فریدہ خانم چاند نکلے کسی جانب تیری زیبائی کا ۔ فریدہ خانم

[فرخ منظور]

چاند نکلے کسی جانب تیری زیبائی کا
گلوکارہ: فریدہ خانم
کلام: فیض احمد فیض

چاند نکلے کسی جانب تری زیبائی کا​

رنگ بدلے کسی صورت شبِ تنہائی کا​

​

دولتِ لب سے پھر اے خسروِ شیریں دہناں​

آج ارزاں ہو کوئی حرف شناسائی کا​

​

گرمیِ رشک سے ہر انجمنِ گُل بدناں​

تذکرہ چھیڑے تری پیرہن آرائی کا​

​

صحنِ گلشن میں کبھی اے شہِ شمشاد قداں​

پھر نظر آئے سلیقہ تری رعنائی کا​

​

ایک بار اور مسیحائے دلِ دل زدگاں​

کوئی وعدہ، کوئی اقرار مسیحائی کا​

​

دیدہء و دل کو سنبھالو کہ سرِ شامِ فراق​

ساز و سامان بہم پہنچا ہے رسوائی کا​

​

اگست 1968ء​

(فیض احمد فیض)​