انا للہ و انا الیہ راجعونڈیرہ غازی خان: - کوہ سلیمان کے پہاڑی سلسلوں میں بارشوں کی وجہ سے ندی نالوں میں طغیانی آگئی ہے اور فصلوں کو نقصان پہنچا ہے۔
کوہ سلیمان کے پہاڑی سلسلوں میں گزشتہ رات کی بارش کے بعد تونسہ کے 7 برساتی ندی نالوں میں طغیانی کی وجہ سے قبائلی علاقوں سنگڑ، مٹھاون، درہ وہوا،درہ لینڑی،درہ سوری اور درہ درگ کا زمینی رابطہ منقطع ہوگیا ہے۔ بارش سے راجن پور کے درہ کاہا میں طغیانی سے فصلوں کو بھی شدید نقصان پہنچا ہے۔
محکمہ موسمیات کے مطابق خیبرپختونخوا،بلوچستان ،پنجاب اور کشمیر میں کہیں کہیں ہلکی بارش کا امکان ہے۔
متعلقہ کی ورڈ:
رود کوہی-Hill torrents
اس پانی کو کہیں ذخیرہ کرنے کا بندو بست ہو تو شاید نقصان نہ ہو۔انا للہ و انا الیہ راجعون
منٹوں میں تباہی مچتی ہے ان نالوں سے تو
اس بارے کئی بار بند وغیرہ باندھنے یا ان کا رخ موڑنے کی کوشش کی گئی ہے۔ لیکن ایک تو پہاڑی علاقے سے آنے والے پانی کی رفتار بہت تیز ہوتی ہے، دوسرا یہ بھی کہ کٹاؤ کی وجہ سے بہت سارے پتھر بھی ساتھ آتے ہیں۔ اس وجہ سے اکثر و بیشتر ڈیم تباہ ہو جاتے ہیں
یہاں جنگلی حیات کی کیا صورتِ حال ہے۔ میرا خیال ہے کہ یہاں مختلف اقسام کے جانور ، پرندے اور دیگر جنگلی حیوانات موجود ہوں گے۔
کوہ سلیمان میں ابھی چند برس قبل تک ڈی جی سیمنٹ فیکٹری کے آس پاس تیندوے شکار ہوئے ہیں۔ اس کے علاوہ کوہ سلیمان میں دس ہزار فٹ سے بلند کئی چوٹیاں ہیں۔ وہاں ریچھ، مارخور، آئی بیکس، ہرن (کوہ سلیمان میں جہاں پنجاب اور خیبر پختونخواہ کی سرحد ملتی ہے، کے پاس ایک جگہ کیکر کا بہت بڑا جنگل ہے) ملتے ہیں۔ بھیڑیئے بھی گذشتہ پندرہ ایک برس سے پھر دکھائی دینے لگ گئے ہیں۔ بجو، گیدڑ اور لومڑی بھی عام ہیں۔ اس کے علاوہ کالا اور سفید تیتر، چکور، سے سی اور موسمی پرندوں میں کونجیں، مرغابیاں، فلیمنگو، تلور، کشمیرہ، سوان وغیرہ ملتے ہیں۔ اونچے پہاڑی علاقوں میں تلور اور کشمیرہ وغیرہ مستقل بھی ملتے ہیں۔ کئی جگہ پر جھیلیں یا بند بھی ہیں جہاں مچھلی بکثرت پائی جاتی ہے (جس کے بارے تفصیل سے نہیں جانتا)۔ ہرن کے سلسلے میں یہ بات قابلِ افسوس ہے کہ میرے والد کے ایک دوست جن کی عمر اس وقت 80 سال کے لگ بھگ ہوگی، بتاتے ہیں کہ بچپن میں جب وہ کبھی سیر پر جاتے تھے تو پالتو بکریوں کے ریوڑ میں ہرن بھی گھل مل جاتے تھے اور ایک وقت میں ایک ریوڑ میں 120 تک ہرن انہوں نے خود گنے تھے۔ وہوا کے کھیتران سرداروں کے پاس جب جیپ اور ٹارچ آئی، انہوں نے اندھا دھند شکار کر کے ہرن کی نسل ہی ان علاقوں سے مٹا دی ہے۔ بیٹ کے علاقے میں پاڑہ ابھی بھی ملتا ہے اور سور بھی۔ جنگلی کبوتر، فاختہ اور ہریل وغیرہ جیسے عام پرندوں کے بارے میں نے جان بوجھ کر بات نہیں کی
جنگلی حیات کے حوالے سے تو یہ بڑا زبردست علاقہ ہے!
بیٹ سے مراد وہ علاقہ جو دریا کے کنارے ہو، جہاں گھنے جنگل یا جھاڑیاں پائی جاتی ہیں اور مسلسل مرطوب موسم ہوتا ہے شاید
ایک بات واضح کر دوں کہ علاقہ بہت وسیع اور تقریباً غیر آباد ہے۔ اس لئے ایک تو مقامی کسی افراد سے واقفیت بہتر رہے گی دوسرا یہ بھی کہ صبر کا مادہ ہو۔ بہت سارے جانور دن کے وقت بہت مشکل سے دکھائی دیتے ہیں۔ اس کے علاوہ اگر او جی ڈی سی ایل میں یا اٹامک انرجی کمیشن کی ایکسپلوریشن میں واقفیت ہو تو اس طرح کے تمام علاقوں کی سیر کرنا بہت آسان ہو جاتا ہے
