1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

رئیس امروہوی نظم : وقت - رئیس امروہوی

فرحان محمد خان نے 'پسندیدہ کلام' کی ذیل میں اس موضوع کا آغاز کیا، ‏نومبر 3, 2018

  1. فرحان محمد خان

    فرحان محمد خان محفلین

    مراسلے:
    2,095
    جھنڈا:
    Pakistan
    موڈ:
    Cheeky
    وقت
    دیکھ تو وقت کی عظمتِ باقیہ !
    ساقیا ساقیا ساقیا ساقیا !
    وقت کیا ؟ اک یمِ بے حد و بے کراں!
    جاوداں جاوداں جاوداں جاوداں
    وقت فی الحال و فی عہد اسلافیا
    لافنا لافنا لافنا لافنا
    وقت امرِ ابد وقت اصلِ ازل
    لَم یزل لَم یزل لَم یزل لَم یزل
    وقت کیا ؟ وقت ہے تیز دو گرم رو
    نو بہ نو ، نو بہ نو، نو بہ نو ، نو بہ نو
    وقت کیا کوئی جس کی تحدی نہ حد
    لاعدد لاعدد لاعدد لاعدد

    وقت بے نام و بے نوبت و بے جہت
    وقت بے شرح و بے شارح و بے صفت
    وقت کی انتہا وقت کی ابتدا
    وقت لا ابتدا وقت لا انتہا
    وقت بے شکل و بے منظر و بے نشاں
    وقت بے ظرف و بے صورت و بے مکاں
    وقت میں این و آں وقت میں اب نہ جب
    وقت بے طالب و مطلب و بے طلب
    خود کفیل و خود افروز و خود مکتفی
    وقت کیا ؟ وقت صرف ایک سّرِ حفی
    وقت ہی غرب ہے وقت ہی شرق ہے
    وقت خود قلزمِ وقت میں غرق ہے
    وقت اک رُوحِ باقی و جاوید ہے
    وقت اک حُسن پیدا و ناپید ہے

    وقت اک قرن اک سال اک دن نہیں
    وقت کی کوئی تشریح ممکن نہیں

    زندگی صید ہے وقت صیاد ہے
    وقت کی قید سے کون آزاد ہے ؟
    حدِ شام و قیودِ سحر سے بَری
    وقت ہے کہنہ و تازہ تر سے بَری
    وقت پیمانۂ گردشِ مہر و مہ
    وقت کیا جلوۂ کائنات آفریں
    کائنات اور کیا ہے ؟ اگر یہ نہیں
    وقت میں انحطاط اور نہ کچھ ارتقا
    وقت کا حادثہ ہے فنا و بقا
    وقت کیا قلزمِ راز کی لہر ہے
    وقت والعصر ہے وقت الدہر ہے
    کون سمجھے بھلا عالمِ کیف و کم
    وقت کے راز ہائے حدوث و قدم
    یہ حقیقت ہے اک محکم و ثابتہ
    وقت حادث سہی پر نہیں حادثہ

    لیکن اس بحث میں ایک "لیکن" بھی ہے
    وقت حادث بھی ہے وقت ممکن بھی ہے
    یہ وسیلہ ہے ادراک و احساس کا
    اس سے عرفان اشیا و انفاس کا
    عالمِ وقت کا کوئی محرم نہیں
    وقت کے ماسوا کوئی عالم نہیں
    قرن و عشر و صدی و مہ و سال کیا ؟
    وقت ہی وقت ہے ماضی و حال کیا ؟
    امتیازو جود و عدم وقت سے
    ہم جو اپنے کو کہتے ہیں ہم وقت سے

    دہر میں کس کو جراَت ہے تحقیق کی ؟
    وقت کنجی ہے اسرارِ تخلیق کی
    رئیس امروہوی
     
    آخری تدوین: ‏نومبر 3, 2018
    • پسندیدہ پسندیدہ × 1
    • زبردست زبردست × 1
  2. فرحان محمد خان

    فرحان محمد خان محفلین

    مراسلے:
    2,095
    جھنڈا:
    Pakistan
    موڈ:
    Cheeky
    • دوستانہ دوستانہ × 1
  3. محمداحمد

    محمداحمد لائبریرین

    مراسلے:
    21,762
    جھنڈا:
    Pakistan
    موڈ:
    Depressed
    خوبصورت نظم !

    دلکش تکرار!!!
     
    • دوستانہ دوستانہ × 1

اس صفحے کی تشہیر