احمد راہی میں دل زدہ ہوں اگر دل فگار وہ بھی ہیں

[حبیب صادق]

میں دل زدہ ہوں اگر دل فگار وہ بھی ہیں
کہ درد عشق کے اب دعویدار وہ بھی ہیں

ہوا ہے جن کے کرم سے دل و نظر کا زیاں
بہ فیض وقت مرے غم گسار وہ بھی ہیں

شہید جذبوں کی فہرست کیا مرتب ہو
شمار میں جو نہیں بے شمار وہ بھی ہیں

دل تباہ! یہ آثار ہیں قیامت کے
رہین گردش لیل و نہار وہ بھی ہیں

حریم حسن کی تزئین تھے جو پیکر ناز
بہ حال زار سر رہ گزار وہ بھی ہیں

وہ جن سے عام ہوئی داستان عہد جنوں
ترے گنہ دل ناکردہ کار وہ بھی ہیں
احمد راہی​