نعتِ رسولَ مقبول

نویدظفرکیانی نے 'حمد، نعت، مدحت و منقبت' کی ذیل میں اس موضوع کا آغاز کیا، ‏اپریل 9, 2017

  1. نویدظفرکیانی

    نویدظفرکیانی محفلین

    مراسلے:
    203
    جھنڈا:
    Pakistan
    موڈ:
    Breezy
    حیات کچھ نہیں جو اُنﷺ کے ہم نہیں ہوئے تو
    سفر عبث ہیں جو سوئے حرم نہیں ہوئے تو
    زمانے اپنی ہی نظروں سے گرتے جائیں گے
    اگر بلند نبیﷺ کے علم نہیں ہوئے تو
    یقین کر لو کہ ہم تم بھٹک گئے ہیں کہیں
    دیارِ پاک کی جانب قدم نہیں ہوئے تو
    وہیﷺ نکالیں تو نکلیں گے بحرِ عصیاں سے
    وجودیت کے خسارے عدم نہیں ہوئے تو
    عمل کا کوئی دیا حشر میں نہ لو دے گا
    ہمارے ساتھ جو خیر الامم ﷺنہیں ہوئے تو
    حوالہ اُنﷺ کا میسر ہے تو کسے پرواہ
    نگاہِ دہر میں ہم محترم نہیں ہوئے تو
    عمل نے جامہءسنت درست پہنا نہیں
    اگر فقیری میں رنگِ حشم نہیں ہوئے تو
    دکانِ وقت سے کیا سرخوشی خریدیں گے
    کرم کے سکے ہی ہم کو بہم نہیں ہوئے تو
    ہم اُن کو نعت کی مسجد میں کیسے آنے دیں
    جو شعر خونِ جگر سے رقم نہیں ہوئے تو
    نویدظفرکیانی
     
    • پسندیدہ پسندیدہ × 1

اس صفحے کی تشہیر