ساغر صدیقی چمن لُٹ رہا ہے صبا رو رہی ہے - ساغر صدیقی

[فرحان محمد خان]

چمن لُٹ رہا ہے صبا رو رہی ہے
پئے سوگواراں فضا رو رہی ہے

شہادت پہ اکبرؓ کی ساری خدُائی
گریباں کُھلے ہیں وفا رو رہی ہے

فرشتے سرِ عرش ماتم کناں ہیں
کہ پیاسوں کی خاطر گھٹا رو رہی ہے

ذرا خاکِ کربل کی توقیر دیکھو
کہ بنتِ نبی ْ کی ردا رو رہی ہے

وہ شبیرؓ آئے ہیں نیزے کی زد پر
تڑپتی ہیں کر نیں‘ ضیا رو رہی ہے

بہاروں کے ہیں چاک دامان یارو
ہے نغموں کا ماتم‘ نوا رو رہی ہے

ہے تیرا جفا اور حلقوم اصغرؓ
جفاؤں پہ ساغر جفا رو رہی ہے​

ساغر صدیقی​