منتخب مزاحیہ کلام

[M Faraan]

وہ آئے بزم میں اتنا تو میرؔ نے دیکھا
پھر اس کے بعد، چراغوں میں روشنی نہ رہی
۔۔۔۔۔
ہر ایک عہد میں زندہ ہے میر کا مصرع
کسی سے اس کی صداقت ڈھکی چھپی نہ رہی
نظام برق لیا واپڈا نے ہاتھوں میں
پھر اس کے بعد چراغوں میں روشنی نہ رہی
انور مسعود
۔۔۔۔۔۔
بسوں میں بکتی ہوئی شے خرید مت لینا
کہیں یہ سوچتے رہ جاؤ زندگی نہ رہی
بس ایک بار ان آنکھوں میں سرمہ ڈالا تھا
پھر اس کے بعد چراغوں میں روشنی نہ رہی
پاپولر میرٹھی

 

[محمد تابش صدیقی]

بہت خوب۔
وہ عمومی لڑی نہیں تھی، لہٰذا آپ کا انتخاب نئی لڑی میں پرو دیا ہے۔

 

[M Faraan]

بہت خوب۔
وہ عمومی لڑی نہیں تھی، لہٰذا آپ کا انتخاب نئی لڑی میں پرو دیا ہے۔

اچھا جی

 

[سیما علی]

فن کار

اے بندۂ ِ مزدور نہ کر اِتنی مشقت
کاندھے پہ تھکن لاد کے کیوں شام کو گھر آئے

جا کر کسی دفتر میں تُو صاحب کا ہُنر دیکھ
بیکار بھی بیٹھے تو وہ مصروف نظر آئے
------
انور مسعود