لقمان پنجابی
محفلین
پاکستان دا شمار اوناں اکا دکا دیساں چ ہوندا وے جیتھے اجے وی بال پولیو دی بیماری دے چنگل وچوں پوری طری باہر نہی، تے کسے ویلے وی اے وباء ہر پاسے پھیل سکدی وے۔ عالمی دنیا ولوں جاری ایس سلسلے چ کوششاں تحریک طالبان پاکستان تے اوناں دے ہانڑی انتہا پسنداں تے دہشت گرداں نے کئی واری ڈکن، برباد کرن، تے خطرے چ پائی اے۔ جدوں توں دہشت گرداں پولیو بچاء تحریک دے خلاف ظالمانہ کاروائیاں شروع کیتیاں نے کئی وچارے پولیو بچاء تحریک چ کم کرن آلے نوکرجیڑے بالاں دی جان بچاون دا فرض پورا کررہے سن او مارے گئے نے، تے سینکڑوں بال پولیو قطرے نا ملن کارن ایس بیماری دا شکار ہوگئے نے۔ تھلے پیش کردہ آڈیو انٹرویو چ پولیو دوائی وارے امت آخبار چ بیان کردہ بے بنیاد تے من گھڑت اعتراضات وارے ڈاکٹر عمر علی سچ کی وے تے جھوٹ کی اودے وارے گل بات کررہے نے۔
امریکی ڈیجیٹل آؤٹ ریچ ٹیم نے کئی واری ایس گل ول توجہ کرائی اے کے انتہا پسندی تے دہشت گرداں دے اردیاں نوں ناکام بناون چ عام شہری تے سول سوسائیٹی اک اہم کردار ادا کرسکدے نے۔ من گھڑت خبراں تے تنقید برائے تنقید کسے تعمیری کم چ مددگار تے ہو نہی سکدی پر ڈھکے چھپے انداز چ دھشت گرداں دے ارادے پکے کرن تے اوناں دا حوصلہ ودھاون چ ضرور اپنا کردار ادا کرسکدی وے۔
پاکستانی بال تے پاکستان دا مستقبل پولیو بچاء تحریک تے دہشت گرد حملیاں کارن بڑا خطرے چ وے۔ ساڈی ساریاں دی اے ذمہ واری بن دی وے کے اسی انتہا پسنداں ولوں پولیو بچاء تحریک تے پولیو قطریاں وارے پھلائیاں ہویاں افواہواں دا رد لوکاں تائیں پہچا کے دہشت گرداں دے حوصلے توڑیئے تا پاکستان دی آون آلی نسل تے آون آلے چنگے کل لئی اپنا کردارادا کرسکیے۔
ڈاکٹر عمر دا انٹرویو سنن لئی لنک دبو: http://goo.gl/vUTSyP