میں جب بھی فون کرتا ہوں ، وہی انگیج ٹوں ٹوں ٹوں- نوید ظفر کیانی

شمشاد نے 'مزاحیہ شاعری' کی ذیل میں اس موضوع کا آغاز کیا، ‏ستمبر 6, 2020

  1. شمشاد

    شمشاد لائبریرین

    مراسلے:
    209,450
    جھنڈا:
    Pakistan
    موڈ:
    Relaxed
    میں جب بھی فون کرتا ہوں ، وہی انگیج ٹوں ٹوں ٹوں
    رقیب روسیاہ سے اور گھنٹوں بات ،کیوں کیوں کیوں

    جہاں میں ساتھ ہی آئے مگر تقدیر کیا لائے
    وہی ہیں آپ چھم چھم چھم وہی ہم لوگ کھوں کھوں کھوں

    وفا کی آزمائش میں یہی سرگم کے دو سرُ ہیں
    دل مجنون کی دھک دھک دھک سگِ لیلیٰ کی بھوں بھوں بھوں

    وہ جب بھی بات کرتے ہیں تو بے اوقات کرتے ہیں
    کسی کی بھی نہیں سنتے ، نہ چاں چاں چاں نہ چوں چوں چوں

    نہ روسی ہوں نہ چینی ہوں مگر جب رات سو جاؤں
    کبھی کرتا ہوں خر خر خر کبھی کرتا ہوں شوں شوں شوں

    کسی کو مارا مرچوں نے کسی کو دل کی ٹیسیوں نے
    وہی یاروں کی سی سی سی وہی پیاروں کی سوں سوں سوں

    تمہیں کہہ دو یوں جیون کا بنے گا خاک دو گانہ
    میری سائیکل ہے ٹن ٹن ٹن تیری گاڑی ہے پوں پوں پوں

    عمریا کے کسی بھی دن ، تجھے پہنچوں یہ ناممکن
    تیری تیزی ہے زن زن زن تیری پھرتی ہے زوں زوں زوں

    کبھی شاعر کہیں پھنکا ، ادیبوں نے کبھی دھنکا
    بنے نقاد جوں جوں جوں اڑے ہیں بال توں توں توں

    اگر آیا ترا روگی ، سرِ بزمِ سخن ہو گی
    جہاں والوں کی کھی کھی کھی ظفر صاحب کی روں روں روں

    (نوید ظفر کیانی)​
     
    • زبردست زبردست × 4
    • پسندیدہ پسندیدہ × 2
    • پر مزاح پر مزاح × 2
    • دوستانہ دوستانہ × 1
  2. امجد علی راجا

    امجد علی راجا محفلین

    مراسلے:
    2,072
    جھنڈا:
    Pakistan
    موڈ:
    Breezy
    واہ واہ واہ، کیا ہی عمدہ غزل شریکِ محفل کی ہے شمشاد بھیا، مزہ آگیا۔ خوش رہیں، آباد رہیں۔
     
    • دوستانہ دوستانہ × 1
  3. سیما علی

    سیما علی لائبریرین

    مراسلے:
    12,853
    جھنڈا:
    Pakistan
    موڈ:
    Cool
    بہت عمدہ شئیرنگ شمشاد بھیا۔
    سلامت رہیے۔شاد و آباد رہیے۔
     
  4. نویدظفرکیانی

    نویدظفرکیانی محفلین

    مراسلے:
    241
    جھنڈا:
    Pakistan
    موڈ:
    Breezy
  5. محمد خلیل الرحمٰن

    محمد خلیل الرحمٰن مدیر

    مراسلے:
    10,639
    جھنڈا:
    Pakistan
    موڈ:
    Festive
    نوید بھائی! کہاں ہیں آپ؟ اپنی مزیدار شاعری محفل میں شریک کرتے رہیے۔ ہوسکے تو اپنا میگزین بھی شریکِ محفل کیجیے۔
     
  6. چودھری مصطفی

    چودھری مصطفی محفلین

    مراسلے:
    491
    بہت ہی خوب
     

اس صفحے کی تشہیر