منقبت: رب کی رحمت عنایت ہے ذاتِ علیؑ

وجاہت حسین

محفلین

بارگاہِ مرتضویؑ میں ہدیہ عقیدت

رب کی رحمت عنایت ہے ذاتِ علیؑ
نورِ شمعِ ہدایت ہے ذاتِ علیؑ

منتہائے نبوت نبی مصطفی ﷺ
منتہائے ولایت ہے ذاتِ علیؑ

مُجْتَہِد ہیں مفسر ہیں لاکھوں مگر
بادشاہِ درایت ہے ذاتِ علیؑ

جو منافق کو مومن سے کر دے جدا
ایسی پختہ روایت ہے ذاتِ علیؑ

بادشاہ شام کے ہوں مبارک تمہیں
اور ہمیں بس کفایت ہے ذاتِ علیؑ

سورۃِ هَلْ أَتَىٰ سے کھلا راز یہ
آدمی کی نہایت ہے ذاتِ علیؑ

غم ہو کیوں حشر کا تجھ کو حافظؔ کبھی
تیرے دل میں سرایت ہے ذاتِ علیؑ​
 
Top