وادی سوات کی مہوڈنڈ جھیل میں چند لمحے

[فرقان احمد]

بہت خوب صورت تصاویر ہیں بھئی، شراکت کا شکریہ۔ یہاں چند ارب روپے (ڈھنگ سے) لگائے جائیں تو یقینی طور پر کھربوں روپے کمائے جا سکتے ہیں۔ سیاح اس سے کہیں زیادہ بڑی تعداد میں اِس طرف اُمڈ آئیں تاہم حکومت کی توجہ اک ذرا کم ہے۔ پاکستان میں سیاحت کو صحیح معنوں میں صنعت کا درجہ دیا ہی نہیں گیا۔ سیکورٹی کی صورت حال کے باعث سیاح بھی پاکستان کا رُخ کم ہی کرتے ہیں۔ بعض علاقوں میں بنیادی انفراسٹرکچر بھی موجود نہیں۔ جس قدر خوب صورت خطہ ہے، اسی قدر بدانتظامی ہے۔

 

[ابن توقیر]

مہوڈنڈ جھیل کو جاتے دشوارگزار راستے پر ہمیں ایک جانب روڈ کے شہزادے بھی کھڑے نظر آئے۔

 

[ابن توقیر]

ہم کولڈ ڈرنکس کے مکمل طور پر مخالف ہیں،جبکہ ہمیں ان میں سے کسی نے سپانسر بھی نہیں کیا پھر بھی اس قدرتی فریج کی تصویر شیئر کیے بنا نہیں رہ سکے۔

 

[ابن توقیر]

مزید آگے نکلے تو ڈرائیور نے ایک آبشار کے پاس گاڑی روک دی۔کہنے لگا یہاں بھی کچھ تصاویر بنالیں،لہذا ہم ان کی بات ٹال نہ سکے۔

 

[ابن توقیر]

اس احساس کو کیسے بھلایا جائے کہ اُوشو اور مہوڈنڈ جھیل کے درمیان ایک آبشار میں ہمارے نام کا پتھر آرام فرما ہے۔

 

[ابن توقیر]

کھلا آسمان،بادلوں کا ساتھ،اونچے پہاڑ،درختوں کا سایہ،چشمے کا بہتا پانی اور ہم۔

 

[فرقان احمد]

اور ہم

یہ 'ہم' کون؟ اور کہاں ہیں اِس تصویر میں؟

 

[ابن توقیر]

ان تصاویر میں ہمارے لیے دلچسپی کچھ اور ہی تھی مگر مقامی لوگ اسے ’’چشمہ شفاء‘‘ کہہ رہے تھے۔ڈرائیور سے اس بابت جب سوال کیا تو اس نے ’’قصہ کہانی‘‘ سناناچاہا مگر ہم اردگرد کے منظر میں اس طرح گم تھے کہ اس قصے پر دھیان نہیں دے سکے۔

 

[ابن توقیر]

یہ 'ہم' کون؟ اور کہاں ہیں اِس تصویر میں؟

یہ ’’ہم‘‘ بند آنکھوں سے نظر آتے ہیں۔سمائلس

 

[ابن توقیر]

ہم حسین مناظر میں گم آگے بڑھتے رہے تب ڈرائیور جی نے ایک نیا شوشہ چھوڑ دیا۔کہنے لگے اگر ایک ’’نوٹ‘‘ مزید دیں تو وہ ہمیں جھیل مہوڈنڈ سے آگے ایک اور جھیل پر بھی لے جائے گا جس کا فاصلہ مہوڈنڈ سے مزید آدھے گھنٹے کا تھا۔

 

[فرقان احمد]

یہ ’’ہم‘‘ بند آنکھوں سے نظر آتے ہیں۔سمائلس

یعنی کہ آپ سپنوں میں ہی نظر آ سکتے ہیں۔

 

[ابن توقیر]

