وفا کی راہ چلیں گے ، سکوں لٹانے دے ۔۔۔۔برائے اصلاح تنقید تبصرہ

[حنیف خالد]

غزل​

وفا کی راہ چلیں گے ، سکوں لٹانے دے​

کڑا سفر ہے مجھے دل کو آزمانے دے​

جدید دور کے فتنے سمجھ سے باہر ہیں​

میں دقیانوس ہوں مجھ کو ہنر پرانے دے​

وہی رفیق ہے دل کا جو ساتھ چلتا ہے​

جو ہاتھ چھوڑ کے جائے تو اس کو جانے دے​

تمہاری ذات کا پہچاننا بھی لازم ہے​

مگر میں کون ہوں، پہلے یہ راز پانے دے​

مجھے خبر ہے تمہیں دیر ہو رہی ہے بہت​

بس اتنا ٹھہر کہ یہ سانس ٹوٹ جانے دے۔​

خالدؔ​

 

[الف عین]

اچھی غزل ہے، فنی سقم تو کچھ نہیں سوائے اس کے کہ ’دقیانوس‘ میں الف کا اسقاط برا محسوس ہو رہا ہے

 

[محمد خلیل الرحمٰن]

خوبصورت غزل حنیف خالد بھائی بہت داد قبول کیجیے۔
ساتھ ہی محفل میں خوش آمدید

 

[حنیف خالد]

بہت بہت شکریہ جناب کا۔۔ آپ کی حوصلہ افزائی یقینا بہت کار آمد ثابت ہو گی۔۔

 

[شوکت پرویز]

مجھے خبر ہے تمہیں دیر ہو رہی ہے بہت​

بس اتنا ٹھہر کہ یہ سانس ٹوٹ جانے دے۔​

زبردست۔۔

 

[حنیف خالد]

بہت بہت شکریہ شوکت بھائی

 

[محمد خلیل الرحمٰن]

حنیف خالد بھائی!

مزید کلام عطا فرمائیے۔ہم منتظر ہیں

 

[محمد اسامہ سَرسَری]

غزل​

وفا کی راہ چلیں گے ، سکوں لٹانے دے​

کڑا سفر ہے مجھے دل کو آزمانے دے​

جدید دور کے فتنے سمجھ سے باہر ہیں​

میں دقیانوس ہوں مجھ کو ہنر پرانے دے​

وہی رفیق ہے دل کا جو ساتھ چلتا ہے​

جو ہاتھ چھوڑ کے جائے تو اس کو جانے دے​

تمہاری ذات کا پہچاننا بھی لازم ہے​

مگر میں کون ہوں، پہلے یہ راز پانے دے​

مجھے خبر ہے تمہیں دیر ہو رہی ہے بہت​

بس اتنا ٹھہر کہ یہ سانس ٹوٹ جانے دے۔​

خالدؔ​

بہت خوب لکھا ہے محترم حنیف خالد صاحب!
محفل پر خوش آمدید!

 

[حنیف خالد]

مزید کلام بہت جلد انشاءاللہ۔

 

[نہ ساحل نہ سمندر]

بہت عدہ