پرانی شراب ، نویں بوتل

[اوشو]

1964 ، پاکستانی ٹیلی ویژن دے مڈھلے دیہاڑے سن۔ سب تو پہلا گیت آن ایئر کرن واسطے جس گیت نوں چنیا گیا۔ اوہ گیت سی "لائی بے قدراں نال یاری" تے گائیک سن "طفیل نیازی مرحوم" ایہہ گانا اج وی سنیے تے نواں سرور دیندا اے۔ طفیل نیازی اک وڈے فوک گلوکار سن۔ ایس گیت تو علاوہ اوہناں دے گیت "ساڈا چڑیاں دا چنبا اے" ، "میں نئیں جانا کھیڑیاں دے نال" تے کئی بہت مشور ہوئے۔ لیکن ساڈی اج دی نسل فوک موسیقی نوں چھڈ کے پاپ ول زیادہ راغب اے۔ لیکن پرانے گیتاں دی طرح اج دے گیت سدا بہار نہیں ہوندے۔ ایہہ ویکھدیاں کئی گلوکاراں نے پرانے تے سدا بہار گیتاں نوں نویں رنگ وچ پیش کیتا ۔ کچھ گیتاں نوں بہت سوہنا رنگ دتا گیا تے کچھ دی ایسی تیسی کر دتی گئی۔ کوشش کراں گا ایتھے کچھ ایسے سوہنے گیت اکٹھے کراں جیہڑے نویں تے پرانے دونہاں رنگاں وچ مزہ دیندے نیں۔
ایسے سلسلے دا پہلا گیت ۔ طفیل نیازی دی آواز وچ تے نال ای طفیل نیازی مرحوم دے پتر جیہڑے پکے تے سوہنے گلوکار نیں۔ "جاوید نیازی، بابر نیازی" اوہناں دی آواز وچ وی ۔
پسند آوے تے تہاڈے ولوں وی رلت دی اڈیک رہے گی۔

طفیل نیازی


جاوید نیازی، بابر نیازی

---------------------------------------

نی ملیا یار قہر وچ بھریا اوئے
اتے نیناں چڑھی خماری
کالے روپ تیار ڈنگن نوں
اوہدے ہتّھ وچ حسن کٹاری

لائی بے قدراں نال یاری
تے ٹٹّ گئی تڑک کرکے

ہو بلّے بلّے

بچپن گیا جوانی آئی------کھڑیاں نے گلزاراں
بئے گلاں سوہے رنگ وٹائے------ٹہکن عجب بہاراں
بئے پینگ ماہی دی جھوٹن آئیاں------مست الہّڑ مٹیاراں
وارو واری پینگ جھوٹھیون------کر کر ناز ہزاراں
جدوں آئی تتڑی دی واری
تے ٹٹّ گئی تڑک کرکے

ہو بلّے بلّے

لائی بے قدراں نال یاری
تے ٹٹّ گئی تڑک کرکے

ہو بلّے بلّے

جدوں سیو مست جوانی ------ہوش چ آون لگی
او جاگے بھاگ ماہی گھر آیا ------شگن مناون لگی
بھرکے پیگ دتا دلبر نوں ------خوشی مناون لگی
بلہاں نال لگی جد پیالی ہائے
تے ٹٹّ گئی تڑک کرکے

ہو بلّے بلّے

لائی بے قدراں نال یاری
تے ٹٹّ گئی تڑک کرکے

ہو بلّے بلّے

چیتر چت اچانک ماہی ------ویہڑے آن کھلویا
میں چن چن پھل امیداں والے------سوہنا ہار پرویا
چائیں چائیں چک کے ہار نوں ------نال گلے دے چھویا
بھیڑی نکلی ڈور نکاری ہائے
تے ٹٹّ گئی تڑک کرکے

ہو بلّے بلّے

لائی بے قدراں نال یاری
تے ٹٹّ گئی تڑک کرکے

ہو بلّے بلّے​

 

[نایاب]

کلاسیک ۔۔۔۔۔۔۔۔۔۔
ڈھیر دعاواں

 

[یوسف سلطان]

چن کتھاں گزاری ائی رات وے
میڈے جی جڑاں دے لالڑاں

چن کتھاں گزاری ائی رات وے
مینڈا جی دلیلاں دے وات وے

کوٹھے تے پر-کوٹھڑا ماہی کوٹھے سکدا گھاہ بھلا
عاشقاں جوڑیاں پوڑیاں تے معشوقاں جوڑے راہ بھلا

کوٹھے تے پر-کوٹھڑا ماہی کوٹھے سکدی ریت بھلا
اساں گندائیاں مینڈھیاں توں کسے بہانے ویکھ ذرا

کوٹھے تے پر-کوٹھڑا ماہی کوٹھے تے تنور بھلا
پہلی روٹی توں کھاویں تینڈے ساتھی نسّ گئے دور بھلا

کوٹھے تے پر-کوٹھڑا چن کوٹھے تے تندور بھلا
ہسدیاں ہسدیاں کر گیوں کیوں دل نوں چکناچور بھلا

کوٹھے تے پر-کوٹھڑا ماہی اوتھے بیٹھا کاں بھلا
توں تے مینکوں بھل گئیں میں تے اجے وی تیری ہاں بھلا

کوٹھے تے پر-کوٹھڑا ماہی کوٹھے سکدیاں توریاں
کلیاں راتاں جاگ کے میں نپیاں تیریاں چوریاں

کوٹھے تے پر-کوٹھڑا ماہی کوٹھے دے وچّ باریاں
ہن تاں واپس آ ماہی توں جتیا تے میں ہاریاں

(ائی=حئی،ہے، مینڈا=میرا، پر-کوٹھڑا=
پر-کوٹھڑا، تنور=تندور، میکوں=مینوں
گولوکارہ:سُریندر کور

​