مہر نستعلیق ویب فونٹ ۔۔۔مفت ریلیز ۔۔ بہ اشتراک آئی ٹی یونیورسٹی

شکیب

محفلین
بہت مبارک ہو ذیشان متلاشی بھائی۔ انتظار رہے گا۔
گوگل کروم پر مسئلہ ہی رہے گا، آپ پریشان نہ ہوں۔ کروم کی ساری ٹیم نکمی ہے۔ :D
پہلے بھی بہت سی لڑیوں میں اسپر بات ہو چکی ہے۔
 

سعادت

تکنیکی معاون
چھوٹے سائز سے ایسا ہی لگتا ہے۔ لیکن پبلشنگ میں بھی چلے گا۔ موبائل ایپس پر انشاءاللہ کامیاب ہوگا۔
سکرین‌شاٹ میں تو متلاشی نے ٹرو‌ٹائپ فائل کا سائز دکھایا ہے۔ WOFF/WOFF2 کی کمپریشن کے بعد یہ مزید کم ہو جائے گا۔
 

سعادت

تکنیکی معاون
اور مہر نستعلیق ’ویب فونٹ‘ سے کیا مراد ہے؟ کیا صرف ویب کے لیے ہے (یعنی WOFF/WOFF2)؟
ابھی غور سے سکرین‌شاٹ کو دیکھا ہے تو فونٹ کا پورا نام ’مہر نستعلیق ویب‘ ہے۔ احمقانہ سوال کے لیے معذرت! :oops:

البتہ اگلا سوال: کیا آپ صرف ٹرو‌ٹائپ فارمیٹ میں ریلیز کریں گے یا سی‌ایف‌ایف اور WOFF/WOFF2 بھی؟
 
اللہ جل شانہ جزائے خیر عطا فرمائیں۔ اور وہی بہتر جزا عطا فرمانے والا ہے۔ ہم دل کی تمام تر گہرائیوں سے شکر گذار ہیں۔ بہت محبت اور دعائیں
 

متلاشی

محفلین
ابھی غور سے سکرین‌شاٹ کو دیکھا ہے تو فونٹ کا پورا نام ’مہر نستعلیق ویب‘ ہے۔ احمقانہ سوال کے لیے معذرت! :oops:

البتہ اگلا سوال: کیا آپ صرف ٹرو‌ٹائپ فارمیٹ میں ریلیز کریں گے یا سی‌ایف‌ایف اور WOFF/WOFF2 بھی؟
لائسنس پر کام ہو رہا ہے ۔۔ اس بارے آپ رہنمائی کر سکیں تو شکر گذار ہوں گا۔ ہم اس طرح کا لائسنس رکھنا چاہتے ہیں کہ فونٹ کی گلفس اور کوڈنگ دونوں کو کاپی نہ کیا جاسکے ۔۔ باقی استعمال ہر خاص و عام کے لیے فری ہو گا۔ ۔
 

سعادت

تکنیکی معاون
لائسنس پر کام ہو رہا ہے ۔۔ اس بارے آپ رہنمائی کر سکیں تو شکر گذار ہوں گا۔
اس ضمن میں بہتر تو یہی ہے کہ آپ رہنمائی کے لیے دیگر فونٹ لائسنسز کا بغور مطالعہ کریں (اور اگر ممکن ہو تو کسی قابل وکیل کی خدمات بھی حاصل کریں)۔ فونٹس کے استعمال کے بہت سارے کیسز ہیں، مثلاً:
  • کیا آپ صارفین کو فونٹس میں تبدیلیاں کرنے کی اجازت دینا چاہتے ہیں؟ یاد رہے کہ فونٹس کی سَب‌سیٹنگ یا ایک فارمیٹ سے دوسرے میں کنورٹ کرنا بھی کم و بیش فونٹ کے اندر تبدیلی ہی کی ایک مثال ہے۔ سو کیا آپ فونٹ میں تبدیلی کا اختیار محض سَب‌سیٹنگ یا دوسرے فارمیٹس میں کنورژن تک محدود رکھنا چاہتے ہیں، یا صارفین کو تبدیلی کا عمومی اختیار دینا چاہتے ہیں؟ (ایک مثال: اگر کوئی صارف کسی اقلیتی زبان کے لیے گلفس شامل کرنا چاہے؟)
  • کیا صارفین کے پاس فونٹ کو ری‌ڈسٹریبیوٹ کرنے کا اختیار ہو گا؟ کن کن حالتوں میں؟ ویب فونٹس، یا سمارٹ‌فون ایپس، یا ای‌بُکس کے بارے میں فونٹ کا لائسنس کیا کہے گا؟
  • کیا فونٹ کے استعمال کے لیے تجارتی اور غیر تجارتی کاموں میں تفریق ہو گی؟ (آپ کے جملے ’باقی استعمال ہر خاص و عام کے لیے فری ہو گا‘ سے تو لگتا ہے کہ نہیں۔)
ہم اس طرح کا لائسنس رکھنا چاہتے ہیں کہ فونٹ کی گلفس اور کوڈنگ دونوں کو کاپی نہ کیا جاسکے ۔۔
دیگر فونٹ لائسنسز کی طرح آپ اپنے فونٹ لائسنس میں بھی واضح کر سکتے ہیں کہ فونٹ کے گلفس اور اوپن‌ٹائپ فیچرز کے کاپی‌رائٹس اور مالکانہ حقوق آپ کے پاس ہیں۔ البتہ یہ بات ضرور ذہن میں رکھیے کہ کوئی بھی شخص فونٹس کے ساتھ کام کرنے والے بہتیرے ٹُولز کو استعمال کرتے ہوئے آپ کے فونٹ کے فیچرز کا مطالعہ کر سکتا ہے، اس مطالعے کے ذریعے نئی تکنیکیں سیکھ سکتا ہے، اور پھر ان تکنیکوں کو اپنے کسی فونٹ میں نئے سرے سے کوڈ بھی کر سکتا ہے۔ (ہاں، اگر آپ نے اپنی تکنیکیں پیٹنٹ کروا رکھی ہیں تو پھر قانونی کاروائی عمل میں لائی جا سکتی ہے۔ اسی طرح اگر کوئی شخص بالواسطہ آپ کے فونٹ ہی میں تبدیلی کر کے اپنے نام سے ایک نیا فونٹ جاری کر دے تو یہ بات بھی قابلِ گرفت ہو سکتی ہے۔)

