سیماب اکبر آبادی چمک جگنو کی برقِ بے اماں معلوم ہوتی ہے۔۔سیماب اکبر آبادی

چمک جگنو کی برقِ بے اماں معلوم ہوتی ہے
قفس میں رہ کے قدرِ آشیاں معلوم ہوتی ہے

کہانی میری رودادِ جہاں معلوم ہوتی ہے
جو سنتا ہے اسی کی داستاں معلوم ہوتی ہے

ہوائے شوق کی قوت وہاں لے آئی ہے مجھ کو
جہاں منزل بھی گردِ کارواں معلوم ہوتی ہے

قفس کی پتلیوں میں جانے کیا ترکیب رکھی ہے
کہ ہر بجلی قریبِ آشیاں معلوم ہوتی ہے

ترقی پر ہے روز افزوں خلش دردِ محبت کی
جہاں محسوس ہوتی تھی، وہاں معلوم ہوتی ہے

نہ کیوں سیماب مجھ کو قدر ہو ویرانیئ دل کی
یہ بنیادِنشاطِ دو جہاں معلوم ہوتی ہے

 

ہوائے شوق کی قوت وہاں لے آئی ہے مجھ کو
جہاں منزل بھی گردِ کارواں معلوم ہوتی ہے۔
بہت خوب غزل انتخاب کی ہے عینی ۔

 

ترقی پر ہے روز افزوں خلش دردِ محبت کی
جہاں محسوس ہوتی تھی، وہاں معلوم ہوتی ہے۔
واہ

 

شکریہ اپیا!

 

خوبصورت انتخاب ہے۔۔۔ شکریہ

 

مہربانی!

 

ترقی پر ہے روز افزوں خلش دردِ محبت کی
جہاں محسوس ہوتی تھی، وہاں معلوم ہوتی ہے
سبحان اللہ! کیا بات ہے

اعوان صاحبہ!
اس انتخاب خوب کے لئے بہت سی داد
اور تشکّر
بہت شادماں رہیں

 

بہت شکریہ!