مِری شاعری سے پریشان سب

[شوکت پرویز]

مِری شاعری سے پریشان سب​

مجھے دیکھ ہوتے ہیں حیران سب​

​

یہ اپنے پرائے یہ اچھے برے​

مِرے دل کی حالت سے انجان سب​

​

یہ کہتے ہیں پاگل تو ہو جائے گا​

نظر آتے ہیں اس کے امکان سب​

​

مِری شاعری پہ یہ ردِّ عمل?​

اگرچہ یہ ہیں زیرِ ایمان سب​

​

غلط فہمی اپنی ہی آئی نظر​

سمجھ بیٹھا تھا ہیں ثنا خوان سب​

​

یہ کیا جانیں دل کا مِرے اضطراب​

نظر آئے باہر سے آسان سب​

​

جو لکّھوں نہیں تو بھلا کیا کروں?​

کہ اطراف میں ہے بیابان سب​

​

یہ دل یہ نظر یہ دہن یہ زباں​

مِری شاعری کے ہیں سامان سب​

​

یہ گھر والے یہ دوست یہ اقرباء​

سمجھتے ہیں شوکت کو نادان سب​

اس غزل کی "جڑواں" غزل

 

[محمداحمد]

واہ واہ واہ

ایک ساتھ دو غزلیں بہت ہی خوب شوکت بھائی۔۔۔۔!

یہ اپنے پرائے یہ اچھے برے​

مِرے دل کی حالت سے انجان سب​

یہ شعر تو لاجواب ہے۔

اب اس پر بھی عابد علی عابد کا ایک شعر یاد آگیا۔

​

اب کس سے جا کے دل کی پریشانیاں کہوں​

ہر شخص کہہ رہا ہے کہ اچھا بھلا تو ہے​

​

​

 

[شوکت پرویز]

آپ کا مشکور ہوں محمداحمد بھائی !