قمر جلالوی کھلتا نہیں یہ رازِ پیمبر ترے بغیر

[حسان خان]

کھلتا نہیں یہ رازِ پیمبر ترے بغیر​

مدت سے شہرِ علم ہے بے در ترے بغیر​

​

جز تیرے لافتیٰ نہ کسی کو کہا گیا​

ظاہر ہوئے نہ تیغ کے جوہر ترے بغیر​

​

دونوں میں ایک بھی تو نمایاں نہ ہو سکا​

خالق بلا رسول، پیمبر ترے بغیر​

​

ترمیم کی گئی نہ خدا کے مکان میں​

کعبے میں دوسرا نہ بنا در ترے بغیر​

​

ممکن ہے پیشِ خالقِ اکبر رکا رہے​

محشر بغیرِ فاطمہ، کوثر ترے بغیر​

​

حالانکہ بت شکن تھے براہیم بھی مگر​

نکلے خدا کے گھر سے نہ پتھر ترے بغیر​

​

تو نے ہی کی قمر کی مدد اے خدا کے نور​

چمکا نہ آسمانِ ادب پر ترے بغیر​

​

(استاد قمر جلالوی)​