عدم کتنی بے ساختہ خطا ہوں میں : عبدالحمید عدمؔ

[mtahirz]

کتنی بے ساختہ خطا ہوں میں​

آپ کی رغبت و رضا ہوں میں​

میں نے جب ساز چھیڑنا چاہا​

خامشی چیخ اٹھی، صدا ہوں میں​

حشر کی صبح تک تو جاگوں گا​

رات کا آخری دِیا ہوں میں​

آپ نے مجھ کو خوب پہچانا​

واقعی سخت بے وفا ہوں میں​

میں نے سمجھا تھا میں محبت ہوں​

میں نے سمجھا تھا مدعا ہوں میں​

کاش مجھ کو کوئی بتائے عدمؔ​

کس پری وش کی بددعا ہوں میں​

عبدالحمید عدمؔ​

 

[محمد وارث]

شکریہ جناب ارسال فرمانے کیلیے

 

[الشفاء]

آپ کی رغبت و رضا ہوں میں
واہ۔ بہت خوب۔۔۔

 

[باباجی]

واہ بہت خوب کلام

 

[محمداحمد]

آپ نے مجھ کو خوب پہچانا
واقعی سخت بے وفا ہوں میں

بہت ہی خوب ۔۔۔۔!