واصف کوئی اہلِ نظر نہیں لگتا

[فہیم]

کوئی اہلِ نظر نہیں لگتا​

اس لیے معتبر نہیں لگتا​

​

سب دئیے ہم نے خود بجھا ڈالے​

اب ہواؤں سے ڈر نہیں لگتا​

​

خود بھی وہ اپنی قدر و قیمت سے​

اس قدر بے خبر نہیں لگتا​

​

تب پرندے بھی لوٹ جاتے ہیں​

پیڑ پر جب ثمر نہیں لگتا​

​

خوف وہ بام و در کے اندر ہے​

جو پسِ بام و در نہیں لگتا​

​

اجنبی اجنبی سے چہرے ہیں​

یہ مجھے اپنا گھر نہیں لگتا​

​

لے کے جائے گا عمر، وحشت کا​

سلسلہ مختصر نہیں لگتا​

 

[نایاب]

واہہہہہہہہہہہہہہہہہہہہہہ

تب پرندے بھی لوٹ جاتے ہیں​

پیڑ پر جب ثمر نہیں لگتا​

 

[طارق شاہ]

اجنبی اجنبی سے چہرے ہیں
یہ مجھے اپنا گھر نہیں لگتا

بہت خوب!
بہت شکریہ شیئر کرنے کا

 

[قرۃالعین اعوان]

بہت خوب!

 

[عاطف بٹ]

سب دئیے ہم نے خود بجھا ڈالے
اب ہواؤں سے ڈر نہیں لگتا

بہت خوب۔​

 

[فہیم]

پسندیدگی کے لیے آپ احباب کا شکریہ۔

 

[نویدظفرکیانی]

تب پرندے بھی لوٹ جاتے ہیں​

پیڑ پر جب ثمر نہیں لگتا​

اجنبی اجنبی سے چہرے ہیں​

یہ مجھے اپنا گھر نہیں لگتا​

بہت خوب فہیم صاحب ۔۔۔۔ عمدہ شئرنگ ہے ۔۔۔۔ بہت سی داد قبول فرمائیں​

 

[فہیم]

تب پرندے بھی لوٹ جاتے ہیں​

پیڑ پر جب ثمر نہیں لگتا​

اجنبی اجنبی سے چہرے ہیں​

یہ مجھے اپنا گھر نہیں لگتا​

بہت خوب فہیم صاحب ۔۔۔ ۔ عمدہ شئرنگ ہے ۔۔۔ ۔ بہت سی داد قبول فرمائیں​

شکریہ نوید بھائی۔

 

[محمد امین]

اماں فہیم۔۔۔۔تمہیں کب سے شاعری کی لت لگ گئی