کچھ فونٹ لائسنس کے روابط نیچے دے رہا ہوں:
  • میتھیو بٹرک کے فونٹس کا لائسنس (پی‌ڈی‌ایف)۔ اس لائسنس کی اچھی بات یہ ہے کہ عام فہم زبان میں لکھا گیا ہے۔ (بٹرک اپنے فونٹس فروخت کرتے ہیں۔)
  • بِرل فونٹس کا لائسنس۔ بِرل، سکالرلی پبلشنگ کا ایک معروف ادارہ ہے اور اس نے اپنی مطبوعات کے لیے ایک نئی فونٹ فیملی ڈیزائن کروائی تھی۔یہ فونٹ فیملی ذاتی اور غیر تجارتی کاموں کے لیے مفت دستیاب ہے۔
آخری بات یہ کہ میں وکیل نہیں ہوں، اس لیے میری کہی گئی باتیں غلط بھی ہو سکتی ہیں۔ :)
 

arifkarim

معطل
لائسنس پر کام ہو رہا ہے ۔۔ اس بارے آپ رہنمائی کر سکیں تو شکر گذار ہوں گا۔ ہم اس طرح کا لائسنس رکھنا چاہتے ہیں کہ فونٹ کی گلفس اور کوڈنگ دونوں کو کاپی نہ کیا جاسکے ۔۔ باقی استعمال ہر خاص و عام کے لیے فری ہو گا۔ ۔
یہ تو عام کاپی رائٹ لائسنس لگ رہا ہے جس میں مفت استعمال کی اجازت شامل ہوتی ہے۔ ہم نے جمیل نوری نستعلیق کیلئے یہی استعمال کیا ہے۔
 

سعادت

تکنیکی معاون
یہ تو عام کاپی رائٹ لائسنس لگ رہا ہے جس میں مفت استعمال کی اجازت شامل ہوتی ہے۔ ہم نے جمیل نوری نستعلیق کیلئے یہی استعمال کیا ہے۔
ویسے، جمیل نوری نستعلیق کے لائسنس کا متن کہیں دستیاب ہے؟ فونٹ فائل کے اندر لائسنس کی فیلڈ میں تو صرف یہ لکھا ملتا ہے:

کوڈ:
This Font Is Free Of Charge For Urdu Lovers
 

aladdin

محفلین
اس فونٹ کی خصوصیات درج ذیل ہیں :۔
۱۔ یہ فونٹ اوپن ٹائپ کریکٹر بیسڈ ہے ۔۔
۲۔ نقاط کی بہترین سیٹنگ مہیا کرنے کی کوشش کی گئی ہے ۔۔
۳۔ اعراب اور مارکس کی مکمل سپورٹ شامل ہے ۔ ۔
۴۔ یہ فونٹ کم ترین حجم(۱۰۴ کے بی) رکھنے کے ساتھ ساتھ بہترین رینڈرنگ سپیڈ کا حامل ہے ۔۔
۵۔ یہ فونٹ لاہوری طرزِ خطاطی کے عین مطابق ہے ۔۔
۶۔ فونٹ میں انگلش کی سپورٹ بھی شامل ہے ۔۔
۷۔ فونٹ کی مزید بہتری اور کرننگ پر کام جاری ہے ۔۔۔
فانٹ پسند آیا۔ یہ بتائیں کہ اس میں لگیچرز کی تعداد کتنی ہے؟ اورانڈزائن میں اس کا نتیجہ کیسا ہے۔
 
Top