کیا ٹیپو سلطان رحمۃ اللہ کی حقیقی تصویر یہی ہے؟؟

یو ٹیوب پر ایک ویڈیو میں ٹیپو سلطان رحمہ اللہ کی ایک تصویر کو لندن کے حوالہ سے حقیقی قرار دیا گیا ہے ۔ علمِ تاریخ سے وابستہ احباب اس کے بارے میں کچھ اظہار خیال کرکے راہنمائی فرمائیں کہ یہ تصویر سچ مچ شیر میسور کی ہے یا کسی نے اپنی طرف سے گھڑ لیا ہے۔

ویڈیو یہ ہے :

 

عثمان

محفلین
جس حوالہ کا آپ نے ذکر کیا ہے وہیں سے معلوم کریں۔ اراکین کیسے بتا سکتے ہیں ؟
شائد یہ مصوری اصل صورت سے کچھ ملتی جلتی ہو۔ ورنہ ظاہر ہے کیمرہ تو ان وقتوں میں دستیاب نہیں تھا۔
 

یاز

محفلین
اصل حقیقت کا علم تو اللہ تعالیٰ کی ذات کو ہی ہو سکتا ہے۔ ہم فقط دستیاب وسائل اور معلومات کی بنیاد پہ رائے دے سکتے ہیں۔

وکی پیڈیا کے ایک آرٹیکل کے مطابق صاحبِ تصویر کا اصل نام حمد بن محمد بن جمعة بن رجب بن محمد بن سعيد المرجبي ہے اور یہ زنجبار (تنزانیہ) کا ایک تاجر تھا۔ مقامی افراد میں یہ Tippu Tib کے نام سے مشہور تھا، جس کی وجہ یہ لکھی گئی ہے کہ اس کی بندوقوں یا توپوں کی آوازوں کی مناسبت سے رکھی گئی ہے۔
گمان یہ ہے کہ کسی دیدہ ور نے اس کی تصویر دیکھی اور نیچے ٹیپو ٹِب لکھا دیکھا اور فوراً یہ تصور کر لیا کہ یہ ٹیپو سلطان کی تصویر ہے، لیکن انگریزوں نے سازش کے تحت اس تصویر کو چھپائے رکھا اور ٹیپو کی بغیر بالوں والی تصویر کو مشہور کئے رکھا۔

اسی بابت آن لائن مجلے "ہم سب" میں عدنان کاکڑ نے ٹیپو سلطان کی اصل تصویر کے عنوان سے ایک طنزیہ مضمون لکھا ہے۔ پہلے ہم بھی اس کو سنجیدہ مضمون ہی سمجھے اور صاحبِ مضمون کی عقل پہ دو حرف بھیجے، لیکن انہی کی دیگر تحاریر پڑھ کر اندازہ ہوا کہ عدنان کاکڑ صاحب طنزیہ مضامین بھی ایسے لکھتے ہیں کہ پڑھنے والے کو حقیقت کا گماں ہو۔ مثلاً
صاحبِ مضمون یہ لکھتے ہیں کہ "انگریزوں نے ٹیپو سلطان کی اصل شخصیت چھپانے کی بہت کوشش کی، مگر ان میں سے کسی کی غفلت کے باعث یہ اصل تصویر برٹش میوزیم میں کسی صالح شخص نے دیکھ لی۔ شرعی حلیہ دیکھ کر اسے تصویر میں دلچسپی ہوئی تو اس کے نیچے لکھی مٹی مٹی سی دھندلی سی عبارت پڑھنے کی کوشش کی۔ ہزار کوشش کے بعد اس نے عبارت پڑھی تو وہ دنگ رہ گیا اس نے تصویر کے نیچے لکھا دیکھا کہ یہ امیر ٹیپو ٹپ کی تصویر ہے۔ شاید تحقیر کی خاطر فوٹوگرافر نے ٹیپو کے آگے نام بگاڑ کر ٹپ لکھ دیا ہو گا۔"

مزید لکھتے ہیں کہ "ہماری پرائمری کا بچہ بھی جانتا ہے کہ کیمرہ عظیم مسلمان سائنسدان ابن الہیثم کی ایجاد ہے جو کہ 965 عیسوی میں بصرہ میں پیدا ہوئے اور انہوں نے 1040 عیسوی میں قاہرہ میں وفات پائی۔ یعنی کیمرہ ٹیپو شہید کی وفات سے آٹھ سو سال پہلے کی ایجاد ہے۔ اس پر یہ اعتراض کہ ٹیپو شہید کی کیمرے سے تصویر نہیں لی جا سکتی ہے، بچگانہ حد تک مضحکہ خیز ہے۔"

نوٹ: پہلے ہم مذکورہ بالا مضمون کو سنجیدہ سمجھ کے ہی اس کا تذکرہ کر بیٹھے تھے، لیکن محترمہ نمرہ صاحبہ کے توجہ دلانے پہ حقیقت کا احساس ہوا۔ سو اس مراسلے میں متعلقہ الفاظ و فقرہ جات کی تدوین کر دی گئی ہے۔
 
