فیض گاؤں کی سڑک ۔ فیض احمد فیض

[فرخ منظور]

گاؤں کی سڑک​

​

یہ دیس مفلس و نادار کج کلاہوں کا​

یہ دیس بے زر و دینار بادشاہوں کا​

کہ جس کی خاک میں قدرت ہے کیمیائی کی​

یہ نائبانِ خداوندِ ارض کا مسکن​

یہ نیک پاک بزرگوں کی روح کا مدفن​

جہاں پہ چاند ستاروں نے جبّہ سائی کی​

​

نہ جانے کتنے زمانوں سے اس کا ہر رستہ​

مثالِ خانۂ بے خانماں تھا در بستہ​

​

خوشا کہ آج بفضلِ خدا وہ دن آیا​

کہ دستِ غیب نے اس گھر کی در کشائی کی​

​

چنے گئے ہیں سبھی خار اس کی راہوں سے​

سنی گئی ہے بالآخر برہنہ پائی کی​

​

بیروت 80 ؁​

 

[عاطف بٹ]

واہ، بہت عمدہ انتخاب ہے۔
شکریہ سر

 

[فرخ منظور]

واہ، بہت عمدہ انتخاب ہے۔
شکریہ سر

نوازش بٹ صاحب!