ٹوٹے دل کی رام کہانی مت پوچھو - عزیز نبیل

[شمشاد]

ٹوٹے دل کی رام کہانی مت پوچھو
کون تھا راجہ کون تھی رانی مت پوچھو

تنہا تنہا چپکے چپکے روئے ہیں
پتھّر سے کب پھوٹا پانی مت پوچھو

جب تک چاہو تم بھی ڈیرا ڈال رہو
نام پتہ اور کوئی نشانی مت پوچھو

لہجے کی تاثیر کا یارو کیا کہنا
لفظوں کی بدمست روانی مت پوچھو

سارا کلیجہ کٹ جائیگا یار نبیل
عہدِ جنوں کی بات پرانی مت پوچھو
(عزیز نبیل)

 

[عاطف بٹ]

واہ، بہت عمدہ انتخاب ہے۔

 

[عبد الرحمن]

واہ! کیا کہنے آپ کے شمشاد بھائی!

 

[x boy]

شمشاد بھائی بہت بڑیا، بہت اعلی
ایک سوال؟
چند مہینوں سے آپ ماشاء اللہ کچھ بدلے بدلے لگ رہے ہیں۔

 

[شمشاد]

شمشاد بھائی بہت بڑیا، بہت اعلی
ایک سوال؟
چند مہینوں سے آپ ماشاء اللہ کچھ بدلے بدلے لگ رہے ہیں۔

برادر پہلے ناظم اعلیٰ تھا، اب صرف لائبریرین ہوں۔
پہلے بہت زیادہ مراسلے پڑھنے پڑھتے تھے جو کہ اب نہیں پڑھنے پڑھتے اس لیے شاعری ڈھونڈنے اور پوسٹ کرنے کے لیے وقت مل جاتا ہے۔

 

[عمر سیف]

واہ بہت خوب