نامِ حضرتﷺ ہے مجھے حفظ و اماں کا تعویذ - مولانا کفایت علی کافی مراد آبادی (شہید)

[الف نظامی]

کیا کروں لے کر فقیرانِ جہاں کا تعویذ
نامِ حضرتﷺ ہے مجھے حفظ و اماں کا تعویذ

سچ تو یہ ہے کہ زباں بندیء اعدا کے لیے
ہوگیا وصفِ نبی ﷺ میری زباں کا تعویذ

بہرِ رفع مرض و زحمت و رنج و کُلفت
ڈھونڈتے پھرتے ہیں وہ لوگ کہاں کا تعویذ

تم پڑھو صاحبِ لولاک ﷺ پہ کثرت سے درود
ہے عجب دردِ نہاں اور اماں کا تعویذ

بخدا ہم کو بجُز وردِ درود و صلوات
کوئی کافی نہ ملا راحتِ جاں کا تعویذ​