محمد مصطفی کا میرے لب پر جب بھی نام آیا۔۔۔

[Saadullah Husami]

نعتِ محمدی علیہ السلام​

از سعداللہ سعدی​

محمد مصطفی کا میرے لب پر جب بھی نام آیا​

ملائک کے زبان پر بھی درود و صد سلام آیا​

مبارک قول باری ہے ، اِسی کا قول ِساری ہے​

پڑھا اللہ نے واں تو ، یہاں بھی لب پہ نام آیا​

محمد مصطفی کا میرے لب پر جب بھی نام آیا​

سر و قامت بھی خم اور دل سے از حد سلام آیا​

محمد کو کہا رب نے کہ ہیں وہ رحمتِ عالم​

اُسی رحمت کو لے آدم ،اِرم سے بالمرام آیا​

رسولوں میں تو ہیں سب سے محمد آخری لیکن​

ہُوا جب نورِ رب پیدا ، تو پہلے اُن کا نام آیا​

پئیے جا جا جام ُحبّ ِ او ، لکھے جا نعت پر نعتیں​

طہارت جس سے ہو تیری ،اُسی خاطر کلام آیا​

نبی کا سا نہیں کوئ ، نبی کا جب نہیں سایہ​

سروں پر جب بھی سایہ ہو ، نبی کا اسمِ تام آیا​

سراپہ نورِ جسمی تھے کہ جسمیں تھا نہیں سایہ​

بھلا روحِ مجسم پر کبھی سایہ کا نام آیا ؟​

یہی ہے حکمِ احمد اور یہی ہے حکم ِیزدانی​

دمِ آخر جو آئے وہ ،محمد ہی کا نام آیا​

سلامی ہو سلامی ہو ، بہ درگاہ ِ نبی والا​

تیرے شفعت کی کاپی میں میرا بھی اسمْ کام آیا​

نبی کے نام کے معنی بتائے تجھ کو رب سعدی​

یہی ہے اِلتجا رب سے ،اُسی کا التزام آیا​

​

​

​

​

​

 

[مہ جبین]

بہت خوب

 

[سید زبیر]

محمد مصطفی کا میرے لب پر جب بھی نام آیا
ملائک کے زبان پر بھی درود و صد سلام آیا
سبحان اللہ ۔۔۔نہائت عمدہ کلام منتخب کیا ہے ، جزاک اللہ

 

[Saadullah Husami]

شکریہ جناب ۔

 

[نایاب]

سبحان اللہ
محترم سعداللہ ہاشمی صاحب یہ " سعدی " تخلص ہے آپ کا ۔ ؟

 

[Saadullah Husami]

جی جنا ب من مکرمی نایاب صاحب ، سعدی میرا تخلص ہے ،چونکہ نام سعداللہ ہے اور میرے والد و والدہ بچپن میں مجھے شفقت سے سعدی پکارتے تھے ، نام سعداللہ کی نسبت سے ، اس لئے سعدی ہی تخلص رکھتا ہوں ۔ زمانے قبل سے ہی لکھتا ہوں ۔اور سعدی کے تخلص سے ہی جانا جاتا ہوں ۔
دیگر یہ کہ ہمارے جد امجد ،ہمارے مسلک کے بزرگ تھے اور حُسام الدارین کے لقب سے آپ کی علمی قابلیت کی وجہ سے ان کے بزرگ کی طرف سے ملقب تھے اسی مناسبت سے ہم نے اپنا خاندانی نام یعنی سرنیم "حُسامی " رکھا ۔
آپ یہاں یہ بتائیں کہ تخلص پر جو مد کا استعمال کیا جاتا ہے وہ ورڈ میں کیسے پورا کیا جاتا ہے ۔انپیج میں تو اس کی سہولت ہے ،مگر ورڈ میں معلوم نہیں کہ کونس کنجی دبانے سے مد حاصل ہوتا ہے اور آج کل ورڈ ہی استعمال کررہا ہوں ۔
آپ تمام کا کرم ہے کہ میرے رکیک اشعار بھی قابل دید و داد ہوتے ہیں ۔
از حد شکریہ

 

[رانا]

رسولوں میں تو ہیں سب سے محمد آخری لیکن
ہُوا جب نورِ رب پیدا ، تو پہلے اُن کا نام آیا

بہت عمدہ نعت ہے۔ جزاک اللہ۔​

 

[Saadullah Husami]

السلام علیکم

 

[عندلیب]

السلام علیکم

وعلیکم السلام!

 

[ادب دوست]

تخلص پر جو مد کا استعمال کیا جاتا ہے وہ ورڈ میں کیسے پورا کیا جاتا ہے ۔انپیج میں تو اس کی سہولت ہے ،مگر ورڈ میں معلوم نہیں کہ کونس کنجی دبانے سے مد حاصل ہوتا ہے

 

[ادب دوست]

مبارک قول باری ہے ، اِسی کا قول ِساری ہے

سر و قامت بھی خم اور دل سے از حد سلام آیا

ہُوا جب نورِ رب پیدا ، تو پہلے اُن کا نام آیا

پئیے جا جا جام ُحبّ ِ او ، لکھے جا نعت پر نعتیں

 

[محمد خلیل الرحمٰن]

پہلا مصرع ہی اتنا خوبصورت ہے کہ ہم آگے نہیں بڑھ پارہے

 

[Saadullah Husami]

مکرمی محمد خلیل الرحمان صاحب ۔۔۔ذرہ نوازی کامشکور