامت رہیے۔

 

[لئیق احمد]

ایک شعر ہے
ع-

ابھی جن سے محبت کی نہیں ہے
ہمارے دل میں آنا چاہتے ہیں​

اس پر گرہ لگائیے

ہمارے دل میں آنا چاہتے ہیں​

 

[عرفان سعید]

ایک شعر ہے
ع-

ابھی جن سے محبت کی نہیں ہے
ہمارے دل میں آنا چاہتے ہیں​

اس پر گرہ لگائیے

ہمارے دل میں آنا چاہتے ہیں​

ہمارے دل میں آنا چاہتے ہیں
مری مشکل بڑھانا چاہتے ہیں