ہم مزید ایک نوٹ دینے پر قائل ہوئے ہی تھے کہ ڈرائیور جی نے ایک اور ’’شُرلی‘‘ چھوڑ دی کہ وہ جو پہاڑ نظر آرہا ہے وہ ’’کے ٹو‘‘ ہے۔اس ’’سنگین‘‘ معاملے میں ہماری معلومات صفر تھیں اس لیے ہمیں سمجھ ہی نہیں آئی کے اس بات پر ’’ھاسا‘‘ نکالیں یا اس منظر سے لطف اندوز ہوں۔

 

[ابن توقیر]

یہ مت سمجھیے گا کہ ہم اپنے کاروبار کی وجہ سے بولان کی تشہیر کررہے ہیں بلکہ اس تصویر کا مقصد پانی میں کھڑی گاڑی کے ڈرائیور جی پر غصہ کرنا تھا،جن کی گاڑی گرم ہوگئی تھی جس کی سزا وہ راستہ روک کرہمیں دے رہے تھے۔

 

[ابن توقیر]

ابھی ہم مہوڈنڈ جھیل کے نزدیک ہی پہنچے تھے کہ ڈرائیور نے ان تین حضرات کے قریب گاڑی روک کر ’’کوہستانی‘‘ زبان میں کچھ سوال جواب کیے۔جب ہم نے ڈرائیور سے معاملے کا پوچھا تو اس نے بتایا کے عید کے دوسرے یا تیسرے روز چند بدنصیب سیاحوں کی کشتی انجن بند ہوجانے کی وجہ سے الٹ گئی تھی۔ان میں سے دو کے جسم مل گئے تھے جب کہ ایک کی تلاش ابھی تک جاری تھی۔ہمارے لیے فضاسوگوار ہوگئی تھی۔

 

[فرقان احمد]

یہ مت سمجھیے گا کہ ہم اپنے کاروبار کی وجہ سے بولان کی تشہیر کررہے ہیں بلکہ اس تصویر کا مقصد پانی میں کھڑی گاڑی کے ڈرائیور جی پر غصہ کرنا تھا،جن کی گاڑی گرم ہوگئی تھی جس کی سزا وہ راستہ روک کرہمیں دے رہے تھے۔

یہاں بھی 'ایشل'

 

[سید عمران]

ہم مزید ایک نوٹ دینے پر قائل ہوئے ہی تھے کہ ڈرائیور جی نے ایک اور ’’شُرلی‘‘ چھوڑ دی کہ وہ جو پہاڑ نظر آرہا ہے وہ ’’کے ٹو‘‘ ہے۔اس ’’سنگین‘‘ معاملے میں ہماری معلومات صفر تھیں اس لیے ہمیں سمجھ ہی نہیں آئی کے اس بات پر ’’ھاسا‘‘ نکالیں یا اس منظر سے لطف اندوز ہوں۔

یہ پہاڑ فلک سیر ہے...

 

[ابن توقیر]

یہاں بھی 'ایشل'

جی لیکن آخری ’’این‘‘ کے بعد ’’یو،ایم‘‘ کا اضافہ نہیں ہے۔سمائلس

 

[سید عمران]

یہاں بھی 'ایشل'

اور گاڑی کا نمبر بھی نامناسب سا ہے...

 

[ابن توقیر]

ایک نوٹ کے اضافے کے بعد ڈرائیور ہمیں مہوڈنڈ سے اگلی جھیل لے جانے کے لیے تیار ہوگیا۔اس جھیل کا نام ڈرائیور نے ’’جھیل سیف اللہ‘‘ بتایا۔ڈرائیور نے یہ بھی کہا کے ابھی تپتی دوپہر ہے تو مہوڈنڈ پر رُکے بغیر پہلے جھیل سیف اللہ چلتے ہیں،وہاں بہت زیادہ ٹھنڈ ’’ہوگی‘‘،وہاں سے واپسی پر مہوڈنڈ آئیں گے۔اس طرح موسم ہمارے لیے قابلِ برداشت رہے گا۔

 

[ابن توقیر]

ہم نے نقشے میں جھیل سیف اللہ تلاشنے کی کوشش کی مگر ہمیں کامیابی نہیں ملی۔