پاکستان میں انرجی مکس؛energy mix

[الف نظامی]

4 جولائی 2013
15 سال پہلے 75 فیصد انرجی مکس سستے ایندھن پر مشتمل تھا جبکہ 25 فیصد مہنگے ایندھن پر تھا جبکہ اب یہ مکمل طور پر تبدیل ہو کر 25 فیصد سستے ایندھن پر اور 75 فیصد فرنس آئل پر آ چکا ہے۔

2 جنوری 2014
حکومت نے فیصلہ کیا ہے کہ بجلی کی پیداوار کے لیے تیل پر انحصارکم کرتے ہوئے مستقبل میں تیل سے بجلی پیدا کرنے کا کوئی پلانٹ نہیں لگایا جائے گا۔

18 اپریل 2014
مارچ میں کوئلے سے بجلی کی پیدواری لاگت 4.49 اور ہائی سپیڈ ڈیزل سے 22.84 ، فرنس آئل سے بجلی کی پیداواری لاگت 16.22 اور گیس سے 4.62 نیوکلیئر بجلی کی پیداواری لاگت 1.32 اور ایران سے درآمدی بجلی کی قیمت 9.79 روپے فی یونٹ رہی۔

 

[الف نظامی]

20 دسمبر 2013
وفاقی وزیر منصوبہ بندی واصلاحات احسن اقبال نے کہا ہے کہ حکومت سستی بجلی فراہم کرنے کیلئے انرجی مکس کو بہتر کرنے پر توجہ دے رہی ہے ، ادائیگیوں کے توازن کوبہتربنانے کیلئے بیرونی امداد پر انحصار کے بجائے برآمدات کوبڑھاناچاہیے ، پاکستان انسٹی ٹیوٹ آف ڈویلپمنٹ اکنامکس کی سالانہ کانفرنس سے خطاب کرتے ہوئے احسن اقبال نے کہاکہ مستحکم پاکستان کیلئے پائیدار اقتصادی ترقی ناگزیر ہے جس کیلئے توانائی بحران پر قابوپانے کیلئے حکومت نے متعدد اقدامات کئے۔

 

[الف نظامی]

میری نئی حکومت کو تجویز ہوگی کہ توانائی کے بحران پر قابو پانے کیلئے ہمیں اپنے انرجی مکس کو بہتر بناکر متبادل ذرائع سے انرجی حاصل کرنا ہوگی جس میں میرے نزدیک اولین ترجیح ہائیڈرو پاور جس کیلئے حکومت کو درمیانے درجے کے ڈیمز بناکر سستی اور صاف بجلی حاصل کرنا ہوگی۔ ڈاکٹر مرزا اختیار بیگ

 

[الف نظامی]

ڈاکٹر انصر پرویز نے کہاکہ ملک میں انرجی مکس کو تبدیل کرنا ہوگا، سستی بجلی کے لئےمتبادل توانائی کے منصوبوں پر کام کرنا ہوگا۔

 

[arifkarim]

اگر پانی کے متبادل توانائی کا حصول زیادہ سستا ہوتا تو بہت پہلے ہی اسپر عمل در آمد ہو چکا ہوتا۔ پانی کے علاوہ ہر توانائی کا حصول جیسے کوئلہ، گیس، تیل، ہوا یا شمسی توانائی بہت مہنگا متبادل ہے۔

 

[الف نظامی]

اگر پانی کے متبادل توانائی کا حصول زیادہ سستا ہوتا تو بہت پہلے ہی اسپر عمل در آمد ہو چکا ہوتا۔ پانی کے علاوہ ہر توانائی کا حصول جیسے کوئلہ، گیس، تیل، ہوا یا شمسی توانائی بہت مہنگا متبادل ہے۔

7500 ایکٹر پر قائداعظم سولر پارک ، شمسی توانائی ، سولر انرجی پارک

 

[الف نظامی]

وفاقی وزیر منصوبہ بندی و ترقیات احسن اقبال نے کہا ہے کہ اس وقت ستر فیصد بجلی فرنس آئل سے پیدا کی جاتی ہے۔
...
انہوں نے کہا کہ انرجی کے حوالے سے نئی پالیسی تیار کی جا رہی ہے جس میں فرنس آئل کے بجائے مختلف ذرائع پر غور کیا جا رہا ہے۔

 

[ایچ اے خان]

بائیو فیول
جو رنیوایبل بھی ہے اور سستا بھی اور صاف بھی
پاکستان کے پاس زرعی زمین بہت ہے۔ پاکستان اپنی انرجی کی ضروریات بائیو ایتھانول سے پوری کرسکتا ہے۔ پاکستان سمندر میں الجی پیدا کرکے اس کو بائیو ڈیزل میں تبدیل کرسکتا ہے۔ اب نیا فیول بائیو فیول ہی ہے۔

 

[الف نظامی]

