وقت کے رخ کو بدلنا ہوگا! کرم حیدری

[الف نظامی]

ہم کہ اوروں کی مسیحائی کیا کرتے تھے
سرجھکائے ہوئے بیتھے رہے بیماروں میں

غم کے ماروں میں ، دل افگاروں میں​

جن تمناوں کو پالا تھا بڑی چاہ کے ساتھ
روتی پھرتی رہیں سرکھول کے بازاروں میں

دشمنوں اور ستم گاروں میں​

ان تمناوں کا پھر کون نگہباں ہوگا
گھرگئے خود جو ہمیں خوف کی دیواروں میں

دب گئے درد کے انباروں میں​

ہاں مگرہم کو ہے طوفانوں سے لڑنا خود ہی
خود ہی ہر سیل حوادث سے میں سنبھلنا ہوگا

وقت کے رخ کو بدلنا ہوگا​

عصر حاضر میں بہت سخت ہے پیکارِ حیات
ہم کوحالات کی بھٹی میں پگھلنا ہوگا

اور فولاد میں ڈھلنا ہوگا​

از کرم حیدری​

 

[الف نظامی]

پاکستان ہماری امیدوں کا مرکز ہے اور اس کی محبت ہماری رگوں میں دوڑ رہی ہے 1947 سے ہم اس کے ساتھ الحاق کے لیے تڑپ رہے ہیں ، قربانیاں دے رہے ہیں۔سید علی گیلانی