1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $420.00
    اعلان ختم کریں
  2. اردو محفل سالگرہ چہاردہم

    اردو محفل کی یوم تاسیس کی چودہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

وہم و گمان میں نہ سہی پر نظر میں ہے ٭ راحیلؔ فاروق

محمد عدنان اکبری نقیبی نے 'پسندیدہ کلام' کی ذیل میں اس موضوع کا آغاز کیا، ‏جولائی 8, 2019

  1. محمد عدنان اکبری نقیبی

    محمد عدنان اکبری نقیبی محفلین

    مراسلے:
    16,879
    جھنڈا:
    Pakistan
    موڈ:
    Cheerful
    وہم و گمان میں نہ سہی پر نظر میں ہے
    مہمان سے مکر نہیں سکتے کہ گھر میں ہے

    کچھ ماورائے بحر و بر ان بحر و بر میں ہے
    کچھ ہے جو خشک و تر نہیں اور خشک و تر میں ہے

    آتا نہیں وہ رنگ جو خونِ جگر میں ہے
    بنتی نہیں وہ بات جو آہِ سحر میں ہے

    جانے سفر میں ہم ہیں کہ منزل سفر میں ہے
    کس کو خبر کہ قافلہ کس رہگزر میں ہے

    تیری ہی آب و تاب متاعِ ہنر میں ہے
    جس قطرے میں ہے بحر وہ قطرہ گہر میں ہے

    جو دور ہے سو آنکھ اٹھانے کی دیر تک
    طاقت مری نظر کی مرے بال و پر میں ہے

    سر پھوڑتا ہوں کس سے یہ اب کیا بتاؤں میں
    دیوار و در نہیں ہے جو دیوار و در میں ہے

    مردوں کو پردہ ہائے عناصر نصیب ہوں
    زندوں کی کائنات ضمیرِ بشر میں ہے

    سودا کہیں اسے کہ سراپا کہیں اسے
    سودائیوں کے سامنے وہ ہے جو سر میں ہے

    مشہور یوں ہوا ہوں کہ مشہور میں نہیں
    گمنامیوں کا شہرہ ہے اور شہر بھر میں ہے

    شیطان کا گیا نہ خدا ہی کا کچھ گیا
    سب خاک و خون معرکۂِ خیر و شر میں ہے

    وہ ہم سے ہو گئے متاثر ہیں جن سے ہم
    آسیب کا اثر ہے اور آسیب اثر میں ہے

    راحیلؔ دل پہ ہاتھ ذرا رکھ کے دیکھنا
    بالک بغل میں اور ڈھنڈورا نگر میں ہے

    راحیلؔ فاروق​
     
    • پسندیدہ پسندیدہ × 2
  2. جاسمن

    جاسمن مدیر

    مراسلے:
    11,672
    جھنڈا:
    Pakistan
    موڈ:
    Fine
    واہ واہ۔
     
    • پسندیدہ پسندیدہ × 1

اس صفحے کی تشہیر