اقبال جہانگیر
محفلین
پشاور میں پولیس موبائل پر حملہ، 3 اہلکاروں سمیت 4 افراد جاں بحق، 3 افراد زخمی
18 جولائی 2014 (20:54)
پشاور (مانیٹرنگ ڈیسک) صوبائی دارالحکومت کے علاقے پشت خرہ میں پولیس موبائل پر فائرنگ سے 3 اہلکاروں سمیت 4 افراد جاں بحق جبکہ 3 افراد زخمی ہو گئے۔ تفصیلات کے مطابق پشت خرہ کے علاقے میں سیکیورٹی پر تعینات پولیس موبائل افطاری کے وقت کھلے میدان میں موجود تھی کہ نامعلوم افراد نے حملہ کر دیا جس کے نتیجے میں اے ایس آئی نور محمد جاں بحق ہو گیا جبکہ ڈرائیور باز محمد اور 2 راہگیروں سمیت 5 افراد زخمی ہو گئے۔ زخمی افراد کو طبی امداد کیلئے ہسپتال منتقل کیا گیا جہاں مزید 2 پولیس اہلکاروں سمیت 3 افراد زخموں کی تاب نہ لاتے ہوئے دم توڑ گئے۔ ایس پی کینٹ فیصل کا کہنا ہے کہ پولیس موبائل پر فائرنگ کرنے والے افراد کار میں سوار تھے جو فائرنگ کے بعد پولیس اہلکاروں کا اسلحہ بھی ساتھ لے گئے۔ سی سی او پشاور نے حملے اور ہلاکتوں کی تصدیق کی ہے اور کہا ہے کہ پولیس اہلکاروں کی نااہلی ہے کہ وہ کھلے میدان میں روزہ افطار کر رہے تھے جس سے حملہ آوروں کو بھرپور موقع فراہم ہوا۔
http://dailypakistan.com.pk/national/18-Jul-2014/124217
18 جولائی 2014 (20:54)
پشاور (مانیٹرنگ ڈیسک) صوبائی دارالحکومت کے علاقے پشت خرہ میں پولیس موبائل پر فائرنگ سے 3 اہلکاروں سمیت 4 افراد جاں بحق جبکہ 3 افراد زخمی ہو گئے۔ تفصیلات کے مطابق پشت خرہ کے علاقے میں سیکیورٹی پر تعینات پولیس موبائل افطاری کے وقت کھلے میدان میں موجود تھی کہ نامعلوم افراد نے حملہ کر دیا جس کے نتیجے میں اے ایس آئی نور محمد جاں بحق ہو گیا جبکہ ڈرائیور باز محمد اور 2 راہگیروں سمیت 5 افراد زخمی ہو گئے۔ زخمی افراد کو طبی امداد کیلئے ہسپتال منتقل کیا گیا جہاں مزید 2 پولیس اہلکاروں سمیت 3 افراد زخموں کی تاب نہ لاتے ہوئے دم توڑ گئے۔ ایس پی کینٹ فیصل کا کہنا ہے کہ پولیس موبائل پر فائرنگ کرنے والے افراد کار میں سوار تھے جو فائرنگ کے بعد پولیس اہلکاروں کا اسلحہ بھی ساتھ لے گئے۔ سی سی او پشاور نے حملے اور ہلاکتوں کی تصدیق کی ہے اور کہا ہے کہ پولیس اہلکاروں کی نااہلی ہے کہ وہ کھلے میدان میں روزہ افطار کر رہے تھے جس سے حملہ آوروں کو بھرپور موقع فراہم ہوا۔
http://dailypakistan.com.pk/national/18-Jul-2014/124217
