افتخار عارف مرے خُدا مرے لفظ و بیاں میں ظاہر ہو

[Qaisar Aziz]

مرے خُدا مرے لفظ و بیاں میں ظاہر ہو
اِسی شکستہ و بستہ زباں میں ظاہر ہو

زمانہ دیکھے میرے حرفِ بازیاب کے رنگ
گلِ مُرادِ ہُنر دشتِ جاں میں ظاہر ہو

میں سخر و نظر آں کلام ہوں کہ سکوت
تری عطا، مرے نام و نشاں میں ظاہر ہو

مزہ تو تب ہے جب اہلِ یقیں کا سر ِکمال
ملامتِ سخنِ گُمرہاں میں ظاہر و

گزشتگانِ محبت کا خوابِ گُم گشتہ
عجب نہیں کہ شبِ آئندگاں میں ظاہر ہو

پسِ حجاب ہے اک شہسوارِ وادئ نُور
کسے خبر، اسی عہدِ زیاں میں ظاہر ہو

افتخار عارفؔ

 

[الف نظامی]

مزہ تو تب ہے جب اہلِ یقیں کا سر ِکمال
ملامتِ سخنِ گُمرہاں میں ظاہر ہو

 

[Qaisar Aziz]

مزہ تو تب ہے جب اہلِ یقیں کا سر ِکمال
ملامتِ سخنِ گُمرہاں میں ظاہر ہو

شکریہ...