11 ستمبر 2017
حکومت 4 سال سے زائد عرصہ گزارنے کے باوجود بھی انرجی مکس میں ہائیڈل کا حصہ بہتر نہ کرسکی۔
ہائیڈل سے بجلی کی پیدوار میں گزشتہ سال کی نسبت 5.13فیصد کمی ہوئی ہے، ڈیزل سے بجلی کی پیدوار میں ایک سال کے دوران 2 فیصد سے زائد کا اضافہ ہواہے۔ ذرائع کے مطابق ملک میں بجلی کی پیدوار کیلیے مہنگے وسائل پر انحصار جاری ہے جبکہ پانی سے بجلی کی پیدوارمیں کمی کا رجحان جاری ہے۔

ذرائع کے مطابق ایک سال کے دوران آبی وسائل سے بجلی کی پیدوار35.92 فیصد سے کم ہو کر 30.37فیصد ہو گئی ہے۔ گزشتہ سال کے نسبت اس سال بجلی کی پیدوار کم ہو کر 3847 میگاوا ٹ رہی۔ ذرائع کے مطابق ایک سال کے دوران ڈیزل سے بجلی کی پیدوار میں 2.09 فیصد کا اضافہ ہو ا ہے۔ گزشتہ سال ڈیزل سے بجلی کی پیدوار .60فیصد تک محدود تھی تاہم اس سال اس میں اضافہ ہواہے۔

 

[الف نظامی]

 

[الف نظامی]

August 30, 2019
وزیراعظم کو نئی قابل تجدید توانائی پالیسی کے مسودہ پر بریفنگ دیتے ہوئے بتایا گیا ہے کہ اس وقت انرجی مکس میں قابل تجدید توانائی کا حصہ چھ فیصد ہے، نئی پالیسی کے تحت 2025ءمیں یہ حصہ 20 فیصد تک کیا جائے گا۔

Nov 13, 2019
حکومت نے انرجی مکس میں متبادل ذرائع کا حصہ بڑھانے کیلئے ونڈ پاور کے 11 منصوبوں پر دستخط کئے ہیں۔ صوبہ سندھ میں ہوا سے بجلی پیدا کرنے کے 11 منصوبوں کی تعمیر کیلئے عملدرآمدی معاہدوں پر دستخط کر دیئے گئے ہیں۔ معاہدوں پر متبادل توانائی ترقیاتی بورڈ (اے ای ڈی بی) کے سی ای او ڈاکٹر رانا عبدالجبار اور متعلقہ کمپنیوں کے نمائندوں نے دستخط کئے۔

 

[الف نظامی]

March 17, 2020
حکومت نے 2030ء تک 70 فیصد بجلی قابل تجدید ذرائع سے پیداکرنے کی حکمت عملی پر عمل شروع کر دیا ہے۔ پاور ڈویژن کے ذرائع کے مطابق اس وقت قابل تجدید توانائی کا مجموعی انرجی مکس میں حصہ 2500 میگاواٹ ہے جسے 2025ء تک 8 ہزار میگاواٹ اور 2030ء تک 20 ہزارمیگاوٹ تک بڑھایا جائے گا جبکہ اگلے 10 سالوں میں پن بجلی سمیت انرجی مکس میں قابل تجدید توانائی کو بڑھا کر 65 سے 70 فیصد تک کردیا جائے گا۔

 

[الف نظامی]

August 15, 2020
وزیراعظم کی ہدایت پر حکومت 2030ءتک قابل تجدید ذرائع سے بجلی کی پیداوار میں اضافہ کے لئے انرجی مکس کو 20 تا 25 فیصد تک بڑھائے گی تاکہ سستی بجلی کا حصول ممکن ہو سکے۔ انہوں نے کہا کہ ماضی میں اس پر کام ہی نہیں کیا گیا اور قابل تجدید ذرائع سے حاصل ہونے والی بجلی کی پیداوار 1500 تا 2000 میگاواٹ تھی لیکن اب 10 سے 12 مزید منصوبوں پر تیزی سے کام جاری ہے اور سستی بجلی کی پیداوار کے فروغ سے بجلی کی قیمتوں میں نمایاں کمی واقع ہو گی۔

 

[الف نظامی]

August 19, 2020
پچھلے 20، 30 سال میں ملک کا انرجی مکس سابقہ حکومتوں کی غلط پالیسیوں کی وجہ سے تبدیل ہو گیا تھا اور 70 فیصد بجلی درآمدی ایندھن سے بنائی جا رہی تھی ۔ ہم متبادل توانائی کے ذرائع پر خصوصی توجہ دے رہے ہیں۔ توانائی کے مقامی وسائل کو بروئے کا رلا رہے ہیں۔ متبادل توانائی کے ذرائع سے عوام کو سستی بجلی فراہم ہو گی اور 2030ءتک قابل تجدید توانائی ، پن بجلی ، تھر کول ، نیوکلیئر پراجیکٹس اور دیگر ملکی وسائل سے 70 سے 75 فیصد بجلی بنائیں گے۔

 

[الف نظامی]

December 21, 2023
Caretaker Minister for Power Muhammad Ali on Wednesday said the government is working on a plan to enhance the share of hydel and renewable energy (RE) in the total energy mix to 61 percent by 2030 from the existing 31 per cent
---
اس وقت انرجی مکس میں ہائیڈل اور قابل تجدید توانائی کا حصہ 31 فیصد ہے اور حکومت نے 2030 تک اسے بڑھاکر 61 فیصد کرنے کا منصوبہ بنایا ہے .​