نیا کھیل شعر مکمل کریں

[امین شارق]

ایک نیا گیم شروع کررہا ہوں اگر اچھا لگے تو جاری رکھیئے گا کسی شعر کا مصرعہ لکھنا ہے شعر پورا کریں اورکسی اور شعر کا مصرعہ لکھدے پھر دوسرے احباب اسے مکمل کریں
میری طرف سے یہ مصرعہ ہے

آئے ہو وقتِ صبح رہے رات بھر کہاں

 

[سید عمران]

ہے جستجو کہ خوب سے ہے خوب تر کہاں
اب ٹھہرتی ہے دیکھیے جا کر نظر کہاں

ہیں دور جام اول شب میں خودی سے دور
ہوتی ہے آج دیکھیے ہم کو سحر کہاں

یا رب اس اختلاط کا انجام ہو بخیر
تھا اس کو ہم سے ربط مگر اس قدر کہاں

اک عمر چاہیئے کہ گوارا ہو نیش عشق
رکھی ہے آج لذت زخم جگر کہاں

بس ہو چکا بیاں کسل و رنج راہ کا
خط کا مرے جواب ہے اے نامہ بر کہاں

کون و مکاں سے ہے دل وحشی کنارہ گیر
اس خانماں خراب نے ڈھونڈا ہے گھر کہاں

ہم جس پہ مر رہے ہیں وہ ہے بات ہی کچھ اور
عالم میں تجھ سے لاکھ سہی تو مگر کہاں

ہوتی نہیں قبول دعا ترک عشق کی
دل چاہتا نہ ہو تو زباں میں اثر کہاں

حالیؔ نشاط نغمہ و مے ڈھونڈھتے ہو اب
آئے ہو وقتِ صبح رہے رات بھر کہاں

​

 

[سید عمران]

تم کو کرنا پڑے گا عذر جفا

 

[امین شارق]

ہے جستجو کہ خوب سے ہے خوب تر کہاں
اب ٹھہرتی ہے دیکھیے جا کر نظر کہاں

ہیں دور جام اول شب میں خودی سے دور
ہوتی ہے آج دیکھیے ہم کو سحر کہاں

یا رب اس اختلاط کا انجام ہو بخیر
تھا اس کو ہم سے ربط مگر اس قدر کہاں

اک عمر چاہیئے کہ گوارا ہو نیش عشق
رکھی ہے آج لذت زخم جگر کہاں

بس ہو چکا بیاں کسل و رنج راہ کا
خط کا مرے جواب ہے اے نامہ بر کہاں

کون و مکاں سے ہے دل وحشی کنارہ گیر
اس خانماں خراب نے ڈھونڈا ہے گھر کہاں

ہم جس پہ مر رہے ہیں وہ ہے بات ہی کچھ اور
عالم میں تجھ سے لاکھ سہی تو مگر کہاں

ہوتی نہیں قبول دعا ترک عشق کی
دل چاہتا نہ ہو تو زباں میں اثر کہاں

حالیؔ نشاط نغمہ و مے ڈھونڈھتے ہو اب
آئے ہو وقتِ صبح رہے رات بھر کہاں

کوئی نیا مصرعہ تو لکھئے جناب

 

[امین شارق]

تم کو کرنا پڑے گا عذر جفا

جان بچتی نظر نہیں آتی
غیر الفت بہت جتانے لگے

تم کو کرنا پڑے گا عذر جفا
ہم اگر درد دل سنانے لگے

سخت مشکل ہے شیوۂ تسلیم
ہم بھی آخر کو جی چرانے لگے

 

[امین شارق]

ہاں کھائیوں مت فریب ِہستی

 

[سیما علی]

ہاں کھائیو مت فریب ہستی
ہر چند کہیں کہ ہے، نہیں ہے

ہستی کے مت فریب میں آ جائیو اسد
عالم تمام حلقۂ دام خیال ہے

 

[عطاء اللہ جیلانی]

‏راستہ سوچتے رہنے سے کدھر بنتا ہے

 

[امین شارق]

ہاں کھائیو مت فریب ہستی
ہر چند کہیں کہ ہے، نہیں ہے

ہستی کے مت فریب میں آ جائیو اسد
عالم تمام حلقۂ دام خیال ہے

سیما علی اگلا مصرعہ آپنے دینا تھا

 

[سید عمران]

سیما علی اگلا مصرعہ آپنے دینا تھا

کیوں؟؟؟
کوئی اور کیوں نہیں دے سکتا؟؟؟

 

[سیما علی]

سوال وصل پر ان کو عدو کا خوف ہے اتنا

 

[عطاء اللہ جیلانی]

سوال وصل پر ان کو عدو کا خوف ہے اتنا

سوال وصل پر ان کو عدو کا خوف ہے اتنا
دبے ہونٹوں سے دیتے ہیں جواب آہستہ آہستہ

 

[سیما علی]

‏راستہ سوچتے رہنے سے کدھر بنتا ہے

راستہ سوچتے رہنے سے کدھر بنتا ہے
سر میں سودا ہو تو دیوار میں در بنتا ہے

آگ ہی آگ ہو سینے میں تو کیا پھول جھڑیں
شعلہ ہوتی ہے زباں لفظ شرر بنتا ہے

زندگی سوچ عذابوں میں گزاری ہے میاں
ایک دن میں کہاں انداز نظر بنتا ہے

 

[سیما علی]

اڑ گئی یوں وفا زمانے سے

 

[امین شارق]

کیوں؟؟؟
کوئی اور کیوں نہیں دے سکتا؟؟؟

کھیل کا اصول یہ ہے کہ جو شعر مکمل کرے اگلا مصرعہ وہ ہی دے کوئی سا بھی ہو چاہے آسان ہو

 

[عطاء اللہ جیلانی]

اڑ گئی یوں وفا زمانے سے

اڑ گئی یوں وفا زمانے سے
کبھی گویا کسی میں تھی ہی نہیں

 

[سیما علی]

اڑ گئی یوں وفا زمانے سے
کبھی گویا کسی میں تھی ہی نہیں

مصرعہ دیں؟

 

[عطاء اللہ جیلانی]

ہم ہیں بے فیض ادیبوں کے ادھورے مصرعے

 

[سیما علی]

ہم ہیں بے فیض ادیبوں کے ادھورے مصرعے

ہم ہیں بے فیض ادیبوں کے ادھورے مصرعے
اور تو میر کے دیوان سا چھایا ہوا۔۔۔۔۔شخص

 

[سیما علی]

جان کیا دوں کہ جانتا ہوں میں