کسی مستِ شباب کی دنیا - امجد حیدر آبادی

[کاشفی]

غزل​

(امجد حیدر آبادی)​

​

کسی مستِ شباب کی دنیا​

ایسی ہے، جیسے خواب کی دنیا​

​

ہائے ظالم کی مست آنکھوں میں​

بس رہی ہے شراب کی دنیا​

​

حُسن اس شوخ کا، خدا کی پناہ​

ہے مہ و آفتاب کی دنیا​

​

چین دم بھر، اسے نصیب نہیں​

دل ہے، یا انقلاب کی دنیا؟​

​

محو غفلت ہے کائنات تمام​

ساری دنیا ہے خواب کی دنیا​

​

موت میں دو جہاں کی راحت ہے​

زندگی ہے عذاب کی دنیا​

​

حرصِ دنیا میں پھنس کے اے امجد​

تونے اپنی خراب کی دنیا​

 

[محمد وارث]

شکریہ جناب ارسال فرمانے کیلیے

 

[کاشفی]

پسندیدگی کے لیئے آپ کا بھی بیحد شکریہ محمد وارث صاحب!