آخری تدوین:

محمدظہیر

محفلین
علمِ تاریخ سے وابستہ احباب اس کے بارے میں کچھ اظہار خیال کرکے راہنمائی فرمائیں کہ یہ تصویر سچ مچ شیر میسور کی ہے یا کسی نے اپنی طرف سے گھڑ لیا ہے
تاریخ سے ناواقف شخص بھی یہ بات سمجھ سکتا ہے کہ تصویر میں موجود شخص عربی لباس پہنا ہے جب کہ ٹیپو سلطان عربی نہیں تھے
 

bilal260

محفلین
اکثر لوگ یہ نہیں جانتے کہ سلطان ٹیپو رحمتہ اللہ علیہ باشرع اور داڑھی والے تھے اور ان کی داڑھی بمطابق سنت تھی جبکہ اکثر ان کی تصاویر بغیر داڑھی کہ دکھائی جاتی ہے یہ سب غلط ہے۔
 

bilal260

محفلین
ٹیپو سلطان کی اکثر تصاویر ہاتھ سے بنائی گئی ہے ان کی اصل تصویر کہیں بھی نہیں ملتی سب میڈیا کی ڈرامہ بازیاں ہیں۔
 
حقیقت خرافات میں کھو گئی
یہ امت روایات میں کھو گئی

کیا اس بات سے فرق پڑتا ہے کہ ان کی داڑھی تھی یا نہیں؟
جس نے اپنے عمل سے گواہی دی ہو اس کو ان فروعات کی بنیاد پر جانچنے کی ضرورت کیونکر پیدا ہوئی؟
 

یاز

محفلین
حقیقت خرافات میں کھو گئی
یہ امت روایات میں کھو گئی

کیا اس بات سے فرق پڑتا ہے کہ ان کی داڑھی تھی یا نہیں؟
جس نے اپنے عمل سے گواہی دی ہو اس کو ان فروعات کی بنیاد پر جانچنے کی ضرورت کیونکر پیدا ہوئی؟
بہت خوب تابش بھائی۔جیتے رہیں۔
سو باتوں کی ایک بات کہی آپ نے۔
 
جس حوالہ کا آپ نے ذکر کیا ہے وہیں سے معلوم کریں۔ اراکین کیسے بتا سکتے ہیں ؟

عثمان بھائی ! پیشگی معذرت کے ساتھ۔

اردو محفل سیکھنے اور سکھانے کی جگہ ہے یہاں کوئی وقت ضائع کرنے یا گزارنے کے لیے نہیں آتا۔ اگر وہاں سے معلوم ہوسکتا جہاں سے میں نے یہ ویڈیو اٹھایا ہے تو یہاں پوسٹ کرنے کی زحمت ہرگز نہیں کرنا تھا ۔

اراکین میں سے وہی اراکین بتاسکتے ہیں جو اس موضوع سے تعلق رکھتے ہیں یعنی علم تاریخ سے ۔ جیسا کہ ایک یاز بھائی نے کچھ تفصیل درج کی ہے ۔

امید ہے کہ آئندہ سنجیدہ اور تفحص کے حامل سوالات کے جوابات کو ایویں شیویں سے نہیں اڑایا جائے گا۔ اگر کسی کو علم ہے تو جواب سے نوازے ورنہ اپنی راہ لے۔
 

نمرہ

محفلین
سیٹائر اسی طرح لکھا جاتا ہے یا صاحب مضمون پوری طرح سیٹائر کو واضح نہیں کر سکے

ویسے تحریر سے کہیں بھی یہ محسوس نہیں ہونے دیا گیا کہ یہ سیٹائر ہے۔ تاہم آپ کے توجہ دلانے پہ غور کیا ہے تو آخری چند فقرات سے اس بابت کچھ اشارہ ملتا ہے۔
اب صاحب مضمون کوئی جوناتھن سوئفٹ تھوڑا ہی ہیں :)
 

عثمان

محفلین
عثمان بھائی ! پیشگی معذرت کے ساتھ۔

اردو محفل سیکھنے اور سکھانے کی جگہ ہے یہاں کوئی وقت ضائع کرنے یا گزارنے کے لیے نہیں آتا۔ اگر وہاں سے معلوم ہوسکتا جہاں سے میں نے یہ ویڈیو اٹھایا ہے تو یہاں پوسٹ کرنے کی زحمت ہرگز نہیں کرنا تھا ۔

اراکین میں سے وہی اراکین بتاسکتے ہیں جو اس موضوع سے تعلق رکھتے ہیں یعنی علم تاریخ سے ۔ جیسا کہ ایک یاز بھائی نے کچھ تفصیل درج کی ہے ۔

امید ہے کہ آئندہ سنجیدہ اور تفحص کے حامل سوالات کے جوابات کو ایویں شیویں سے نہیں اڑایا جائے گا۔ اگر کسی کو علم ہے تو جواب سے نوازے ورنہ اپنی راہ لے۔
اس لڑی میں ماسوائے قیاس آرائیوں کے اب تک آپ کو کیا معلوم ہوا ؟
 
Top