من خود سے معمور ہے میرا۔۔۔علی زریون

محمد بلال اعظم نے 'پسندیدہ کلام' کی ذیل میں اس موضوع کا آغاز کیا، ‏جولائی 16, 2013

  1. محمد بلال اعظم

    محمد بلال اعظم لائبریرین

    مراسلے:
    10,288
    جھنڈا:
    Pakistan
    موڈ:
    Angelic
    من خود سے معمور ہے میرا
    نشہ یوں بھرپور ہے میرا

    میں سچل سر مست الٰہی
    عالم عالم نور ہے میرا

    اپنے سامنے سچا رہنا
    بس اتنا منشور ہے میرا

    بے باکی تعلیم ہے میری
    سرخ دلیر شعور ہے میرا

    میرا سب اس کے ذمے ہے
    مالک تو مزدور ہے میرا

    بات نہایت دھیان سے کرنا
    ہاتھ ذرا سا دور ہے میرا

    قول پہ مر جانے والوں میں
    نام بہت مشہور ہے میرا

    میں "طالب" نئیں ،خود جلوہ ہوں !
    کشتہ کوہِ طور ہے میرا

    کر دیتا ہوں نفئ خدا میں
    مر جانا منظور ہے میرا ؟

    میں کیا جانوں ورد وظیفے
    سائیں سنگ حضور ہے میرا

    نام علی زریون ہے جس کا
    کیا ہوا مامور ہے میرا
     
    • زبردست زبردست × 3
  2. نایاب

    نایاب لائبریرین

    مراسلے:
    13,421
    جھنڈا:
    Pakistan
    موڈ:
    Goofy
    بہت خوب
    غوروفکر کے حامل کے لیئے بہت خوب نصیحت
     
    • پسندیدہ پسندیدہ × 2
  3. محمد بلال اعظم

    محمد بلال اعظم لائبریرین

    مراسلے:
    10,288
    جھنڈا:
    Pakistan
    موڈ:
    Angelic
    بہت شکریہ نایاب صاحب
    بہت ممنون ہوں
     

اس صفحے کی تشہیر