رضا چمک تجھ سے پاتے ہیں سب پانے والے

[مہ جبین]

چمک تجھ سے پاتے ہیں سب پانے والے​

میرا دل بھی چمکادے چمکانے والے​

برستا نہیں دیکھ کر ابرِ رحمت​

بدوں پر بھی برسا دے برسانے والے​

مدینے کے خطّے خدا تجھ کو رکھے​

غریبوں فقیروں کے ٹھہرانے والے​

تو زندہ ہے واللہ تو زندہ ہے واللہ​

مِرے چشمِ عالَم سے چھپ جانے والے​

میں مجرم ہوں آقا مجھے ساتھ لے لو​

کہ رستے میں ہیں جا بجا تھانے والے​

حرم کی زمیں اور قدم رکھ کے چلنا​

ارے سَر کا موقع ہے او جانے والے​

چل اٹھ جبہہ فرسا ہو ساقی کے در پر​

درِ جود اے میرے مستانے والے​

تِرا کھائیں تیرے غلاموں سے الجھیں​

ہیں منکر عجب کھانے غرّانے والے​

رہے گا یونہی اُن کا چرچا رہے گا​

پڑے خاک ہو جائیں جل جانے والے​

اب آئی شفاعت کی ساعت اب آئی​

ذرا چین لے میرے گھبرانے والے​

رضا نفس دشمن ہے دَم میں نہ آنا​

کہاں تم نے دیکھے ہیں چندرانے والے​

​

اعلیٰ حضرت الشاہ امام احمد رضا خان فاضلِ بریلوی رحمۃ اللہ علیہ​

​

 

[حسیب نذیر گِل]

تو زندہ ہے واللہ تو زندہ ہے واللہ
مِرے چشمِ عالَم سے چھپ جانے والے
تِرا کھائیں تیرے غلاموں سے الجھیں
ہیں منکر عجب کھانے غرّانے والے
رہے گا یونہی اُن کا چرچا رہے گا
پڑے خاک ہو جائیں جل جانے والے

سبحان اللہ کیا عمدہ نعت شریف ہے۔
جزاک اللہ مہ جبین خالہ

 

[مہ جبین]

بیٹا حسیب نذیر گِل !
اعلیٰ حضرت کی ہر نعت عمدہ اور لاجواب ہوتی ہے بےشک !

پسند کرنے کا بہت شکریہ بیٹا

جیتے رہو خوش رہو
شاد آباد رہو

اللہ ہم سب کو اولیاء کرام رحمہم اللہ اجمعین کا روحانی فیضان عطا فرمائے آمین

 

[حسیب نذیر گِل]

بیٹا حسیب نذیر گِل !
اعلیٰ حضرت کی ہر نعت عمدہ اور لاجواب ہوتی ہے بےشک !

پسند کرنے کا بہت شکریہ بیٹا

جیتے رہو خوش رہو
شاد آباد رہو

اللہ ہم سب کو اولیاء کرام رحمہم اللہ اجمعین کا روحانی فیضان عطا فرمائے آمین

آپ کی دعائیں ہی میرے لیے سب کچھ ہیں

 

[سید زبیر]

سبحان اللہ​

میں مجرم ہوں آقا مجھے ساتھ لے لو​

کہ رستے میں ہیں جا بجا تھانے والے​

جزاک اللہ ​

السلام یا رحمت اللعا لمین​

 

[عبدالرزاق قادری]

رہے گا یونہی اُن کا چرچا رہے گا
پڑے خاک ہو جائیں جل جانے والے​