محب علوی
مدیر
قیصرانی نے کہا:
میں نے جن پوائنٹس پر بات کی ان کا تو کوئی جواب ہی نہیں دیا ۔ ڈیٹا کیسے ضائع ہو جائے گا ؟ صرف لائبریری ٹیم قطع و برید کرسکتی ہے اور وہ سب اس کام کو اچھی طرح جانتے ہیں ، اب تک کوئی ایسا کیس سامنے نہیں آیا جب ڈیٹا ضائع ہوا ہو ، دوسرا بیک اپ بھی تو ہے اگر بالفرض کبھی ڈیٹا ضائع ہوجائے تو وہاں سے لایا جاسکتا ہے ویسے تو ڈیٹا کا ضائع ہونا قطع و برید کے ذریعہ قریب قریب محال ہے کیونکہ ہم پروف ریڈنگ تو وکی پر ہی کر رہے ہیں ، لائبریری میں تو صرف کتابیں لکھی جائیں گی۔
اب یہ سوال کہ میں کیوں کہہ رہا ہوں کہ لائبریری میں لکھی جائیں کتابیں اور پھر منتقل کی جائیں وہاں سے وکی۔ بار بار جس نکتہ کو نظر انداز کیا جارہا ہے وہ ہے
کام کی آسانی ، وکی میں کام کرنا اتنا سہل نہیں ہے اور سمجھ کر کیا بھی جائے تب بھی وہ لطف نہیں آتا جو لائبریری میں آتا ہے ، لکھنے والے کی آسانی کو مد نظر رکھنا سب سے زیادہ اہم ہے اگر لکھنے والے کو ہی مشکل ہو تو اس سارے عمل کا مقصد ہی فوت ہو جاتا ہے ۔ اعجاز صاحب کا پیغام تو نظر سے گزرا ہی ہوگا اور میں یقینی طور پر کہہ سکتا ہوں کہ اس وقت وکی پر کام کرنے کے لیے بہت کم لوگ آمادہ ہوں گے۔ میں بذات خود بھی کوئی کتاب وکی پر لکھنے میں سہولت محسوس نہیں کرتا تو اوروں کو اس پر قائل کیسے کر سکتا ہوں جب کہ فارمیٹنگ اور رنگوں کے مسائل بالکل واضح ہیں۔
اس پر رائے زنی کروا لی جائے تو زیادہ بہتر ہے ، اگر اکثریت کو سہولت محسوس ہو تو میں اکثریت کے ساتھ ہوں۔
